यूहन्‍ना 1:34 - घले नयाँ करार

³⁴ ङैदे तङ्दे, मेस्‍ये गवाही पीन ख्यङ्, ङू परमेश्‍वरजे च ख्यङ्।”

यूहन्‍ना 1:34 ပူးပေါင်းရင်းမြစ်များ

मत्ती 11:27

“ङैजे पदे साप्‍ताकूरूने ङैने जिम्मा पीने ख्यङ्। पदेत्‍या रङ्से च कर ख्‍य यदेबे स्‍ये ख्यङ् सूजो सूदेये अन्‍स्‍ये मेस्‍ये चदेत्‍या प स्‍ये ख्यङ् सूजो सूदेये अन्‍स्‍ये। होर्‌दे चदे प कर ख्य यदेब सूने स्‍येला चीम्‍मेब सेम् चीक्क्य थमयूदेत्‍या स्‍येय।

मत्ती 16:16

सिमोन पत्रुसदे जवाफ पीन्‍दे, “न सोम्‍बो परमेश्‍वरजे च ख्रीष्‍ट ख्यङ्।”

मत्ती 17:5

पत्रुसदे येर्‌बे पो चीन्‍न चीन्‍नने चकिलो मूक्‍पदे थमयूने उप्‍कीदी, मेस्‍ये हम्‍ब मूक्प नङ्दे के त्‍या तैरदे, “ङू ङैजे छेब च ख्यङ्, ङ ङूप्रे सोरो सूग ख्यङ्, ङूजे पो ङ्‍यीन्।”

मत्ती 26:63

तर येशू पारा अम्‍पूल्‍लाबे टूङ्दे। पात्‍ता केन् पूस्‍र्‌यादे ङूने यदे, “सोम्‍बो परमेश्‍वरजे मीन्‍ने कसम चदेबे यीय, ङीने स्‍य्‍वे, न परमेश्‍वरजे च ख्रीष्‍ट औ?”

मत्ती 27:40

मेस्‍ये यदे, “ओ मन्‍दिर हूल्‍देबे सोम्‍म्‍याने थ्‍याब, कादेये न परमेश्‍वरजे च यलो, रङ्सेने बच्‍दी, मेस्‍ये क्रूसदे मो तल्‍ख।”

मत्ती 27:43

येशूदे परमेश्‍वरने भर् येख्‍य। परमेश्‍वर ङूप्रे सूग ख्यङ्देयलो चूजोने छूर्‌तीमीस्‍य, चेनेयलो ङूदे ‘रङ्सेने परमेश्‍वरजे च’, यदेबे य ख्‍य।”

मत्ती 27:54

कन्‍छ्वाब कप्‍तान मेस्‍ये ङूप्रे येशूने रेत्‍देबे टूनब मीयूदे सूङ्‍गू गीलेब मेस्‍ये होने क्‍यून्‍नब घटनायू तङ्दे, हन्‍छ्वाब सोरो फदेबे थमयूदे यदे, “तम्दम्‍ने, ङू परमेश्‍वरजे चने टूङ्।”

मत्ती 3:17

हन्‍छ्वाब स्वर्गदे येर आवाज त्‍या तैरदे, “अम्‍ब ङैजे छेब च ख्‍यङ्, ङू तङ्देबे ङ सोरो सूग ख्‍यङ्।”

मत्ती 4:3

हन्‍छ्वाब जाँच चेब शैतान येशू ट्‌याने रदेबे यदे, “न परमेश्‍वरजे च यलो अम्‍ब लूङ्‍यूने क्‍यङ् क्‍यूर् यदेबे आज्ञा पीन्।”

मत्ती 4:6

मेस्‍ये येशूने यदे, “न परमेश्‍वरजे च यलो, अन‍्‍यादे मो नेम्‍ब, चेनेयलो येरे लिख्दीये ख्‍यङ्, ‘ङूदे न रङ्से दूतयूजे जिम्माने पीन्क्‍य मेस्‍ये नने थमयूदे रङ्से ला-लाने थम्‍दीय, नत्र नैजे तोप् लूङ्ने थूङ्बीय’।”

मत्ती 8:29

थमयूदे येरे यदेबे पारा पूत्‍दे, “ओ परमेश्‍वरजे च, ङीयूप्रे नैजे चेकाम? ङीजे न्याय चेब बील अन्‍क्‍यूट्‍टबने न ङीयूने छरङ् पीनने अयाने रऔ?”

