यूहन्‍ना 1:29 - घले नयाँ करार

²⁹ नैदेरेदे यूहन्‍नादे रङ्सेतेले येशू रेनब तङ्देबे यदे, ‘ले, संसारजे पाप लङ्‍केब परमेश्‍वरजे थुमा!

यूहन्‍ना 1:29 ပူးပေါင်းရင်းမြစ်များ

मत्ती 1:21

मरियमदे च त्‍या प्रेक्क्य, मेस्‍ये नदे ङूजे मीन् येशू येक्क्‍य, चेनेयलो येशूदे रङ्से मीयूने थमयूदे चीक्‍कब पापदे जूक्‍तीमीय।”

मत्ती 20:28

केर्‌बे मीजे चये सेवा प्रेस्‍ये यदेबे रदी, तर सेवा चीत्‍देबे कूम पापीयूजे पाप छूर्‌देमेजे लागि रङ्सेजे प्राण पीनने रदे।”

यूहन्‍ना 1:35

फेरि नैदेरेदे यूहन्‍ना रङ्सेजे स्यूस्स्या ङ्हीप्रे मेर्‌न ख्‍य।

यूहन्‍ना 1:36

ङूदे येशू प्रेनब तङ्देबे यदे, “ले, परमेश्‍वरजे थुमा!”

यूहन्‍ना 1:43

नैदेरेदे ङूदे गालीलने प्रब पक्‍क चीत्‍दे। ङूदे फिलिपने तूदेबे यदे, “ङैजे ङ्ये-ङ्ये ख।”

यूहन्‍ना 2:1

सोम्‍म्‍यानीदे गालीलजे काना सहरने ङ्‍येन् ख्‍य। येशूजे मये हैयाने ख्‍य।

यूहन्‍ना 3:16

“चेनेयलो परमेश्‍वरदे संसारने येर प्रेम चीत्‍दे, यी ङूदे रङ्सेजे तीत्‍यात्‍या ख्‍यब चये पीन्‍दे, ङू फ्‍याने विश्‍वास चेब सूये नाश अन्‍क्‍यूप्‍पस्‍य, तर हम्‍बदे कलङ्बेये अन्सीबब जीया प्रेस्‍स्‍य।

यूहन्‍ना 4:42

थमयूदे हम्‍ब मदीने यदे, “अम्‍ब नदे यब पोदे चीत्‍देबे ङीदे विश्‍वास चे दी, तर ङी रङ्सेदेने तब कारणदे तम्दम्‍ने ङू संसारजे मीयूने मुक्ति पीनब मी यदेबे ङीदे स्‍येदे।”

यूहन्‍ना 6:51

स्वर्गदे रब जीया पीनब क्‍यङ् ङने ख्यङ्। अम्‍ब क्‍यङ् चब मीदे येतार्‌ने जीया प्रेन्‍नीय। ङैदे पीनब हम्‍ब क्‍यङ्ब ङैजे ङ्व ख्यङ्। संसारजे मीयूदे जीया प्रेस्‍स्‍य यदेबे ङ ङैजे ङ्व पीन्‍क्‍य।”

मूल स्यूस्स्यायूजे कामजे किताब 13:39

नम विश्‍वास चेबयू क्वादेने येशूने क्यूत्देबे साप्‍ता पोयूदे छुटकारा प्रेक्क ख्यङ्, हम्‍ब छुटकारा मोशाजे नियमने क्यूत्देबे नमयूजे लागि क्‍यूरने अन्ख्वब पो ते ख्य।

मूल स्यूस्स्यायूजे कामजे किताब 8:32

ङूदे छ्‌योन्‍नब धर्मशास्त्रजे खण्ड अम्‍ब ख्‍य, “केर्‌बे स्वान्‌ तूपने स्‍योल्‍गीय, या ल्‍वाजे प पी ख्‍वाब मीजे खूम्‍ने पारा अम्पूल्लाबे टूङ्क्‍य, होरप्रने ङूदे रङ्से ङूर्‌ अम्‍पूक्।

१ कोरिन्थी 15:3

ङैदे प्रेब अम्‍ब पात्‍ता केन् पोजे रूप्‍ने नमयूजे लाने पीने ख्यङ्, हम्ब अम्बने ख्यङ्, पवित्र धर्मशास्त्र अनुसार ख्रीष्‍ट ङीन्जे पापजे लागि सीइदे।

२ कोरिन्थी 5:21

चेनेयलो ङीन ख्रीष्‍टप्रे क्‍यूत्‍देबे परमेश्‍वरजे खूम्ने धर्मी ठर्‌ते खूस्‍य यदेबे पापने अन्‍स्‍येब ख्रीष्‍टने परमेश्‍वरदे ङीनजे पापजे बलि क्यूस्से पीन्‍दे।

