हिब्रू 1:3 - घले नयाँ करार

³ परमेश्‍वरने ख्‍यब महिमाजे रूप् चने तङ्क्‍य मेस्‍ये परमेश्‍वरजे स्‍वभावयू क्‍वाने ङूप्रे ख्यङ्, होर्‌दे अम्‍ब संसारने ख्‍यब साप्‍ता सेयू रङ्से शक्‍तिजे वचनदे रङ्से रङ्से नेने छ्‌यान ख्यङ्। मीयूजे पापने क्षमा पीन जेन ङ्येदे महिमाने ख्‍यब परमेश्‍वरजे स्येत्‍देयोर्‌ देन् छ्‍यादे।

हिब्रू 1:3 ပူးပေါင်းရင်းမြစ်များ

मत्ती 22:24

“गुरुज्‍यू, मोशादे येरे य ख्यङ्, कोइ मी पीच अम्‍प्रेल्‍लाबेने सीबदेयलो ङूजे च्‍योन्बदे अतजे मज ङ्‍येन् चीत्‍देबे अतजे लागि च-चीमी बन्दीस्‍य।

मर्कूस 16:19

प्रभु येशू स्यूस्स्यायूप्रे बात्‍से जेनङ्‌येदे ङू स्‍वर्गने कूदीदे मेस्‍ये परमेश्‍वरजे स्येत्‍तेयोर्‍दे टून ख्यङ्।

यूहन्‍ना 1:14

वचन ङ्व क्‍यूत्‍देबे रदे, मेस्‍ये अनुग्रह मेस्‍ये तम्दम्‍दे फ्यादेबे ङीनजे अन्द्रने बास टूङ्दे। ङीनदे ङूजे महिमा तङ्दे, हम्‍ब महिमा प ट्‌यादे रब तीत्‍या चजेप्र ख्‍य।

यूहन्‍ना 1:29

नैदेरेदे यूहन्‍नादे रङ्सेतेले येशू रेनब तङ्देबे यदे, ‘ले, संसारजे पाप लङ्‍केब परमेश्‍वरजे थुमा!

यूहन्‍ना 1:4

ङूप्रे जीया ख्‍य, मेस्‍ये हम्‍ब जीया मीयूजे लागि ओथ्याङ् ख्‍य।

मूल स्यूस्स्यायूजे कामजे किताब 2:33

अम्‍ब कारणदे परमेश्‍वरजे स्येत्‍देयोर्‌दे येशू केन् चीत्‍देबे टूङ्स्ये पीन्‍दे, मेस्‍ये रङ्सेजे कबुल अनुसार ङूने पवित्र आत्मा पीन्‍दे। हम्‍ब पवित्र आत्मा प्रभु येशूदे चूजो ङीन फ्‍याने फम्‍मे ख्यङ्, अम्‍ब नमयूदे चूजो ङ्यीन्‍न ख्यङ् मेस्‍ये तङ्न ख्यङ्।

मूल स्यूस्स्यायूजे कामजे किताब 7:56

होर्‌दे ङूदे यदे, “ले, स्वर्ग पूक्‍येब ङैदे तङ्दे, मेस्‍ये हैयाने परमेश्‍वरजे स्येत्‍तेयोर् मीजे च मेरनब ङैदे तङ्दे।”

रोमी 1:16

ङ अम्‍ब सूगब खबर स्‍य्‍वेने अन्‍त्‍वा। विश्‍वास चेबयू नङ्ने पात्‍ता खूम् यहूदी होर्‌दे यहूदी तेब मीयूजे लागिये अम्‍ब मुक्ति पीनब परमेश्‍वरजे शक्ति ख्यङ्।

रोमी 8:34

होर्‌दे थमयूने सूदे दण्डजे आज्ञा पीन खूइय? चेनेयलो ख्रीष्‍ट थमयूजे सट्‍टने दण्ड भोक्‍तीदेबे सीये ख्यङ्। ङू सीये त्‍या दी, अम्‍ब यली केन् काम सीयेबदे फेरि सोम्‍बो चीम्मीदे। चूजो ङू परमेश्‍वरजे स्येत्‍तेयोर् टूङ्देबे राज्‍य चील्‍लीन ख्यङ्। होर्‌दे ङूदे ङीनजे लागि परमेश्‍वरप्रे बिन्तीये चीन्‍न ख्यङ्।

