यूहन्‍ना 1:1 - घले नयाँ करार

¹ संसार सुरु क्‍यूर यली खूम्‍ने वचन ख्‍य, वचन परमेश्‍वरप्रे ख्‍य, मेस्‍ये वचन ब परमेश्‍वर ख्‍य।

यूहन्‍ना 1:1 ပူးပေါင်းရင်းမြစ်များ

मत्ती 1:23

“ले, कन्‍या मदी त्‍या पीच रीय, मेस्‍ये ङूदे च त्‍या प्रेक्‍क्‍य, ङूजे मीन् इम्‍मानुएल येक्‍क्‍य”, अम्‍बजे अर्थ, “परमेश्‍वर ङीनयूप्रे ख्‍यङ्।”

लूका 24:53

होर्‌दे थमयू परमेश्‍वरजे जै-जै चीद-चीदे येतार्‌ने मन्दिरने फूङ् क्यूर ख्य।

यूहन्‍ना 1:14

वचन ङ्व क्‍यूत्‍देबे रदे, मेस्‍ये अनुग्रह मेस्‍ये तम्दम्‍दे फ्यादेबे ङीनजे अन्द्रने बास टूङ्दे। ङीनदे ङूजे महिमा तङ्दे, हम्‍ब महिमा प ट्‌यादे रब तीत्‍या चजेप्र ख्‍य।

यूहन्‍ना 1:18

परमेश्‍वरने कलङ्बे सूदेये अन्‍तङ्। पप्रे ख्‍यब तीत्‍यात्‍या चदे पने तम्‍मे ख्यङ्।

यूहन्‍ना 1:2

ङू संसार सुरु क्‍यूर यली खूम परमेश्‍वरप्रे ख्‍य। ङू सुरुमेस्‍येने परमेश्‍वरप्रे ख्‍य।

यूहन्‍ना 16:28

ङ प ट्‌यादे रदेबे संसारने र ख्यङ्, होर्‌दे फेरि संसार पङ्‍गीदेबे ङ प ट्‌याने ल्‍वाबीन ख्यङ्।”

यूहन्‍ना 17:5

जेम्‍से ओ पाइ, संसार सृष्‍टि क्‍यूर यली खूम् नैजे खूम्‍ने ङैजे कर महिमा ख्‍य, ङैने नेप्रे येत्‍देबे हम्‍ब महिमा पीम्‍मी।

यूहन्‍ना 20:28

थोमादे येशूने यदे, “ङैजे प्रभु, मेस्‍ये ङैजे परमेश्‍वर।”

यूहन्‍ना 8:58

येशूदे थमयूने यदे, “तम्दम्ने ङ नमयूने यीय, अब्राहाम जन्मीदेयली खूम्‍देमेस्‍येने ङ ख्‍य।”

रोमी 9:5

यहूदीयू न-मीन् ख्यब मेमेयूजे छगूम्-पूरगूम्‍यू ख्यङ्, मेस्‍ये ख्रीष्‍टये थमयूजे वंशजे ख्यङ्। साप्‍ता थोक फ्‍याने राज्‍य चेब परमेश्‍वरजे येतार्‌ने जै-जै क्‍यून्‍नीस्‍य। आमेन।

एफिसी 3:9

साप्‍ता कूरू बन्‍देब परमेश्‍वरने जूग्-‍जूग्‍मेस्‍येने फूदेबे हीदेब नङ्सू पो च ख्‍य, हम्‍ब मीयू क्वानेने स्‍य्‍वेब अनुग्रह ङैने पीन्‍दे,

फिलिप्पी 2:6

ङू येतार्‌ने परमेश्‍वरजेप्र रुप् ख्यङ्लीने, ङूदे परमेश्‍वरप्रे बरेबर्‌ क्‍यूरब पोने चूङ्नब सेत्याप्र अम्‍मन्।

कलस्सी 1:15

अन्‍तङब परमेश्‍वरजे तङब रूप् येशू ख्रीष्‍ट ख्यङ्। परमेश्‍वरदे सृष्‍टि चेब साप्‍ता थोक फ्‍याने येशू ख्रीष्‍ट पात्‍ता केन् ख्यङ्।

कलस्सी 1:17

साप्‍ता थोक सृष्‍टि क्‍यूरयली खूम्मेस्‍येने ङू ख्‍य, होर्‌दे साप्‍ता थोकयू ङूप्रे क्‍यूत्‍देबे रङ्से रङ्से नेने मील्‍लीदेबे छ्‌यान ख्यङ्।

१ तिमोथी 3:16

ङी मन्‍दीय, ङीनजे विश्‍वासजे नङ्सू क्‍व अन्‍ख्‍वब पो सोरो फत्‍या केन् ख्यङ्: ङू रङ्सेने ङ्वजे रुप्‍ने तङ्‍रदे, पवित्र आत्मादे धर्मी ठर्‌दीदे, स्वर्गदूतयूदे ङूने तङ्दे, देश देशने ङूजे प्रचार क्‍यूत्‍दे, संसार भरीने मीयूदे ङूने विश्‍वास चीत्‍दे, होर्‌दे ङू महिमाने तो स्वर्गने लङ्‍कीदे।