गलाती 1:4

ङीनजे प-परमेश्‍वर‌जे इच्छा अनुसार येशूदे दीनीजे अम्‍ब अन्‍ज्‍य जूक्‍ने ङीनने जूक्‍तीमेने ङीनजे पाप‍जे लागि रङ्सेने पीन्‍दे।

गलाती 3:13

ङीनदे प्रे पर्‌देब श्राप ख्रीष्‍टदे प्‍लेत्‍दे मेस्‍ये मोशाजे नियम अनुसार प्रे पर्‌तेब श्रापदे ङीनने छूर्‌दीमीदे, चेनेयलो “तोङ्बोने पीलब क्‍वाने श्राप प्रेब क्‍यूक्‍क्‍य” यदेबे धर्मशास्‍त्रने लिख्दीये ख्यङ्।

१ तिमोथी 2:6

येशू ख्रीष्‍टदे मीयू क्‍वानेने पापदे छूर्‌दीमेने लूजे रूप्ने रङ्सेजे प्राण पीन्‍दे, हम्‍ब पोजे प्रमाण ठीक बीलने पीन्‍दे।

तीतस 2:14

येशू ख्रीष्‍टदे ङीनने साप्‍ता किसिमजे पापदे छुर्‌तेजे लागि रङ्से प्राणये पीन्‍दे। ङूदे ङीनने पवित्र चेने रङ्से मी बन्‍दीदे, मेस्‍ये ज्‍य काम चेने जोसीलो क्यूरने येरे चीत्दे।

हिब्रू 1:3

परमेश्‍वरने ख्‍यब महिमाजे रूप् चने तङ्क्‍य मेस्‍ये परमेश्‍वरजे स्‍वभावयू क्‍वाने ङूप्रे ख्यङ्, होर्‌दे अम्‍ब संसारने ख्‍यब साप्‍ता सेयू रङ्से शक्‍तिजे वचनदे रङ्से रङ्से नेने छ्‌यान ख्यङ्। मीयूजे पापने क्षमा पीन जेन ङ्येदे महिमाने ख्‍यब परमेश्‍वरजे स्येत्‍देयोर्‌ देन् छ्‍यादे।

हिब्रू 2:17

येरेक्‍यूत्‍देबे साप्‍ता पोने ङू रङ्से अत-अची च्योन्‌यूप्र क्‍यूर पर्‌तीदे, मेस्‍ये मीयूजे पापने क्षमा चीम्‍मेने परमेश्‍वरजे सेवा चेब कामने ङू कृपा चेब मेस्‍ये भर् पर्‌तेब पात्‍ता केन् पूस्‍र्‌या क्‍यूत्दे।

हिब्रू 9:28

होरप्रने ख्रीष्‍ट कूम मीजे पाप प्‍लेकेजे लागि त्याफे बलि क्‍यूत्‍दे। ङू फेरि दोस्रो पोलोने रीय। हन्छ्वाबब पाप प्‍लेने दी, तर ङूजे लम् लेन्‍नब मीयूजे उद्धार चेने ‍रीय।

१ पत्रुस 1:19

तर चैये खोट् त्‍वब मेस्‍ये शुद्ध ख्‍यब थुमाजेप्र लू-फाने अङ्ख्‍वब येशू ख्रीष्‍टजे कादे नमयूने छुटकारा पीन ख्यङ्।

१ पत्रुस 2:24

पापजे लागि ङीन सीबदेबे धार्मिकताजे लागि जीया चखूस्‍य यदेबे ख्रीष्‍टदे ङीनजे पाप रङ्से ङ्वने प्‍लेत्‍देबे क्रूसने पील्‍दे। ङूदे प्रेब कष्‍‍‍टजे मयूदे नमयू तम् क्‍यूत्‍दे।

१ पत्रुस 3:18

चेनेयलो ख्रीष्‍टदे ङीनजे पापयू प्‍लेत्‍देबे येतार्‌जे लागि त्‍याफेने सीइदे। ङूदे कलङ्बेये पाप अन्‍चे ख्‍य, तर नमयूने परमेश्‍वर ट्‍याने कूबने पाप चेयूजे लागि सीइदे। ङू ङ्वने सीइदे, तर आत्‍माजे शक्तिने ङू फेरि सोम्‍बो क्यूत्दे।

१ यूहन्‍ना 2:2

ङीनजे पाप क्षमा चेजे लागि येशू ख्रीष्‍ट बलि क्‍यूत्‍दे, मेस्‍ये ङीनजे लागित्‍या दी, तर मुलुकभरी ख्‍यब मीयूजे लागिये पापजे बलि क्‍यूत्‍दे।

१ यूहन्‍ना 3:5

मीयूजे पाप लङ्‍केने ङू र-ख्यङ् यब पो नमयूदे स्‍ये ख्यङ्। मेस्‍ये ङूने चै पापये त्‍वो।

