एफिसी 6:12 - घले नयाँ करार

¹² जीङब ङ्व प्रे काजे विरुद्धने नमयू दी, तर मूने ख्यब शक्तियू मेस्‍ये दुष्‍ट हुकुम चील्‍लेबयूजे विरुद्धने, होर्‌दे मून्दूङ् जूग्‍जे हुकुम चील्‍लेयू, हक चील्‍लेबयू, मेस्ये मूजे दुष्‍ट आत्मायूजे विरुद्धने ख्यङ्।

एफिसी 6:12 ပူးပေါင်းရင်းမြစ်များ

मत्ती 16:17

येशूदे ङूने यदे, “योनाजे च सिमोन, नदे असी प्रेख्यङ्। चेनेयलो अम्‍ब नने मीयूदे लोम्‍मे दी, तर स्वर्गने ख्‍यब ङैजे पदे तम्‍मे ख्यङ्।

मर्कूस 4:19

तर अम्‍ब संसारजे सूर्‌त, नोर्‌जे लोभ मेस्‍ये सूजो सेयू प्रेब लोभ, येरप्र पोयू सेम्ने रदेबे परमेश्‍वरजे वचनने येल्‍गसे पीन्‍क्‍य, मेस्‍ये थमयूदे चैत्‍याये चे अङ्‌खू।

लूका 13:24

“साँघुरो ख्‍योदे क्‍योबने बोङ् ची, चेनेयलो, ङ नमयूने यीय, कूम मी क्‍योब मैय, तर क्योब खूस्ये त्‍वो।

लूका 22:53

दिनजे पीजीने मन्दिरने ङ नमयूप्रे ख्यङ्ब नमयूदे ङैजे विरुद्धने ला लङब आँट अन्‍ची। तर जेम्से नमयूजे काम चेप बील रदे मेस्‍ये मून्‍दूङ्जे शक्तिदे राज्‍य चीक्‍क्‍य।”

यूहन्‍ना 12:31

जेम्‍से अम्‍ब संसारजे न्याय क्‍यूक्‍क्‍य। अम्‍ब संसारजे हुकुम चील्‍लेब फीने छाबीय।

यूहन्‍ना 14:30

जेम्‍से ङ नमयूप्रे कूम अन्‍क्‍यम्, चेनेयलो अम्‍ब संसारजे हुकुम चील्‍लेब रेन ख्यङ्। ङै फ्‍याने हम्‍बजे चै हकये त्‍वो।

यूहन्‍ना 16:11

मेस्‍ये न्यायजे बारेने थमयू दोषी ख्यङ्, चेनेयलो अम्‍ब संसारजे हुकुम चील्‍लेबने दण्ड पीनब आज्ञा क्‍यूक्‍क ख्यङ्।

मूल स्यूस्स्यायूजे कामजे किताब 26:18

यी नदे थमयूजे म्‍या पूक्‍मी, मेस्‍ये थमयू मून्‍दूङ्दे ओथ्याङ् तेले, मेस्‍ये शैतान‍जे शक्तिदे परमेश्‍वर तेले ल्‍वारस्‍य। येरेने थमयूदे पापजे क्षमा प्रेक्‍क्‍य मेस्‍ये ङै फ्‍याने विश्‍वास चीत्‍देबे पवित्र क्‍यूरेब मीयूजे ने थमयूदेये प्रेक्‍क्‍य।’

रोमी 8:38

चेनेयलो ङैने पक्क था ख्यङ्, चै पोदेये ङीनने ख्रीष्‍टजे प्रेमप्रे स्‍या अन्‍खू। मृत्‍यूदे, या जीयादे, या स्वर्गदूतयूदे, या शैतानजे शक्तिदे, या दीनीजे पोयूदे या नङ्‍गजे पोयूदे, या शक्तियूदे,

१ कोरिन्थी 15:50

जेम्‍से अत-अची च्योन्‌यू, ङ नमयूने अम्‍ब यीय, स्‍य मेस्‍ये कादे बन्‍दीयेब ङ्व परमेश्‍वरजे राज्‍याने क्‍योबब हक प्रेस्‍स्‍ये त्‍वो। नाश क्‍यूरब ङ्वदे कलङ्बेये नाश अन्क्यूप्पब ङ्वजे हक प्रेस्‍स्‍ये त्‍वो।

२ कोरिन्थी 11:14

मेस्‍ये अम्‍ब हार्‌मन्‍देब पो दी, चेनेयलो ओथ्याङ् स्वर्गदूतजेप्र रुप् शैतानदेये कीन खूइय।