२ कोरिन्थी 4:4

अम्ब संसारजे देऊता, शैतानदे विश्‍वास अन्चेबयूजे सेम्ने म्या अन्तङब मीप्र बन्द चीप्पे ख्यङ्। थमयूदे सूगब खबरजे महिमाजे ओथ्याङ् तङ अङ्‍खू। थमयूदे परमेश्‍वरजे खास रुप् ख्यब ख्रीष्‍टजे महिमाजे बारेने ख्यब अम्ब खबर क्व अङ्‍खू।

कलस्सी 3:1

कादेये नमयू ख्रीष्‍टप्रेने जीया च ख्यङ् यलो स्‍वर्गजे पोयू मल्, होयाने ख्रीष्‍ट परमेश्‍वरजे स्येत्‍देयोर्‌ टून ख्यङ्।

तीतस 2:14

येशू ख्रीष्‍टदे ङीनने साप्‍ता किसिमजे पापदे छुर्‌तेजे लागि रङ्से प्राणये पीन्‍दे। ङूदे ङीनने पवित्र चेने रङ्से मी बन्‍दीदे, मेस्‍ये ज्‍य काम चेने जोसीलो क्यूरने येरे चीत्दे।

हिब्रू 1:13

“तर परमेश्‍वरदे कम्‍ब स्‍वर्गदूतने कलङ् येरे यदे स्‍व, न ङैजे स्येत्‍तेयोर् टूङ्, कन्छ्वासेमे ङ नैजे शत्रुयूने नैजे तोप् त्‍याङ् नङ्ने अन्-येत्‍दा?”

हिब्रू 10:12

तर ख्रीष्‍टदे पापयूजे लागि येतार्‌ने पूक्‍तेब तीत्‍यात्‍या बलि पीन्‍दे, होर्‌दे ख्रीष्‍ट परमेश्‍वरजे स्येत्‍तेयोर् देन् छ्‌यान ख्यङ्।

हिब्रू 12:2

ङीनजे विश्‍वासने सुरु मेस्‍ये पूरा चीम्‍मेब येशूने लेन्‍नूदे, ङूजे खूम्‍ने हीम्‍मेब आनन्दजे लागि न प्‍वेब पोने चैत्‍याये अम्‍मन्‍लाबे ङूदे क्रूसजे सकस् भोक्‍तीदे, मेस्‍ये परमेश्‍वर देन् छ्‍यानब सिंहासनजे स्येत्‍देयोर्‌ देन् छ्‌यान ख्यङ्।

हिब्रू 4:14

स्‍वर्गने गीलेब परमेश्‍वरजे च येशू ङीनजे पात्‍ता केन् पूस्‍र्‌या ख्यङ्, होरेक्‍यूत्‍देबे ङीनदे चीन्‍नब अम्‍ब विश्‍वासने थेप् बोल्यो क्‍यूत्‍देबे टूङ पर्‌तीय।

हिब्रू 7:27

सूजो पात्‍ता केन् पूस्‍र्‌यायूदेप्र खूम् रङ्से पापजे लागि होर्‌देमेस्‍ये मीयूदे चीक्‍कब पापजे लागि येतार्‌ने ङूदे बलि पीन्‍न अम्‍पर्‌ती। ङू रङ्सेने बलि क्यूस्स्ये पीन्‍देबे येतार्‌जे लागि त्‍याफेने ङूदे अम्‍ब काम पूरा चीप्‍पीदे।

हिब्रू 8:1

जेम्‍से ङीदे यमेब पो अम्‍बने ख्यङ्: ङीनजे येर पात्‍ता केन् पूस्‍र्‌या ख्यङ्, ङूब स्वर्गने टूङब पात्‍ता केन् परमेश्‍वजे सिंहासनजे स्येत्‍देयोर्‌ने देन् छ्‌यान ख्यङ्।

हिब्रू 9:16

कोइ मीजे इच्‍छादे लिख्दीयेब तमसूकजे पो चीत्देयल्‍लो हम्‍ब लिख्देब मी खूम् सीये जेङ्‍कब गवाही क्‍यूरपर्‌तीय,