१ यूहन्‍ना 4:10

ङीनदे परमेश्‍वरने प्रेम अन्‍ची तर परमेश्‍वरदे ङीनने प्रेम चीत्‍दे, मेस्‍ये ङीनजे पाप मेर्‌देजे लागि बलि क्‍यूरने रङ्सेजे च कूल्‍पीदे, प्रेम यब अम्‍ब ख्यङ्।

प्रकाश 1:5

मेस्ये विश्‍वास चे ख्‍वब साक्षी येशू ख्रीष्‍ट, सीयेबयू नङ्ने पात्‍ता खूम् सोम्‍बो क्‍यूरब, मेस्‍ये पृथ्‍वीजे मूरुम्यू फ्‍याने हुकुम चेबट्‍यादे नमयूने अनुग्रह मेस्ये शान्ति। ङूदे ङीनने प्रेम चे ख्यङ् मेस्‍ये ङीन्‍जे पापने रङ्से कादे छूर्‌तीमे ख्यङ्,

प्रकाश 12:11

थुमाजे का मेस्‍ये परमेश्‍वरजे वचन अनुसार रङ्सेदे गवाही पीन्‍देबे थमयूदे शैतान फ्‍याने ट्‌याप्रे ख्यङ्, मेस्‍ये सीब पर्‌दीलीने थमयूदे रङ्से ज्‍यानजे माया अन्‍ची।

प्रकाश 13:8

कलङ्बेये अन्जेनब जीया प्रेबयूजे मीन् लिख्दीयेब किताबने संसारजे सृष्‍टि क्यूरयली खूम्मेस्येने मीन् अन्लीख्दीयेब मीयू क्वादेने हम्ब रोलाजे पूजा चीक्‍क्य। हम्ब किताबब सेक्‍कब थुमाजे ख्यङ्।

प्रकाश 14:1

होर्‌दे ङैदे लेप्‍प सियोन गङ्फ्‍याने थुमा मेर्‌नब तङ्दे। हैयाने ङूप्रे लाख त्‍या ङ्यील्‍लङ्दे हजार स्यी मी ख्‍य, थमयूजे प्‍वेने थुमाजे मीन् मेस्‍ये ङूजे पजे मीन् लिख्दीये ख्‍य।

प्रकाश 14:10

ङूदेये परमेश्‍वरजे छीजे पीलने चैये अन्‍च्‍यूम्‍लाबे तयार चीदेबे परमेश्‍वरजे छीजे कडा ची थूङ्क्‍य, होर्‌दे पवित्र स्वर्गदूतयू मेस्‍ये थुमाजे खूम्‍ने प्‍ल्‍याङ्नब मी मेस्‍ये गन्‍धकने सकस् पीन्‍क्‍य।

प्रकाश 14:4

थमयू मदीप्रे लस्पस् अन्-क्‍यूक्‍कब ख्‍य, मेस्‍ये थमयूदे रङ्सेने चोखो ये ख्‍य। थुमा केने-केने प्रीय होने होने ङू ङ्‍ये-ङ्‍ये प्रबयूब थमयू ख्‍य। परमेश्‍वर मेस्‍ये थुमाजे लागि पात्‍ता खूम् चेर्‌तेब फलप्रने मीयूजे अन्‍द्रदे थमयूने लू-फादेबे छूर्‌तीरे ख्‍य।

प्रकाश 15:3

थमयूदे परमेश्‍वरजे त्वो मोशाजे मेस्‍ये थुमाजे प्रू येरे यदेबे पून्‍न ख्‍य, “पात्‍ता केन् शक्ति ख्यब परमप्रभु परमेश्‍वर, नैजे काम सोरो केन् मेस्‍ये हार्‌मन्‍देत्‍या ख्यङ्। न जात जातजे पात्‍ता केन् मूरूम्, नैजे योजनायू ठीक मेस्‍ये तम्दम् ख्यङ्।

प्रकाश 17:14

थमयूदे थुमाजे विरुद्धने जीङ्क्‍य, मेस्‍ये थुमादे थमयू फ्‍याने ट्‌याय, चेनेयलो ङू प्रभुयूजे प्रभु मेस्‍ये मूरुम्यूजे मूरुम् ख्यङ्। ङूप्रे ख्‍यबयू प्रभुदे क्‍वब, सेलब मेस्‍ये भर्‌पर्‌ते ख्‍वबयू ख्यङ्।”

प्रकाश 19:7

ङीन सोरो सूगे मेस्‍ये आनन्द क्‍यूत्‍देबे ङूजे महिमा चीदे! चेनेयलो थुमाजे ङ्येन् चेब दिन फ्‍योर ख्यङ्, मेस्‍ये ङूजे पीर्‌मदे रङ्सेने तयार चे-ख्यङ्।

