याकूब 4:4 - घले नयाँ करार

⁴ वेश्य मीयू, अम्‍ब संसारने माया चेब परमेश्‍वरजे शत्रु ख्यङ् यब पो च नमयूने था त्‍वा? येरेक्‍यूत्‍देबे सूदे संसारने माया चीत्‍तीङ् रीय हम्‍बदे रङ्सेने परमेश्‍वरजे शत्रु क्‍यूस्‍स्ये पीन्‍क्‍य।

याकूब 4:4 ပူးပေါင်းရင်းမြစ်များ

मत्ती 12:39

येशूदे थमयूने जवाफ पीन्‍दे, “दुष्‍ट मेस्‍ये वेश्य पुस्ताजे मीयूदे च्यूनू मेल्क्‍य, तर अम्‍ब पुस्ताने अगमवक्ता योनाजे च्यूनूत्‍यामे पीन्‍क्‍य सूजो च्यूनू चैये पीन्‍स्‍ये त्‍वो।

मत्ती 16:4

दुष्‍ट मेस्ये वेश्य पुस्ताजे मीयूदे च्‍यूनू मेल्‍क्‍य, तर योनाजे च्‍यूनूत्‍या क्‍यूक्‍क्‍य सूजो च्‍यूनू हम्‍बयूने पीन्‍स्‍ये त्‍वो।” होर्‌दे थमयूने पोङ्गीदेबे येशू गीलीदे।

मत्ती 6:24

“सूदेये मालिक ङ्‍हीजे सेवा चे अन्‍खू। चेनेयलो ङूदे त्‍याने ह्‍यल चीक्‍क्‍य मेस्‍ये सूजोबने प्रेम चीक्‍क्‍य, या ङूदे त्‍याबने मन्‍दीय होर्‌दे सूजोबने अम्‍मन्‍दी। नमयूदे परमेश्‍वर मेस्‍ये धनजे सेवा चे अन्‍खू।

लूका 19:27

तर ङैदे थमयूफ्‍याने हुकुम चेब सेम् अम्‍पर्‌तेब हम्‍ब शत्रुयूने अने सीक, मेस्‍ये थमयूने ङैजे खूम्‍ने से’।”

यूहन्‍ना 15:19

कादेये नमयू अम्‍ब संसारजे ख्यङ् यलो ब संसारदे नमयूने रङ्से मी मन्‍दीदेबे माया चे ख्यङ्दे। तर नमयू अम्‍ब संसारजे दी। ङैदे नमयूने संसारदे आलाक् चेने सेल्‍दे, येरेक्‍यूत्‍देबे संसारदे नमयूने ह्‍यल चीक्‍क्‍य।

यूहन्‍ना 17:14

ङैदे थमयूने नैजे वचन पीन्‍दे, तर संसारदे थमयूने ह्‍यल चीत्‍दे, चेनेयलो ङ संसारजे तेप्रने थमयूये संसारजे दी।

यूहन्‍ना 7:7

संसारजे मीयूदे नमयूने ह्‍यल चे अन्खू, तर ङैने ह्‍यल चीक्‍क्‍य, चेनेयलो ङैदे संसारजे मीयूदे चेब कामयू दुष्‍ट ख्यङ् यदेबे ङैदे गवाही पीन्‍क्‍य।

रोमी 5:10

चेनेयलो ङीन परमेश्‍वरजे शत्रु ख्यङ्बने ङूजे च येशू ख्रीष्‍ट ङीन्‍जे लागि सीइदेबे परमेश्‍वरप्रे मिलाप क्‍यूक्‍क ख्‍य यलो, झन् थेप् ख्रीष्‍टजे जीयादे ङीनने बच्‍दीमीय।

रोमी 8:7

पापी स्वभाव अनुसार प्रब मी परमेश्‍वरजे शत्रु ख्यङ्। चेनेयलो ङूदे मोशाजे नियम अम्‍मन्‍दी मेस्‍ये मन्‍देये अन्‍खू।

१ कोरिन्थी 1:20

बुद्धि ख्यब मी खै केने ख्‍यङ्? पण्डे केने ख्‍यङ्? अम्‍ब जूग्‍जे तर्क चेबयू केने ख्‍यङ्? च परमेश्‍वरदे अम्‍ब संसारजे बुद्धिने मूर्ख चीप्‍पे तेया?

१ कोरिन्थी 1:21

संसारने ख्‍यब मीयूजे बुद्धिदे परमेश्‍वरने चीन्ते अङ्ख्‍व क्‍यूत्‍देबे परमेश्‍वरजे बुद्धि अनुसार ङीनदे स्‍य्‍वेब सूगब खबरजे मूर्ख पोदेने विश्‍वास चेबयूने बच्‍देने परमेश्‍वरदे ठीक ठर्‌दीदे।

गलाती 1:10

च ङ मीयूजे कृपा मेल ख्यङ्, यी परमेश्‍वर‌जे? या ङैदे मीयूने सूग्‍लाबे चे मेल्‍नऔ? कादेये ङैदे मीयूने सूग्‍लाबे चेब बोङ्त्‍या चीन्‍नूलो ङ ख्रीष्‍टजे त्वो अन्‍क्‍यूर ख्यङ्दे।

याकूब 1:27

नदे प-म त्‍वब टा-ट्वेयू मेस्‍ये प्‍ल्‍यङ् सीयेब मदीयूजे सकस्ने दोङ्मी मेस्‍ये संसारने ख्‍यब दुष्‍ट सेयूट्‍‍यादे आलाक् क्‍यूत्‍देबे टूङ्, परमेश्‍वर पदे शुद्ध मेस्‍ये दोष त्‍व ठर्‌तीयेब धर्म अम्‍ब ख्यङ्।