२ कोरिन्थी 4:4

अम्ब संसारजे देऊता, शैतानदे विश्‍वास अन्चेबयूजे सेम्ने म्या अन्तङब मीप्र बन्द चीप्पे ख्यङ्। थमयूदे सूगब खबरजे महिमाजे ओथ्याङ् तङ अङ्‍खू। थमयूदे परमेश्‍वरजे खास रुप् ख्यब ख्रीष्‍टजे महिमाजे बारेने ख्यब अम्ब खबर क्व अङ्‍खू।

गलाती 1:16

कन्‍छ्वाब यहूदी तेबयूजे अन्‍द्रने ङूजे प्रचार चेजे लागि रङ्से च ङैने तम्‍मेने ङू सूग्‍दे, हन्‍छ्वाब ङैदे सूमीप्रेये चै मोतोये अन्‍ची,

एफिसी 1:21

ख्रीष्‍ट मूने राज चेबयू फ्‍याने हुकुम चील्‍लीय। हुकुम चील्‍लेबयू फ्‍याने हक चील्‍लीय, टक्क शक्तियू फ्‍याजे कूम बोङ् ख्‍यब ङू क्‍यूक्‍क्‍य होर्‌दे प्रभुयूजेये प्रभु क्‍यूक्‍क्‍य। ङू अम्‍ब जूग्‍ने त्‍यामे दी, ङ्येदे रब जूग्‍नेये ख्‍यब केन् दर्जायू क्‍वा फ्‍याजे केन् क्यूक्क्य।

एफिसी 1:3

ङीन प्रभु येशू ख्रीष्‍टजे प परमेश्‍वरजे जै-जै क्‍यूस्‍स्‍य, ङूदे ङीनने स्‍वर्गजे नेयूने साप्‍ता आत्माजे असीदे ख्रीष्‍ट ङीनप्रे क्‍यूत्‍देबे असी पीन ख्यङ्।

एफिसी 2:2

हम्‍ब बीलने नमयू संसारने पाप चीत्‍देबे प्रख्‍य। नमयूदे मूजे शक्तिने नोबो मन्‍देख्‍य। परमेश्‍वरने अम्‍मन्‍देब मीयूने ङूदे दीनी रङ्सेजे काबुने ये ख्यङ्।

एफिसी 3:10

येर्‌बे मण्डलीदे परमेश्‍वरजे पीरी-पीरीजे ज्ञान स्‍वर्गजे नेयूने हुकुम चील्‍लेबयू मेस्‍ये अधिकार ख्‍यबयूजे अन्‍द्रने तम्‍मीस्‍य।

कलस्सी 1:13

ङूदे ङीनने मून्‍दूङ्जे राज्‍यदे अलाक् चीत्‍देबे ङूजे छेब चजे राज्‍यने चेलाबे सेबे ख्यङ्।

कलस्सी 2:15

ङूदे हुकुम चील्‍लेबयू मेस्‍ये शक्तियूने लास्या त्वब चीप्‍पीदे। हम्‍बयू फ्‍याने ट्‌यादे, मेस्‍ये क्‍वादेने तङ्लाबे हम्‍बयूने तमासा चीप्पीदे।

२ तिमोथी 2:5

खेल क्‍याब मीदे खेलजे नियम अनुसार अङ्-क्यालो ङूदे इनाम प्रे अन्खू।

हिब्रू 12:1

येरेक्‍यूत्‍देबे विश्‍वासजे यर साक्षी पीनब कूम मीयूजे हुल‍दे ङीनने घेर्‌तीन ख्यङ् होरेक्‍यूत्‍देबे साप्‍ता थर्‌जे अप्‍ठर्‌ चेब ले-क्‍वीयू मेस्‍ये ङीनने बाधा पीनब पापने छाबीदेबे ङीनजे खूम्‍ने हीतेब परमेश्‍वरजे लागि ग्‍यब काम धेरेन् क्‍यूत्‍देबे पूरा चीते।

हिब्रू 12:4

नमयूदे पापजे विरूद्धने छेम्‍प्रे चीप्‍प सीबता सेमेब नमयूदे छेम्‍प्रे चे अम्‍पर्‌दे ख्‍यङ्।

१ पत्रुस 3:22

ङू स्वर्गने गीलीदेबे परमेश्‍वरजे स्येत्‍तेयोर्‌ देन् छ्‍यान ख्यङ्, होर्‌दे स्वर्गदूतयू, हुकुम चेबयू मेस्‍ये शक्तियू फ्‍याने ङूदे हुकुम चेख्यङ्।