हिब्रू 9:26

नत्रलो संसार सृष्‍टि चेमेस्‍येने ङूदे येतार्‌ने दु:ख चीन्‍न पर्‌ते ख्यङ्दे। तर अम्‍ब जूग् जेन्‍टब बीलने पाप हर्‌दीबेने येतार्‌जे लागि त्‍याफे रङ्से जीया बलि पीनने ङू ‍रदे।

१ पत्रुस 1:21

येशूने क्‍यूत्‍देबे नमयूदे परमेश्‍वर फ्‍याने विश्‍वास चे ख्यङ्। नमयूजे विश्‍वास मेस्‍ये परमेश्‍वर फ्‍याने क्‍यूस्‍स्‍य यदेबे ङूदे सीयेब ख्रीष्‍टने सोम्‍बो चीत्‍देबे महिमा पीन्‍दे।

१ पत्रुस 3:22

ङू स्वर्गने गीलीदेबे परमेश्‍वरजे स्येत्‍तेयोर्‌ देन् छ्‍यान ख्यङ्, होर्‌दे स्वर्गदूतयू, हुकुम चेबयू मेस्‍ये शक्तियू फ्‍याने ङूदे हुकुम चेख्यङ्।

२ पत्रुस 1:16

चेनेयलो ङीन प्रभु येशू ख्रीष्‍टजे केन् शक्ति मेस्‍ये ख्रीष्‍ट रब खबर ङीदे नमयूने स्‍योप्‍प, चलाख चीत्‍देबे बन्‍दीयेब मीयूङ्जे दन्त्य कथायूजे के अन्था, तर ङूजे महिमा रङ्से म्‍यादेने तङब साक्षी ङी ख्यङ्।

२ पत्रुस 1:17

परमेश्‍वर पदे येशू ख्रीष्‍टने गेसेन् मेस्‍ये महिमा पीन्‍दे, हम्‍ब केन् महिमाजे परमेश्‍वरदे क्यम्ब येर पोत्‍या योङ्‍रदे, “अम्‍ब ङैजे छेब च ख्यङ्, ङ ङूप्रे सोरो सूग ख्यङ्।”

१ यूहन्‍ना 1:7

तर परमेश्‍वर ओथ्याङ् क्‍यूरप्रने ङीनये ओथ्याङ्ने प्रदेयलो, ङीनजे सङ्गति त्‍या त्‍याप्रे क्‍यूक्‍क्‍य, मेस्‍ये परमेश्‍वरजे च येशूजे कादे ङीनजे साप्‍ता पापने ठूदेबे शुद्ध चीक्क्य।

१ यूहन्‍ना 3:5

मीयूजे पाप लङ्‍केने ङू र-ख्यङ् यब पो नमयूदे स्‍ये ख्यङ्। मेस्‍ये ङूने चै पापये त्‍वो।

यहूदा 1:25

येशू ख्रीष्‍टने क्‍यूत्‍देबे ङीनने मूक्ति पीन ख्वब तीत्‍यात्‍या परमेश्‍वरने महिमा, मान्, शक्ति, हक जूग्-जूग्जे सुरुदेमेस्‍ये दीनी होर्‌‍दे नङ्‍गसेमे येतार्‌ने ङूनेने क्‍यून्‍नूस्‍य। आमेन।

प्रकाश 3:21

सूदे ट्‌याय, हम्बने ङैजे सिंहासनने ङैप्रे टूङ्से पीन्क्य, केर्‌बे ङ रङ्सेदेये ट्‍या ख्यङ्, मेस्ये ङैजे पप्रे ङूजे सिंहासनने टुङप्रे ख्यङ्।

प्रकाश 4:11

“ङीन्जे प्रभु मेस्‍ये परमेश्‍वर, महिमा, गेसेन्, मेस्‍ये शक्ति प्रेब लायक‍जे न ख्यङ्, चेनेयलो साप्‍ता से नदेने सृष्‍टि चीत्‍दे, मेस्‍ये नैजे इच्छा अनुसार हम्‍बयू क्यूट्‍टदे मेस्ये जीया प्रेत्‍दे।”