मर्कूस 1:1

परमेश्‍वरजे च येशू ख्रीष्‍टजे सूगब खबर येरे सुरु क्‍यूक्‍क्‍य।

मर्कूस 1:11

होर्‌दे स्‍वर्गदे येर के त्‍या तैरदे, “न ङैजे छेब च ख्यङ्। नेप्रे ङ सोरो सूग ख्यङ्।”

लूका 1:35

स्‍वर्गदूतदे ङूने जवाफ पीन्‍दे, “पवित्र आत्‍मा नने रीय, मेस्‍ये पात्‍ता नङ्ने केन् परमेश्‍वरजे शक्तिजे ल नैफ्‍याने पर्‌दीय। होरेक्यूत्देबे जन्मीदीसे ख्‍यब पीच ङू पवित्र, मेस्‍ये परमेश्‍वरजे च यीय।

लूका 3:22

पवित्र आत्‍मा ङ्वजे रूप्ने धोङ्‍रप्र ङूजे फ्‍याने ‍रदे। होर्‌दे स्‍वर्गदे येर के त्‍या तैरदे, “न ङैजे छेब च ख्यङ्, ङ नैप्रे सोरो सूग ख्यङ्।”

यूहन्‍ना 1:18

परमेश्‍वरने कलङ्बे सूदेये अन्‍तङ्। पप्रे ख्‍यब तीत्‍यात्‍या चदे पने तम्‍मे ख्यङ्।

यूहन्‍ना 1:49

नथानेलदे ङूने लोत्‍दे, “गुरु, न परमेश्‍वरजे च ख्यङ्! न इस्राएलजे मूरुम् ख्यङ्।”

यूहन्‍ना 10:30

प प्रे ङ त्‍या ख्यङ्।”

यूहन्‍ना 10:36

पदे पवित्र चीत्‍देबे संसारने कूल्‍बेब मीदे, ‘ङ परमेश्‍वरजे च ख्यङ्’ यदेबे यब केर्‌बे परमेश्‍वरजे न प्वेब क्‍यूक्‍क्‍य?

यूहन्‍ना 11:27

ङूदे येशूने यदे, “प्रभु न संसारने रब ख्रीष्‍ट परमेश्‍वरजे च ख्यङ् यदेबे ङैदे विश्‍वास चे ख्यङ्।”

यूहन्‍ना 19:7

यहूदीयूदे ङूने जवाफ पीन्‍दे, “ङीजे धर्मजे नियमत्‍या ख्यङ्, मेस्‍ये हम्‍ब नियम अनुसार अम्‍ब मी सेने पर्‌दीय, चेनेयलो ङूदे रङ्सेने ङ परमेश्‍वरजे च ख्यङ् यदेबे य ख्यङ्।”

यूहन्‍ना 20:28

थोमादे येशूने यदे, “ङैजे प्रभु, मेस्‍ये ङैजे परमेश्‍वर।”

यूहन्‍ना 20:31

तर येर लिख्दीये ख्यङ्, यी नमयूदे येशू परमेश्‍वरजे च मुक्ति पीनब ख्रीष्‍ट ख्यङ् यदेबे विश्‍वास ची, मेस्‍ये विश्‍वास चेबदे ङूजे मीन्‍ने नमयूदे जीया प्रेस्‍स्‍य।

