एफिसी 6:6 - घले नयाँ करार

⁶ मीयूने सूग्‍ला चेबदेप्र म्‍याजे खूम्‍ने तनब काम त्‍या अन्चील्‍लाची, तर ख्रीष्‍टजे त्वो-त्वोमयूप्र क्‍यूत्‍देबे सत्य रूप्‍ने सेम्-नङ्दे मेस्‍येने परमेश्‍वरजे इच्‍छा पूरा ची।

एफिसी 6:6 ပူးပေါင်းရင်းမြစ်များ

मत्ती 12:50

चेनेयलो स्वर्गने ख्‍यब ङैजे पजे आज्ञा सूदे मन्‍दीय, हम्‍बने ङैजे च्‍योन्, ङैजे स्‍यङ्, मेस्‍ये ङैजे म क्‍यूक्क्‍य।”

मत्ती 7:21

“ङैने ‘प्रभु, प्रभु’ यब मीयू क्वाने स्वर्गजे राज्‍यने प्र प्रेस्‍स्‍ये त्‍वो। स्वर्गने ख्‍यब ङैजे पजे आज्ञा मन्‍देब मीदे त्‍या परमेश्‍वरजे राज्‍यने प्र प्रेक्‍क्‍य।

मर्कूस 3:35

सूदे परमेश्‍वरजे इच्छा अनुसार‌ चीक्‍क्‍य हम्‍ब मीयूने ङैजे च्‍योन्, ङैजे स्‍यङ् मेस्‍ये ङैजे म क्‍यूक्‍क्‍य।”

रोमी 6:17

खूम नमयू पापजे त्वो-त्वोम क्‍यूर ख्‍य, तर चूजो परमेश्‍वरदे लोम्‍मेब शिक्षाने नमयूदे सेम् नङ्देमेस्‍येने मन्‍दे ख्यङ्। अम्‍बजे लागि परमेश्‍वरने धन्‍यवाद ख्यङ्।

१ कोरिन्थी 7:22

चेनेयलो प्रभुदे कोब सू त्वो ख्‍य जेम्‍से प्रभुने स्वतन्त्र मी क्यूक्‍क ख्यङ्। होरप्रने प्रभुदे क्‍वब बीलने सू मी बन्‍धन्‍ने त्‍व ख्‍य, हम्‍ब ख्रीष्‍टजे त्वो क्‍यूर ख्यङ्।

गलाती 1:10

च ङ मीयूजे कृपा मेल ख्यङ्, यी परमेश्‍वर‌जे? या ङैदे मीयूने सूग्‍लाबे चे मेल्‍नऔ? कादेये ङैदे मीयूने सूग्‍लाबे चेब बोङ्त्‍या चीन्‍नूलो ङ ख्रीष्‍टजे त्वो अन्‍क्‍यूर ख्यङ्दे।

एफिसी 5:17

येरेक्‍यूत्‍देबे मुर्ख अन्क्‍यूर्‌लाची, तर प्रभुजे इच्छा चटोङ् हम्‍ब स्येला ची।

फिलिप्पी 2:12

येरेक्‍यूत्‍देबे ङैजे छेब ख्‍योन्‌यू, ङ नमयूप्रे क्‍यूप्‍प नमयूदे परमेश्‍वरजे आज्ञा येतार्‌ने मन्‍दीदे, तर ङ नमयूप्रे अन्‍क्‍यूल्‍ली नमयूदे रङ्सेजे मुक्ति चेलाबे पूरा चेने सोरो थेप् फदेबे छेम्प्रे चीत्‍देबे काम फर्‌।

कलस्सी 1:9

होरेक्‍यूत्‍देबे अम्‍ब पो तब दीन्‍दे छोमेस्‍ये प्रभुजे इच्छा नमयू फ्‍याने च ख्‍य हम्‍बने पवित्र आत्‍मादे पीनब पूरा बुद्धि मेस्‍ये क्‍व ख्‍वब ज्ञान नमयूने फ्‍यानीस्‍य यदेबे नमयूजे लागि ङी येतार्‌ने प्रार्थना चीन्‍न ख्यङ्,

कलस्सी 4:12

नमयू अन्‍द्रजे मीत्‍या येशू ख्रीष्‍टजे सेवा चेब इपाफ्रासदेये नमस्‍कार येबे ख्यङ्। नमयू परमेश्‍वरने बोल्यो क्‍यूर खूस्‍स्‍य मेस्‍ये परमेश्‍वरजे साप्‍ता इच्छायू पूरा रूप्‍दे मन्‍देब क्‍यूर खूस्‍स्‍य यदेबे ङूदे प्रार्थनाने नमयू येतार्‌ने ह्‌वे चीन्‍न ख्यङ्।

१ थेसलोनिकी 2:4

तर सूगब खबर स्‍य्‍वेब जिम्मा सूम्‍तेजे लागि परमेश्‍वरदे ङीने केरे लायकजे थेदे, होरप्रने मीयूने सूग्‍लाबे चेने दी, तर ङीनजे सेम् जाँचतेब परमेश्‍वरने सूग्‍लाबे चेने ङी क्‍यम्क्‍य।

१ थेसलोनिकी 4:3

चेनेयलो परमेश्‍वरजे इच्‍छा नमयू पवित्र क्‍यूस्‍स्‍य मन ख्यङ्। हम्‍ब यब अम्‍ब ख्यङ् यी नमयू वेश्य काम अन्‍चील्‍लाची।

हिब्रू 10:36

परमेश्‍वरजे इच्‍छा पूरा चेने मेस्‍ये ङूदे चीक्‍कब कबुल अनुसारजे इनाम प्रेजे लागि नमयू धेरेन् क्‍यूत्‍देबे टूङ पर्‌ते ख्यङ्।

हिब्रू 13:21

नमयूजे सेम्ने सोरो ज्‍य गुणयू येम्‍मीस्‍य, मेस्‍ये नमयूदे ङूजे इच्‍छा पूरा चे खूस्‍स्‍य। परमेश्‍वरने च सेम् पर्‌ते ख्यङ्, येशू ख्रीष्‍टजे मीन्‍ने परमेश्‍वरदे नमयूने हम्‍ब चीम्‍मीस्‍य। जूग् जूग् सेमेने येशूजे महिमा क्‍यून्‍नूस्‍य। आमेन।

१ पत्रुस 2:15

मूर्ख मीयूदे पो अन्कोलाने क्‍यमब पोयू नमयूजे सोरो ज्‍य कामदे ङूर्‌ ल्‍वा अङ्ख्‍व चीप्‍पी, परमेश्‍वरजे इच्‍छा अम्‍बने ख्यङ्।

१ पत्रुस 4:2

येर्‌बे हम्‍ब मीदे रङ्से ङ्वने जीया चेनूतासेमे फेरि मीजे अन्‍ज्‍य इच्छाने दी, तर परमेश्‍वरजे इच्छाने जीया चैय।

१ यूहन्‍ना 2:17

संसार नाश क्‍यूप्‍पीय मेस्‍ये हम्‍बजे अन्ज्य इच्छाये नाश क्‍यूप्‍पीय, तर परमेश्‍वरजे इच्छा पूरा चेब मी येतार्‌ने टूनीय।