एफिसी 6:19 - घले नयाँ करार

¹⁹ ङैजे लागिये प्रार्थना ची, कन्‍छ्वाब ङ क्‍यमने रङ्से ङूर पूक्‍य हन्‍छ्वाब ङैने वचन पीन्‍स्‍य, मेस्‍ये ङैदे अम्फलाबे सूगब खबरजे नङ्सू पो क्यम खूस्‍य,

एफिसी 6:19 ပူးပေါင်းရင်းမြစ်များ

मूल स्यूस्स्यायूजे कामजे किताब 13:46

तर पावल मेस्‍ये बारनाबासदे सेम् केन् चीत्‍देबे यदे, “परमेश्‍वरजे वचन पात्‍ता खूम् नमयूने स्‍य्‍वे पर्‌दे ख्‍य। तर नमयू अम्‍ब पो ङ्यीन्तीङ् अन्‍र। नमयूदे अम्बने अम्मेन्दीदेबे रङ्सेदेने कलङ्बेये अन्सीबब जीयाजे लागि लायकजे त्वब ठर्‌दीपीदे। होरेक्यूत्देबे जेम्से ङी यहूदी तेब मीयूट्‌याने प्रीय।

मूल स्यूस्स्यायूजे कामजे किताब 14:3

प्रभुजे भरने सेम्केन् चीत्‍देबे कूम सेमे क्‍यमे-क्‍यमे पावलप्रे बारनाबास हैयाने टूङ्दे। प्रभुदे थमयूप्रे क्यूत्देबे च्यू‍नूयू प्रे हार्‌मन्‍देब कामयू चीत्देबे रङ्से अनुग्रहजे वचनजे गवाही पीन्‍दे।

मूल स्यूस्स्यायूजे कामजे किताब 18:26

ङूदे सभा-कीम्ने आँट चीत्‍देबे क्‍यम्दे। तर ङूदे क्‍यमब पो ङ्यीन्‍देबे प्रिस्किला मेस्ये अकिलासदे ङूने रङ्सेजे कीम्‍ने रेत्‍दे, मेस्‍ये परमेश्‍वरजे शिक्षा‍जे अर्थ थेप् चेला कोलाबे स्‍योम्‍मीदे।

मूल स्यूस्स्यायूजे कामजे किताब 19:8

पावल सभा-कीम्ने गीलीदेबे ल सोम्सेमे अम्‍फलाबे मीयूने शिक्षा पीन्‍दे। ङूदे परमेश्‍वरजे राज्‍यजे बारेने अम्फलाबे सवाल-जवाफ चीत्‍दे मेस्ये मीयूने चेलाबे लोम्मीनूदे।

मूल स्यूस्स्यायूजे कामजे किताब 2:4

होर्‌दे थमयू क्वाने पवित्र आत्‍मादे फ्‍यादे, मेस्‍ये पवित्र आत्मादे येमेब आवाज अनुसार थमयूदे सूजो केयूने क्‍यम मे‍दे।

मूल स्यूस्स्यायूजे कामजे किताब 28:31

ङूदे खूल्ला रूप्‍ने मेस्ये चै बाधाये अन्क्यूल्लाबे परमेश्‍वरजे राज्‍यजे प्रचार चे ख्य, मेस्‍ये प्रभु येशू ख्रीष्‍टजे बारेने शिक्षा पीन ख्‍य।

मूल स्यूस्स्यायूजे कामजे किताब 4:13

कन्‍छ्वाब थमयूदे पत्रुस मेस्ये यूहन्‍नाजे आँट तङ्दे, मेस्‍ये थमयू छ्‌य्‍वे अन्‍स्येब मामूली मीयू टूङ् यब था प्रेत्‍दे, हन्‍छ्वाब थमयू छक्‍के पर्‌दीदे, मेस्‍ये अम्‍बयू येशूप्रे-प्रे टूङयू टूङ् यदेबे थमयूदे था प्रेत्‍दे।

मूल स्यूस्स्यायूजे कामजे किताब 4:29

जेम्से ओ प्रभु, थमयूजे घूर्‌कीने लेम्‍मी, मेस्‍ये नैजे त्वोयूने अम्फलाबे नैजे वचन क्‍यम्से पीनो।

