एफिसी 5:14 - घले नयाँ करार

¹⁴ धर्मशास्‍त्रने येर्‌बे लिख्दीये ख्यङ्, “ओ ङ्यूम्-या गीलेब मीयू, चनाखो क्‍यूत्‍देबे टोङ् मेस्‍ये सीयेब मीयू लङ्, मेस्‍ये ख्रीष्‍टदे नमयूने ओथ्याङ् पीन्‍क्‍य।”

एफिसी 5:14 ပူးပေါင်းရင်းမြစ်များ

लूका 1:78

ङीन परमेश्‍वरजे कृपाजे कारणदे स्‍वर्गजे नप्‍जे ओथ्याङ् ङीन ङने पर्‌दीय,

लूका 15:24

चेनेयलो अम्‍ब ङैजे च सीये ख्‍य, फेरि सोम्‍बो क्‍यूर ख्यङ्, मले ख्‍य मेस्‍ये प्रे-ख्यङ्।’ होर्‌दे थमयू आनन्द चेमेदे।

यूहन्‍ना 8:12

येशूदे फेरि थमयूने यदे, “ङ संसारजे ओथ्याङ् ख्यङ्। ङै ङ्ये-ङ्ये प्रबयू मून्‍दूङ्ने तीछो प्र पर्‌दीस्‍येत्‍वो, तर हम्‍बदे जीया प्रेब ओथ्याङ् प्रेक्‍क्‍य।”

यूहन्‍ना 9:5

ङ संसारने ख्यङ्दा, ङ संसारजे ओथ्याङ् ख्यङ्।”

मूल स्यूस्स्यायूजे कामजे किताब 13:47

चेनेयलो प्रभुदे ङीने येरे ची यदेबे आज्ञा पीन ख्यङ्, ‘पृथ्वीजे का-मुलुक‍ने मुक्तिजे खबर स्‍य्‍वेने ङैदे नने यहूदी तेबयूजे लागि ओथ्याङ् चेने सेल ख्यङ्’।”

रोमी 6:13

रङ्से ङ्वजे अङ्गयूने अन्‍ज्‍य काम चीस्‍ये अम्‍पीन्‍लाची। तर सीइदेबे सोम्‍बो क्‍यूरब मीयूदेप्र रङ्सेने परमेश्‍वरने पीम्‍बी, मेस्‍ये रङ्से ङ्वजे अङ्गयू परमेश्‍वरजे महिमा चेब कामयूजे लागि सूम्‍दीपी।

१ कोरिन्थी 15:34

होस्ने ख, जेम्‍सेमेस्‍ये पाप अन्‍चील्‍लाची। चेनेयलो नमयू नङ्ने कोइदे परमेश्‍वरजे पोने अन्‍स्‍ये ख्यङ्, नमयूने त्‍वालाबे चेने ङैदे अम्‍ब पो य ख्यङ्।

२ कोरिन्थी 4:6

“मून्‍दूङ् नङ्दे ओथ्याङ् क्‍यूस्‍स्‍य” यदेबे परमेश्‍वरदे य ख्यङ्। हम्ब परमेश्‍वरदे येशू ख्रीष्‍टजे त्‍वाने तङब परमेश्‍वरजे महिमा ङीनदे स्ये खूस्य यदेबे ङीनजे सेम्ने अम्ब ओथ्याङ् चेम्कीतीमे ख्यङ्।

एफिसी 2:1

नमयू रङ्सेजे अपराध मेस्‍ये पापयूजे कारणदे आत्माने सीयेब बीलने येशूदे नमयूने सोम्बो चीत्‍दे।

एफिसी 2:5

येरेक्‍यूत्‍देबे पापने ङी सीइलीने ङूदे ङीनने ख्रीष्‍टप्रे सूला चीत्‍दे, परमेश्‍वरजे अनुग्रहदेने नमयूदे उद्धार प्रेख्यङ्।

कलस्सी 3:1

कादेये नमयू ख्रीष्‍टप्रेने जीया च ख्यङ् यलो स्‍वर्गजे पोयू मल्, होयाने ख्रीष्‍ट परमेश्‍वरजे स्येत्‍देयोर्‌ टून ख्यङ्।

१ थेसलोनिकी 5:6

अम्‍ब कारणदे सूजोयूप्र ङीन अन्‍ङ्यूम्‍लाचीदे, तर चङ्‍ख टूङ्देबे होस्स्यार क्‍यूरे।

२ तिमोथी 1:10

तर ङीनने मुक्ति पीनब ख्रीष्‍ट येशू रदेबे हम्‍ब उदेश्य मेस्ये अनुग्रह तम्‍मीक ख्यङ्। येशूदे सीबब काल नाश चीत्‍देबे कलङ्बेये अन्सीबब जीयाने सूगब खबर स्योत्देबे तङ्लाबे चीम्‍मीदे।

२ तिमोथी 2:26

थमयू चेत्‍तीदेबे शैतानजे यूयूदे प्ल्यीन्डीय। चेनेयलो शैतानदे थमयूने रङ्सेदे यप्र चेने कैदने येख्यङ्।