यूहन्‍ना 1:16 - घले नयाँ करार

¹⁶ ङूजे मोक्‍तो अनुग्रहदे ङीन क्वादेने सोरो कूम अनुग्रह प्रेन्‍न ख्यङ्।

यूहन्‍ना 1:16 ပူးပေါင်းရင်းမြစ်များ

मत्ती 13:12

चेनेयलो सूप्रे ख्यङ्, ङूने अझ पीन्‍क्‍य, मेस्‍ये ङूप्रे बेस्से कूम क्‍यूक्क्‍य। तर सूप्रे त्‍वो, ङूप्रे ख्‍यबये लेन्‍कीय।

मत्ती 3:11

“पश्‍चात्ताप चीत्‍देबे परमेश्‍वरतेले ल्‍वारजे लागि ङैदे नमयूने क्‍यूजे बप्‍तिस्मा पीन्‍क्‍य, तर ङ यली ङ्येदे रब झन् ङ यली थेप् शक्तिशाली ख्‍यङ्, ङूजे पूङ्‍गीजे तन फाब लायकजेये ङ त्‍वो। ङूदे नमयूने पवित्र आत्माप्रे मीदे बप्‍तिस्मा पीन्‍क्‍य।

मत्ती 3:14

यूहन्‍नादे येरे यदेबे ङूने रोक्‍ते मेदे, “बरू नदे ङैने बप्‍तिस्मा पीन पर्‌दे ख्‍यङ् तर झन् न ङै ट्‌याने र औ?”

लूका 21:15

चेनेयलो नमयूने ङैदे यर क्‍यमब पो मेस्ये बुद्धि पीन्क्‍य, अम्‍ब पोजे लागि नैजे शत्रुयूदेये चैत्‍याये य अन्‍खू होर्‌दे पो च अन्‍ख्व क्यूक्‍क्य।

यूहन्‍ना 3:34

परमेश्‍वरदे कूल्‍बेब मीदे परमेश्‍वरजे पोने क्‍यम्‍क्‍य चेनेयलो परमेश्‍वरदे रङ्सेजे आत्मा पुरा रूप्‍दे पीन्‍क्‍य।

रोमी 5:17

मी त्‍यादे चेब पापजे कारणदे टक्क मीयू फ्‍याने मृत्‍यूदे राज्‍य चीत्‍देयलो हम्‍बयली थेप् परमेश्‍वरदे मीने कूम अनुग्रह चीत्‍देबे धर्मी ठर्‌दीकब मीयूदे मी तीत्‍यात्‍या येशू ख्रीष्‍टने क्‍यूत्‍देबे कलङ्बेये अन्जेनब जीया प्रेक्‍क्‍य।

रोमी 5:2

ङूप्रे क्यूत्देबे ङीनदे विश्‍वास चीत्‍देबे परमेश्‍वरजे अनुग्रह प्रेख्यङ्। हम्‍ब अनुग्रहने ङीन बच्‍दे ख्यङ्, मेस्‍ये परमेश्‍वरजे महिमाने क्‍व प्रेक्‍क्‍य यब पोने आशा चेब क्‍यूत्‍देबे ङीन सूग प्रेख्‍य।

रोमी 5:20

मोशाजे नियम रमेस्‍ये झन् थेप् अपराध बढ्दीदे, तर केने पाप बढ्दीदे होने अनुग्रह झन् थेप्ने रदे,

रोमी 8:9

कादेये तम्दम्ने परमेश्‍वरजे आत्‍मा नमयूने ख्यङ्दे यलो, नमयू पापी स्‍वभाव अनुसार प्रब दी, तर पवित्र आत्‍मा अनुसार चील्‍लेब क्यूक्क्य। तर कोइ मीयूप्रे ख्रीष्‍टजे आत्‍मा अन्‍क्‍यूत्‍देयलो हम्‍ब ख्रीष्‍टजेने दी।

एफिसी 1:23

हम्‍ब मण्डली ख्रीष्‍टजे ङ्व ख्यङ्। मेस्ये ख्रीष्‍टब परमेश्‍वरजे साप्‍ता पोदेने भरीपूर्‌न ख्यङ्।

एफिसी 3:19

ज्ञानदे मेल अन्ख्‍वब हम्ब प्रेमने नमयूदे था प्रे खूस्‍य, होर्‌दे परमेश्‍वरजे प्रेमदे नमयूने भरीपूर्‌न क्‍यूर खूस्‍य।

कलस्सी 1:19

चेनेयलो परमेश्‍वरजे साप्‍ता स्वभाव‍यू ख्रीष्‍टने क्‍यून्‍नब तङ्देबे परमेश्‍वर सोरो सूग्‍दे,

कलस्सी 2:3

परमेश्‍वरजे ज्ञान मेस्‍ये बुद्धिजे सम्पत्ति क्‍वाने ख्रीष्‍टप्रे फूये ख्यङ्।

१ पत्रुस 1:11

अगमवक्तायू नङ्ने ख्‍यब ख्रीष्‍टजे आत्‍मादे ख्रीष्‍ट फ्‍याने पर्‌तीरब सकस्यू होर्‌दे ङ्येदे क्‍यूरब महिमाजे पो क्‍यमब बीलने तम्‍मे ख्‍य, मेस्‍ये अम्‍ब केर्‌बे मेस्‍ये कलङ् क्‍यूक्‍क्‍य यदेबे था प्रेजे लागि थमयूदे मैख्‍य।

१ पत्रुस 1:2

येशू ख्रीष्‍टजे आज्ञा मन्‍देब मेस्‍ये ङूजे कादे शुद्ध क्‍यूरजे लागि पवित्र आत्‍मादे शुद्ध क्‍यूत्‍देबे परमेश्‍वर पदे रङ्सेजे इच्‍छा अनुसार रङ्से मी चेने सेलब मीयूने: अनुग्रह मेस्‍ये शान्ति बेस्से क्‍यूप्‍पीनूस्‍य।