मूल स्यूस्स्यायूजे कामजे किताब 4:31

थमयूदे प्रार्थना चे जेङ्‍क ङ्‍येदे थमयू फूङ् क्‍यून्‍नब नेने पवित्र आत्मादे लीङ्दे, थमयू क्वाने पवित्र आत्मादे फ्‍यादे, मेस्‍ये थमयूदे अम्फलाबे परमेश्‍वरजे वचन क्‍यम्‍दे।

मूल स्यूस्स्यायूजे कामजे किताब 9:27

तर बारनाबासदे ङूने प्रे-टेल्‍देबे मूल स्यूस्स्यायू ट्‌याने कूदीदे। होर्‌दे शाऊलदे प्रभुने लम्‍ने तङ्देबे प्रभु ङूप्रे क्‍यमब ङूदे दमस्कसने सेम् केन् चीत्‍देबे येशूजे मीन् प्रचार चेब पो थमयूने स्‍योम्‍मीदे।

मूल स्यूस्स्यायूजे कामजे किताब 9:29

होर्‌दे ङू ग्रीक के क्‍यमब यहूदीयूप्रे सवाल-जवाफ चीत्‍दे, तर थमयूदे शाऊलने सेमेख्य।

रोमी 15:30

अत-अची च्योन्‌यू, ङीन्‍जे प्रभू येशू ख्रीष्‍ट मेस्‍ये पवित्र आत्मादे पीनब प्रेमदे ङैजे लागि परमेश्‍वरप्रे बोङ्बे प्रार्थना चीम्मी यदेबे ङ बिन्ती चीक्‍क्‍य।

रोमी 16:25

ङीन परमेश्‍वरजे महिमा चीदे। ङैजे सूगब खबरदे स्य्वेप्रने परमेश्‍वरदे नमयूने बोल्यो चीम्मे खूइय। हम्‍ब ख्रीष्‍ट येशूजे बारेने क्‍यूरब वचनदे नम यहूदी देब मीयूजे लागि जूग्-जूग्मेस्‍येने नङ्सूने फूयेब परमेश्‍वरजे योजना तम्मे ख्यङ्।

१ कोरिन्थी 1:5

चेनेयलो नमयू ख्रीष्‍ट येशूप्रे क्‍यूत्देबे साप्‍ता तर्‌तीप्दे, साप्‍ता बोलीने, मेस्‍ये साप्‍ता ज्ञानने फ्‍योबो क्‍यूर ख्यङ्-

१ कोरिन्थी 2:7

तर ङीदे परमेश्‍वरजे नङ्सू मेस्‍ये फूयेब बुद्धिजे प्रचार चीक्क्य, तोङ्बो जूग् खूम्‍मेस्‍येने ङीनजे महिमाजे लागि परमेश्‍वरदे सेल्‍दे।

१ कोरिन्थी 4:1

येर्‌बे मीयूदे ङीयूने ख्रीष्‍टजे त्वो मेस्ये परमेश्‍वरजे नङ्सू पोयू स्‍योम्‍मेब मीयू मेन्‍स्‍य।

२ कोरिन्थी 1:11

नमयूदेये ङीजे लागि प्रार्थना चीत्‍देबे तोङ्मे पर्‌दीय। येर्‌बे कूम मीदे प्रार्थना चीत्‍देबे ङीदे असी प्रेक्‍क्‍य, मेस्‍ये कूम मीदे ङीजे लागि धन्‍यवाद पीन्‍क्‍य।

२ कोरिन्थी 3:12

येरे ङीप्रे अम्‍ब आशा क्‍यूत्‍देबे, ङीदे सोरो बोङ् प्रे ख्यङ्।

२ कोरिन्थी 6:11

कोरिन्‍थीयू, ङीदे सेम्ने चै पोये अन्‌-येल्‍लाबे नमयूने येक ख्यङ्, नमयूजे लागि ङीयूजे सेम् होङ् ख्यङ्।

२ कोरिन्थी 7:4

ङैदे नमयू फ्‍याने सोरो भर्‌परते ख्यङ्। नमयूदे चीत्‍देबे ङ केन् त्‍वे प्रेख्यङ्। नमयूदे ङैजे सेम्‍ने कूम सान्त्वना पीन ख्यङ्। ङीदे कूम सकस्यू प्रेप्‍प ङैजे सेम् सोरो सूग ख्यङ्।

