एफिसी 5:6 - घले नयाँ करार

⁶ छाक्‍देब पो चीत्‍देबे सूदेये नमयूने छाक्‍दे अम्प्रेस्‍स्‍य येर पोयूजे कारण यब-अन्ङीनयू फ्‍याने परमेश्‍वरजे छी फैन्‍क्‍य।

एफिसी 5:6 ပူးပေါင်းရင်းမြစ်များ

मत्ती 24:24

चेनेयलो लूच्‍च चेब ख्रीष्‍टयू, मेस्‍ये लूच्‍च अगमवक्तायू योङ्‍रीय, मेस्‍ये खूदासेमे परमेश्‍वरदे सेलेब मीयूने छाक्‍देने केन्-केन् च्यूनूयू मेस्‍ये हार्‌मन्‍देब कामयू तन्‍क्‍य।

मत्ती 24:4

येशूदे जवाफ पीन्‍दे, “होस्स्यार क्‍यूर्, नमयूने सूदेये छाक्‍दे अन्खूस्‍य।

मर्कूस 13:22

चेनेयलो लूच्‍च ख्रीष्‍ट‌यू मेस्‍ये लूच्‍च अगमवक्तायू रीय। थमयूदे खूदासेमे परमेश्‍वरदे सेलब मीयूने छाक्‍देने च्‍यूनूयू मेस्‍ये हार्‌मन्‍देब कामयू चीक्‍क्‍य।

मर्कूस 13:5

येशूदे थमयूने जवाफ पीन्‍दे, “चेलाबे होस्स्यार क्‍यूत्‍देबे टूङ्, सूदेये नमयूने छेल्‍ले अन्खूस्‍य।

रोमी 1:18

मीयूदे ङूने अम्‍पूस्‍तेब मेस्‍ये मीयूदे चेब अन्‍ज्‍य कामजे विरुद्धने परमेश्‍वरजे छी स्वर्गदे मो तङ्‍र ख्यङ्। थमयूजे अन्‍ज्‍य कामदे परमेश्‍वरजे तम्दम्ने क्‍व अन्‍ख्‍व चीन्‍न ख्यङ्।

कलस्सी 2:18

रङ्सेजे ङ्वने सकस् पीनब पोनेत्‍या ट्‌यादेबे, स्‍वर्गदूतने पूस्‍तीस्ये पीन्‍देबे, रङ्सेजे ज्ञानदे तङब पोनेत्‍या क्‍यूत्‍देबे, रङ्सेजे सेम्दे च चीतीङ्‍र हम्‍ब पोने केन् त्‍वोत्‍देबे प्रब सूमीदेये नमयूजे प्रेपर्‌तेब इनाम मल्बेब काम चे अङ्‍खूस्य।

कलस्सी 2:4

मीयूदे लूच्‍च पोयूने तम्दम्‍प्र चीत्‍देबे नमयूने होम्‍देबे अन्कूपस्य यदेबे ङ अम्ब पो यीय।

कलस्सी 2:8

नमयू चङ्‍ख क्‍यूत्‍देबे टूङ्, नत्रलो मीयूजे ज्ञान बुद्धि मेस्‍ये चैये अर्थ त्‍वब लूच्‍च पोदे नमयू होम्‍कने। येर पोयू ख्रीष्‍टजे दी, तर मीयूदे चेब पेयूदे मेस्ये संसारजे शिक्षायूदे रब ख्यङ्।

कलस्सी 3:6

आज्ञा अम्‍मन्‍दीलाबे येर अन्‍ज्‍य व्यवहार तनब मीयूफ्‍याने परमेश्‍वरदे रङ्से छी फैन्‍क्‍य।

२ थेसलोनिकी 2:3

नमयूने सूमीदेये कम्‍ब किसिम‌्देये धोका अम्‍पीन्स्‍य। चेनेयलो खूम् परमेश्‍वरजे विरोधने उल्‍क काम अन्क्‍यूत्‍दासेमे, मेस्‍ये या नाशजे लागि खेर्‌तीयेब मुख्य दुष्‍ट मी अन्‍रदासेमे प्रभुजे दिन रस्‍ये त्‍वो।

हिब्रू 13:9

थर्‌-थर्‌जे मेस्‍ये नोङ्ल्‍या पोयू लोम्‍मीदेबे नमयू होम्‍कीने। चेनेयलो च-थूङब पोजे छ्‌यप्दे दी, तर परमेश्‍वरजे अनुग्रहदे सेम् बोल्यो क्‍यूरब सोरो ज्‍य ख्यङ्, होर छ्‌याप्यूदे हम्‍ब मन्‍देबयूने चैये फाइदा अन्‍ची।

हिब्रू 3:19

येरे थमयूदे विश्‍वास अन्चेब कारणदे परमेश्‍वरजे आनन्द टूङब नेने क्‍योये अम्‍प्रेब ङीनदे तङ्‍क्य।

१ पत्रुस 2:8

मेस्ये, “लूङ्त्‍या ख्यङ्, हम्‍ब लूङ्दे मीयूजे तोप् च्‍या-थूङ्बस्ये पीन्‍क्‍य, पोलोम्त्‍या ख्यङ् हम्‍बदे थमयूने ग्‍यर्‌बस्ये पीन्‍क्‍य।” चेनेयलो थमयूदे परमेश्‍वरजे वचन अम्‍मन्‍दी मेस्‍ये ग्‍यर्‌बीय। येर क्‍यूरजे लागि थमयूने सेल्‍देबे हीते ख्‍य।

१ यूहन्‍ना 4:1

छेब ख्योन्‌यू, कम्‍ब क्‍यूक्‍को हम्‍ब आत्माने विश्‍वास अन्‍चील्‍लाची, तर आत्मायू परमेश्‍वरदे पीनब टोङ् यी सूजो टोङ् यदेबे हम्‍बजे जाँच ची। चेनेयलो कूम लूच्‍च अगमवक्तायू अम्‍ब संसारने योङ्‍र ख्यङ्।