प्रकाश 19:9

होर्‌दे हम्‍ब स्वर्गदूतदे ङैने यदे, “अम्‍ब पो लिख्दी, थुमाजे ङ्येन्‍ने भात्यार्‌ चजे लागि निम्‍तो प्रेबयूदे असी प्रेक्‍क्‍य।” ङूदे फेरि ङैने यदे, “अम्‍ब पो परमेश्‍वरजे सत्य वचनयू ख्यङ्।”

प्रकाश 21:14

हम्‍ब सहरने ख्‍यब पङ्‍रीजे जा बाह्र ओटा ख्‍य। हम्‍ब जायू-फ्‍याने थुमाजे मूल स्यूस्स्यायू त्‍या-त्‍याजे मीन् लिख्दीये ख्‍य।

प्रकाश 21:27

तर थुमाजे जीयाजे किताबने मीन् लिख्दीयेबयू त्‍यामे होने क्‍योब प्रेक्‍क्‍य, सूजो अशुद्ध सेयू, ङ्येत्‍या काम फरबयू, लूच्‍च क्‍यमबयू कम्‍ब तर्‌तीप्‍देये हम्‍ब सहर नङ्ने क्‍योब प्रेस्‍स्‍ये त्‍वो।

प्रकाश 21:9

होर्‌दे हम्‍ब पात्‍ता ङ्‍येजे सोरो फत्या सकस् ङ्यीदे सेम् फ्‍यानब पील ङ्यी टेलब स्वर्गदूतयू ङ्यी नङ्दे स्वर्गदूतत्‍या रदेबे ङैने येरे यदे, “ख, ङ नने थुमाजे मज, ङूजे पीर्‌म तम्‍मीय।”

प्रकाश 5:6

होर्‌दे सिंहासन, सोम्‍बो प्राणी स्यी, मेस्‍ये धर्म-गुरुयूजे अन्‍द्रने थुमा त्‍या मेर्‌नब ङैदे तङ्दे, ङू सेक्‍कप्र तङ ख्‍य। ङूजे रूक् ङ्यी मेस्‍ये म्‍या ङ्यी ख्‍य, हम्‍बयू पृथ्‍वीजे का-मुलुक‍ने कूल्‍बेब परमेश्‍वरजे आत्‍मा ङ्यी ख्यङ्।

प्रकाश 5:8

कन्‍छ्वाब ङूदे हम्‍ब मूठ लाने कीन्‍दे, हन्‍छ्वाब हम्‍ब सोम्‍बो प्राणी स्यी मेस्‍ये नूस्‍यूदे स्यी धर्म-गुरुयू ङूजे खूम्‍ने पून्‍छ्‌यल् क्‍यूत्‍दे। तपब वीणा मेस्‍ये धूपदे फ्‍यायेब मर्‌जे तीयाँयू थमयू क्‍वाजे लाने ख्‍य, अम्‍बब परमेश्‍वरजे पवित्र मीयूजे प्रार्थना ख्यङ्।

प्रकाश 6:1

कन्‍छ्वाब थुमादे हम्‍ब लग छाप ङ्यी नङ्ने पात्‍ता खूम्‍जे छाप ल्‍वाबेब ङैदे तङ्दे, हन्‍छ्वाब हम्‍ब सोम्‍बो प्राणीयू स्यी नङ्ने त्यादे मू गर्‌जेदेप्र आवाजदे “ख!” यब ङैदे तदे।

प्रकाश 6:16

थमयूदे गङ्यूने मेस्‍ये लूङ् पोलोम्यूने यदे, ङीफ्‍याने तल्‍ख, मेस्‍ये सिंहासनने देन् छ्‌यानबदे ङीने अन्‍तङ्स्‍य, होर्‌दे थुमाजे छी ङी फ्‍याने पर्‌दीसे अम्पीन्‍लाबे फूमी।

प्रकाश 7:14

होर्‌दे ङैदे ङूने यदे, “प्रभु, नदेने स्‍ये ख्यङ्।” ङूदे ङैने यदे, “थमयूब सोरो फत्‍या सतनम् सैदीदेबे रब मीयू ख्यङ्, मेस्‍ये थमयूदे रङ्सेजे कोलायू थुमाजे काने ठूदेबे कर्‌ चे ख्यङ्।

प्रकाश 7:17

चेनेयलो सिंहासनजे अन्‍द्रने ख्‍यब थुमा थमयूजे प्रङ्ब क्‍यूक्‍क्‍य, मेस्‍ये थमयूने प्रेस्‍योल्‍देबे सोम्‍बो क्‍यू प्ल्यानब मूरुम्सेमे कूबीय, मेस्‍ये परमेश्‍वरदे थमयूजे म्‍यादे योङ्‍रब म्‍यामूयू क्‍वाने फील्‍मीय।”