२ कोरिन्थी 8:7

तर नमयू विश्‍वासने, शिक्षा पीनब कामने, ज्ञान‍ने, साप्‍ता काम फरब जङ्‍कर्‌ने, मेस्‍ये ङीने चेब प्रेमने होरदे साप्‍ताकूरूने केरे सोरो ज्‍य क्‍यूप्‍पीन ख्यङ्, होरप्रने अम्‍ब दान पीनब कामनेये नमयू थेप् पीनब क्‍यूप्‍पीनूस्‍य यदेबे ङी सेम् चीन्‍न ख्यङ्।

एफिसी 1:9

ङूजे पूरा ज्ञान मेस्‍ये बुद्धिने परमेश्‍वरदे रङ्से इच्‍छा पूरा चीत्‍दे मेस्‍ये ख्रीष्‍टने क्‍यूत्‍देबे पूरा चीक्‍क्‍य यदेबे यब नङ्सू योजना ङीनने तम्‍मीदे।

एफिसी 3:9

साप्‍ता कूरू बन्‍देब परमेश्‍वरने जूग्-‍जूग्‍मेस्‍येने फूदेबे हीदेब नङ्सू पो च ख्‍य, हम्‍ब मीयू क्वानेने स्‍य्‍वेब अनुग्रह ङैने पीन्‍दे,

कलस्सी 2:2

थमयूदे आँट प्रेस्स्य मेस्ये प्रेमने त्‍या क्यूत्देबे थून्‍नूस्य यदेबे ङैदे येरे चे ख्यङ्, होरे क्यूप्प थमयूदे चेलाबे क्‍व ख्‍वब ज्ञानजे सम्पत्ति प्रेक्क्य होर्‌दे परमेश्‍वरजे क्‍व अङ्ख्‍वब नङ्सू योजना या ख्रीष्‍टने पूरा स्ये ख्वब क्यूक्क्य।

कलस्सी 4:3

ख्रीष्‍टजे क्‍व अङ्ख्‍वब नङ्सू पो स्‍य्‍वेने मेस्‍ये वचन चेलाबे स्‍य्‍वेने परमेश्‍वरदे ङीने ख्‍यो पूक्‍मीस्‍य यदेबे ङीजे लागि प्रार्थना ची, अम्‍बजे लागि ङ जेल‍ने पर्‌दीक ख्यङ्,

१ थेसलोनिकी 2:2

ङीदे खूम्‍ने फिलिप्पीने सकस् भोक्‍तीकदे मेस्‍ये ह्‍यलये क्‍यूत्‍दे यब पो नमयूने थाने ख्यङ्, तर सोरो फत्‍या विरुद्ध चील्‍लीने परमेश्‍वरजे सूगब खबर स्‍य्‍वेने परमेश्‍वरदे ङीने आँट पीन्‍दे।

१ थेसलोनिकी 5:25

अत-अची च्योन्‌यू ङीजे लागिये प्रार्थना ची।

२ थेसलोनिकी 3:1

आखिरीने अत-अची च्योन्‌यू ङीजे लागि प्रार्थना चीम्‍मी, येरे चील्‍लो नमयूजे अन्‍द्रने क्‍यूरप्र प्रभुजे सूगब खबर छ्‌योट्‍टो का-मुलुक‍ने ड्वाङ्‍गै क्यूप्पदेबे अम्‍बजे केन् गेसेन् क्‍यूक्‍क्‍य,

१ तिमोथी 3:16

ङी मन्‍दीय, ङीनजे विश्‍वासजे नङ्सू क्‍व अन्‍ख्‍वब पो सोरो फत्‍या केन् ख्यङ्: ङू रङ्सेने ङ्वजे रुप्‍ने तङ्‍रदे, पवित्र आत्मादे धर्मी ठर्‌दीदे, स्वर्गदूतयूदे ङूने तङ्दे, देश देशने ङूजे प्रचार क्‍यूत्‍दे, संसार भरीने मीयूदे ङूने विश्‍वास चीत्‍दे, होर्‌दे ङू महिमाने तो स्वर्गने लङ्‍कीदे।

फिलेमोन 1:22

ङैजे लागि ङ्योव टूङ्ब-कोठा त्‍या ठीक चीत्‍देबे हीती, चेनेयलो नैजे प्रार्थनादे ङैये नैट्‌याने र प्रेक्‍की च यब आशा चीन्‍न ख्यङ्।

हिब्रू 13:18

ङीजे लागि प्रार्थना चीन्‍नू। ङीने विश्‍वास ख्यङ्, ङीजे विवेक सफा ख्यङ्, मेस्‍ये येतार्‌ने ज्‍य काम चीन्‍नस्‍ये यब ङी सेम् चीक्‍क्य।