एफिसी 6:8 - घले नयाँ करार

⁸ त्‍वो-त्‍वोम क्‍यूल्लीने या स्वतन्त्र क्यूल्‍लीने ज्‍य काम चेब मी जती क्‍वानेने प्रभुदे इनाम पीन्क्‍य, अम्‍ब पो नमयूने थाने ख्यङ्।

एफिसी 6:8 ပူးပေါင်းရင်းမြစ်များ

मत्ती 16:27

चेनेयलो मीजे च रङ्से पजे महिमाने रङ्सेजे स्वर्गदूतयूप्रे रीय, मेस्‍ये हम्‍ब बीलने ङूदे मीयू क्‍वानेने रङ्से रङ्सेजे काम अनुसार इनाम पीन्क्य।

मत्ती 20:7

“थमयूदे ङूने यदे, ‘सूमीदेये ङीने मेलाने काम अन्‍च्‍योल्‍र।’ “ङूदे थमयूने यदे, ‘नमयूये प्रदेबे ङैजे अङ्‍गुर रङ्ने काम फर्‌ब।’

मत्ती 5:12

हन्‍छ्वाब तङ्, मेस्‍ये बेस्‍से सूग्, चेनेयलो स्वर्गने नमयूजे इनाम केन् क्‍यूक्क्‍य। चेनेयलो येर्‌बेने नमयूयली खूम्‍जे अगमवक्तायूने थमयूदे सतनम् चे ख्‍य।

मत्ती 6:1

“होस्स्यार क्‍यूत्‍देबे टूङ्, नमयू मीयूने तनजे लागि धर्मजे काम अन्‍चील्‍लाची। येरेक्‍यूल्‍लो स्वर्गने ख्‍यब नमयूजे पदे नमयूने चै इनामये पीन्स्‍ये त्वो।

मत्ती 6:4

नदे दान पीन्‍ब नङ्सू पीन्। मेस्‍ये नङ्सूने तङ ख्‍वब नैजे पदे नने इनाम पीन्‍क्‍य।

लूका 14:14

मेस्‍ये नदे असी प्रेक्क्य, चेनेयलो थमयूदे नैजे लोन् फा अन्‍खू तर धार्मिक मीयू सीबदे सोम्‍बो क्‍यूप्प नदे इनाम प्रेक्क्‍य।”

लूका 6:35

तर रङ्से शत्रुयूनेये प्रेम ची, मेस्‍ये थमयूने ज्‍य ची। फेरि प्रेब आशा अन्‍चील्‍लाबे छेर् पीन्, मेस्‍ये नमयूजे इनाम केन् क्यूक्क्य, होर्‌दे न पात्‍ता फ्‍याजे छगूम्-पूर्‌गूम् ठर्‌दीय, चेनेयलो येशूदे बैगुनी मेस्ये रङ्से मतलब्‍त्या पूरा चेब फ्‍यानेये कृपा चीक्‍क्‍य।

१ कोरिन्थी 12:13

चेनेयलो यहूदी क्‍यूल्‍लीने, ग्रीक क्‍यूल्‍लीने, त्वो-त्वोम क्‍यूल्‍लीने, त्वो-त्वोमदे स्वतन्त्र क्यूल्लीने तीत्यात्या पवित्र आत्मादे ङीन क्‍वाने बप्तिस्मा क्‍यूर प्रेत्‍देबे ङ्वत्‍या क्‍यूर ख्यङ्, मेस्ये परमेश्‍वरदे त्याप्र पवित्र आत्मा ङीन क्‍वानेने पीन्‍दे।

२ कोरिन्थी 5:10

चेनेयलो तीया ङीनयू क्‍वाने ख्रीष्‍टदे न्याय चेब नेजे खूम्‍ने मेर पर्‌दीय, येरे ङ्वने क्‍यूप्‍प मीयू क्‍वादेने रङ्सेदे चीक्‍कब ज्‍य या अन्‍ज्‍य काम अनुसारजे इनाम प्रेक्‍क्‍य।

गलाती 3:28

जेम्से यहूदी, ग्रीक, त्वो-त्वोम, स्वतन्त्र, पती मेस्‍ये मदी सूनेयली नमयू क्‍वाने ख्रीष्‍ट येशूने त्‍या क्‍यूर ख्यङ्।

कलस्सी 3:11

अने ग्रीक मेस्‍ये यहूदी, या खतना चीक्‍कब या अन्चीक्‍कब, अछ्‌य्‍वेब, नेपङ्‍गी, त्वो मेस्‍ये स्वतन्त्र ख्यब सूनेये साक्‍पूजा अन्क्‍यूर्‌, तर साप्‍ता थोक‍ने मेस्‍ये साप्‍ता कूरूप्रेने ख्रीष्‍ट ख्यङ्।

कलस्सी 3:24

चेनेयलो नमयूने प्रभुदे कबुल चेब इनाम पीन्क्य यदेबे था ख्यङ्। नमयूदे प्रभु ख्रीष्‍टजे सेवा चीन्‍न ख्यङ्।

कलस्सी 3:25

सूदे अन्ज्‍य काम चीक्‍क्‍य हम्‍बजे फल ङूदेने प्रेक्‍क्‍य। अम्‍ब कामने परमेश्‍वरदे सूनेये साक्पूजा अन्‍ची।

हिब्रू 10:35

होरेक्‍यूत्‍देबे येर बोङ् पीनब नमयूजे विश्‍वास अन्-क्यापीलाची, अम्‍ब विश्‍वासदे केन् इनाम पीन्‍क्‍य।

हिब्रू 11:26

मिश्रदेशजे सीर सम्पत्ति यली ख्रीष्‍टजे लागि बदनाम क्‍यूरने ङूदे केन् सीर-सम्पत्ति थेदे। चेनेयलो ङूजे रङ्से सेम्दे ङ्‍येदे प्रेब इनाम त्यामे लेन्‍न ख्‍य।