तीतस 2:13

यरप्रने पात्‍ता केन् परमेश्‍वर मेस्‍ये ङीनने मुक्ति पीनब येशू ख्रीष्‍ट महिमाने रब दिनजे ङीन आशा चीन्‍न ख्यङ्।

हिब्रू 13:8

येशू ख्रीष्‍ट मूरू, दीनी मेस्‍ये कलङ्नेयली त्याप्रने क्‍यून्‍नीय।

हिब्रू 7:3

ङूजे प-म त्‍वो, वंशये त्‍वो, जीया सुरु क्‍यूर मेस्‍ये सीयेब चैये था त्‍वो, तर परमेश्‍वरजे चप्रने, ङू येतार्‌जे लागि पूस्‍र्‌या क्‍यून्‍नीय।

२ पत्रुस 1:1

येशू ख्रीष्‍टजे त्वो मेस्‍ये मूल स्‍यू‍स्स्‍या ङ सिमोन पत्रुसदे, ङीनजे परमेश्‍वर मेस्‍ये मुक्ति पीनब येशू ख्रीष्‍टजे धार्मिकतादे ङीनजेप्रने सोरो केन् विश्‍वास चेबयूने:

१ यूहन्‍ना 5:20

परमेश्‍वरजे च रेक ख्यङ् यदेबे ङीनने था ख्यङ्, मेस्ये सत्य परमेश्‍वरने स्‍ये खूस्‍य यदेबे ङूदे ङीनने ज्ञान पीन ख्यङ्। ङी ङूजे च येशू ख्रीष्‍टप्रे क्यूत्देबे सत्य परमेश्‍वरप्रे ख्यङ्। ङू सत्य परमेश्‍वर मेस्‍ये कलङ्बेये अन्सीबब जीया ख्यङ्।

१ यूहन्‍ना 5:7

थर्‌ सोम् गवाहीयू ख्यङ्:

प्रकाश 1:11

“नदे च तङ्न ख्यङ्, हम्‍ब किताब त्याने लिख्दी, होर्‌दे अम्‍ब एफिसस, स्मुर्ना, पर्गामम, थिआटीरा, सार्डिस, फिलाडेल्फिया मेस्ये लाउडिकिया मण्डलीयू ङ्यीनेने चङ्पी।”

प्रकाश 1:17

कन्‍छ्वाब ङैदे ङूने तङ्दे, हन्‍छ्वाब ङ सीयेप्र क्‍यूत्‍देबे ङूजे खूम्‍ने पून्‍छ्‌यल् क्‍यूत्‍दे। तर ङूदे रङ्से स्‍येत ला ङैफ्‍याने येत्‍दे मेस्‍ये यदे, “अम्फलाची, पात्‍ता खूम् मेस्‍ये पात्‍ता ङ्‍येये ङने ख्यङ्।

प्रकाश 1:2

परमेश्‍वरजे वचन मेस्‍ये येशू ख्रीष्‍टदे चेब कामयूजे बारेने तङब साप्‍ता पोयूजे गवाही यूहन्‍नादे पीन ख्यङ्।

प्रकाश 1:8

“अल्‍फा मेस्‍ये ओमेगा ङ ख्यङ्”, पात्‍ता केन् शक्तिजे परमप्रभु परमेश्‍वरदे य ख्यङ्, ङू चूजोये ख्यङ्, खूम्‍‌‍ये ख्‍य, मेस्‍ये ङ्येदेये रीय।

प्रकाश 19:13

काने पोम्येब कोला ङूदे होते ख्‍य, होर्‌दे ङूजे मीन्ब “परमेश्‍वरजे वचन” ख्‍य।

प्रकाश 2:8

होर्‌दे स्मुर्नाजे मण्डलीजे दूतने अम्‍ब पो लिख्दी: अम्‍ब पो पात्‍ता खूम् मेस्‍ये पात्‍ता ङ्येदे ख्यबदे य ख्यङ्, ङू सीये ख्‍य, मेस्‍ये फेरि सोम्‍बो क्‍यूत्‍दे।

प्रकाश 21:6

ङूदे ङैने यदे, “जेम्से जङ्‍गदे। ङ अल्‍फा मेस्‍ये ओमेगा, सुरु मेस्ये अन्‍त ख्यङ्। ङैदे क्‍यू फैब मीयूने जीया पीनब क्‍यू मूरुम्दे होरेने थूङ्से पीन्‍क्‍य।

प्रकाश 22:13

अल्‍फा मेस्‍ये ओमेगा, पात्‍ता खूम् मेस्‍ये पात्‍ता ङ्‍ये, मेस्ये आखिरी ङ ख्यङ्।

प्रकाश 3:14

होर्‌दे लाउडिकियाजे मण्डलीजे दूतने अम्‍ब पो लिख्दी: आमेन, भरपर्‌तेब, मेस्‍ये तम्दम् गवाही मेस्‍ये परमेश्‍वरदे सृष्‍टि चेब सेयू फ्‍याने हक चील्‍लेबदे अम्‍ब पो य ख्यङ्।