यूहन्‍ना 1:11 - घले नयाँ करार

¹¹ रङ्से मीयू ट्‌याने ङू रदे, तर हम्‍ब मीयूदे ङूने ग्रहण अन्ची।

यूहन्‍ना 1:11 ပူးပေါင်းရင်းမြစ်များ

मत्ती 15:24

येशूदे यदे, “ङ इस्राएलीयूजे लागित्‍या कूल्‍बे ख्यङ् थमयू मलेब स्वान्‌यूप्र ख्यङ्।”

लूका 19:14

“तर ङूजे देशजे मीयूदे ङूने सेम् अम्‍पर्‌दे ख्‍य। मेस्‍ये थमयूदे ङूजे ङ्ये-ङ्ये दूतयूने येरे यदेबे कूल्‍बीदे, ङूदे ङी फ्‍याने मूरुम् क्‍यूरब ङीने सेम् अम्‍पर्‌दी।’

यूहन्‍ना 1:10

ङू संसारने ख्‍य। संसार ङूदेने बन्‍दीदे, होरनेयली संसारजे मीयूदे ङूने अन्‍स्‍ये।

यूहन्‍ना 1:12

तर सू-सूदे ङूने ग्रहण चीत्दे मेस्ये ङूजे मीन्‍ने विश्‍वास चीत्‍दे, थमयूने ङूदे परमेश्‍वरजे छगूम्-पूर्‌गूम् क्‍यूरब हक पीन्‍दे।

यूहन्‍ना 19:27

होर्‌दे येशूदे हम्‍ब स्यूस्स्याने यदे, “ले, नैजे म।” हम्‍ब दिनमेस्‍ये येशूजे म हम्‍ब स्यूस्स्यादे रङ्से कीम्‍ने स्‍योल्‍गीदे।

यूहन्‍ना 3:32

ङूदे रङ्सेदे तङब मेस्‍ये तब गवाही यीय, होरेयलीने ङूदे यब गवाही सूदेये अम्पत्‍ती।

मूल स्यूस्स्यायूजे कामजे किताब 13:26

“ओ, अब्राहामजे छगूम्-पूर्‌गूम्, मेस्‍ये नमयू नङ्ने परमेश्‍वरने मन्‍देब च्योन्‌यू, अम्‍ब मुक्तिजे खबर परमेश्‍वरदे ङीन क्वाजे लागि चङ्बे ख्यङ्।

मूल स्यूस्स्यायूजे कामजे किताब 13:46

तर पावल मेस्‍ये बारनाबासदे सेम् केन् चीत्‍देबे यदे, “परमेश्‍वरजे वचन पात्‍ता खूम् नमयूने स्‍य्‍वे पर्‌दे ख्‍य। तर नमयू अम्‍ब पो ङ्यीन्तीङ् अन्‍र। नमयूदे अम्बने अम्मेन्दीदेबे रङ्सेदेने कलङ्बेये अन्सीबब जीयाजे लागि लायकजे त्वब ठर्‌दीपीदे। होरेक्यूत्देबे जेम्से ङी यहूदी तेब मीयूट्‌याने प्रीय।

मूल स्यूस्स्यायूजे कामजे किताब 21:6

होर्‌दे ङीब क्यू-जहाजने टदे, मेस्‍ये थमयूब रङ्से कीम्‍ने ल्‍वाइदे।

रोमी 15:8

ङ नमयूने यीय, ङीन्‍जे मेमेयूने परमेश्‍वरदे चेब कबुल तम्दम् ख्यङ् यदेबे तनने ख्रीष्‍ट खतना क्‍यूरब मीयूजे त्वो क्‍यूत्‍दे,

रोमी 9:1

ङ ख्रीष्‍टजे क्‍यूत्‍देबे तम्दम् पो क्‍यम्‍न ख्यङ्, ङ लूच्‍च पो अन्‍क्‍यम्। पवित्र आत्‍माजे नङ्ने ख्‍यब ङैजे विवेकदेये ङ लूच्‍च पो अन्‍क्‍यम् यब गवाही पीन्‍क्‍य।

रोमी 9:5

यहूदीयू न-मीन् ख्यब मेमेयूजे छगूम्-पूरगूम्‍यू ख्यङ्, मेस्‍ये ख्रीष्‍टये थमयूजे वंशजे ख्यङ्। साप्‍ता थोक फ्‍याने राज्‍य चेब परमेश्‍वरजे येतार्‌ने जै-जै क्‍यून्‍नीस्‍य। आमेन।

गलाती 4:4

तर बील फ्‍योरीकमेस्‍ये परमेश्‍वर‌दे रङ्से च येशूने कूल्‍बीदे। मदी त्‍यादे ङूने जन्‍म पीन्‍दे, मोशाजे नियम नङ्ने टूङ्दे।