यूहन्‍ना 6:69

मेस्‍ये परमेश्‍वरदे कूल्‍बेब पवित्र मी नने ख्यङ् यदेबे ङीदे विश्‍वास चे ख्यङ् मेस्ये स्ये ख्यङ्।”

रोमी 1:4

ङीनजे प्रभू येशू ख्रीष्‍ट सीयेबदे फेरि सोम्‍बो क्यूत्देबे पवित्र आत्माजे शक्तिने परमेश्‍वरजे च ख्यङ् यदेबे ठर्‌तीकदे।

२ कोरिन्थी 1:19

चेनेयलो सिलास, तिमोथी, मेस्‍ये ङैदे नमयूजे अन्द्रने प्रचार चेब परमेश्‍वरजे च येशू ख्रीष्‍टप्रे खात्‍याने “क्‍यूक्‍क्‍य” होर्‌‍दे खात्‍याने “अन्‍क्‍यूर्‌” यब पो त्‍वो, तर ङूप्रे येतार्‌ने “क्‍यूक्‍क्‍य” यब पो ख्यङ्।

हिब्रू 7:3

ङूजे प-म त्‍वो, वंशये त्‍वो, जीया सुरु क्‍यूर मेस्‍ये सीयेब चैये था त्‍वो, तर परमेश्‍वरजे चप्रने, ङू येतार्‌जे लागि पूस्‍र्‌या क्‍यून्‍नीय।

१ यूहन्‍ना 2:23

चने अम्‍मन्‍देब सूमीप्रेये प क्यूस्से त्‍वो। सूदे चने मन्‍दीय हम्‍बप्रे प क्‍यूक्‍क्‍य।

१ यूहन्‍ना 3:8

सूदे पाप चीक्‍क्‍य हम्‍ब शैतानजे मी क्‍यूक्‍क्‍य। चेनेयलो शैतानदेब अम्ब सं‍सार सुरुक्‍यूरमेस्‍येने पाप चीन्‍नने ख्यङ्। शैतानजे कामयू नाश चेने परमेश्‍वरजे च रदे।

१ यूहन्‍ना 4:9

परमेश्‍वरजे प्रेम ङीन अन्‍द्रने येर्‌बे तङ्‍रदे, ङूजे चने क्यूत्देबे ङीनदे कलङ्बेये अन्जेनब जीया प्रेस्स्य यदेबे ङूदे रङ्सेजे तीत्‍यात्‍या च अम्‍ब संसारने कूल्‍पीदे।

१ यूहन्‍ना 5:20

परमेश्‍वरजे च रेक ख्यङ् यदेबे ङीनने था ख्यङ्, मेस्ये सत्य परमेश्‍वरने स्‍ये खूस्‍य यदेबे ङूदे ङीनने ज्ञान पीन ख्यङ्। ङी ङूजे च येशू ख्रीष्‍टप्रे क्यूत्देबे सत्य परमेश्‍वरप्रे ख्यङ्। ङू सत्य परमेश्‍वर मेस्‍ये कलङ्बेये अन्सीबब जीया ख्यङ्।

२ यूहन्‍ना 1:9

ख्रीष्‍टदे लोम्‍मेब शिक्षाने अम्‍मन्‍दीलाबे सूजो शिक्षा मन्‍देब मीयूप्रे परमेश्‍वर क्यूस्स्ये त्‍वो, तर ख्रीष्‍टदे लोम्‍मेब शिक्षा मन्‍दीनब मीप्रे प परमेश्‍वर मेस्‍ये ङूजे च थम फीनीने क्‍यूक्‍क्‍य।

प्रकाश 2:18

होर्‌दे थिआटीराजे मण्डलीजे दूतने अम्‍ब पो लिख्दी: अम्‍ब पो परमेश्‍वरजे चदे य ख्यङ्, ङूजे म्‍या मीजे उम्‍दप्र, ङूजे तोप् टेल्‍कीदीदेबे हीतेब चीरीप्र ख्यङ्।