एफिसी 5:11 - घले नयाँ करार

¹¹ मून्दूङ्जे काम अन्लादेब पोयूने ला अन्‍च्‍वालाची, तर हम्‍ब काम अन्‍ज्‍य ख्यङ् यदेबे तम्‍मी।

एफिसी 5:11 ပူးပေါင်းရင်းမြစ်များ

मत्ती 18:15

“कादेये नैजे च्‍योन्दे नैजे विरुद्धने पाप चीत्‍देयलो, प्रदेबे नम ङ्हीत्‍या फूङ् क्‍यूरब बीलने ङूजे नोकोस् तम्‍मी। कादेये ङूदे नैजे पो ङ्यीन्‍देयलो, हम्‍ब फेरि नैजे रङ्से च्‍योन्‍ने क्‍यूक्क्‍य।

लूका 3:19

तर मूरूम् हेरोददे रङ्से च्‍योन्जे मज हेरोदियासनेप्रे येनब कारणदे मेस्‍ये ङूदे चेब सूजो अन्ज्‍य कामयूजे लागि यूहन्‍नादे हेरोदने फ्राचीक ख्‍य।

मूल स्यूस्स्यायूजे कामजे किताब 26:18

यी नदे थमयूजे म्‍या पूक्‍मी, मेस्‍ये थमयू मून्‍दूङ्दे ओथ्याङ् तेले, मेस्‍ये शैतान‍जे शक्तिदे परमेश्‍वर तेले ल्‍वारस्‍य। येरेने थमयूदे पापजे क्षमा प्रेक्‍क्‍य मेस्‍ये ङै फ्‍याने विश्‍वास चीत्‍देबे पवित्र क्‍यूरेब मीयूजे ने थमयूदेये प्रेक्‍क्‍य।’

रोमी 13:12

मून् कूम गीली, जेम्‍से म्‍या तङ्‍र ख्यङ्। येरेक्‍यूत्‍देबे मून्दूङ्ने चेब अन्‍ज्‍य काम क्‍यापीदेबे ङीन ओथ्याङ्जे लास्या टेले।

रोमी 16:17

अत-अची च्योन्‌यू, ङ नमयूने बिन्‍ती चीक्‍क्‍य, नमयूदे लोम्‍कब शिक्षाजे विरुद्धने अन्‍थून चेब मेस्‍ये बाधा रेब मीयूप्रे होस्स्यार क्‍यूर्, मेस्‍ये होर मीयूप्रे आलाक्‍के टूङ्।

रोमी 6:21

हन्‍छ्वाब नमयूदे चेब कामदे चै फाइदा क्‍यूत्‍दे? हम्‍ब कामयूदे चीत्‍देबे नमयू चूजो त्‍वा ख्यङ्, होरदे हम्‍ब कामयूजे फलब सीब पर्‌दे ख्यङ्।

गलाती 6:8

सूदे रङ्से पाप चेब स्वभावजे बाली लैदीय हम्‍बदे रङ्सेजे पाप चेब स्वभावदेने नाश क्‍यूप्‍पब बली तोल्‍क्‍य। सूदे आत्माजे लागि बली लैदीय हम्‍ब आत्मादेने कलङ्बेये अन्सीबब जीयाजे खेती तोल्‍क्‍य।

एफिसी 4:22

नमयूजे खूम्जे पापजे स्वभाव मेस्ये ङीङ् जीया चब तर्‌तीप्‍यू क्यापी, हम्‍ब धोका पीनब दुष्‍ट इच्छायूजे कारणदे नमयू नाश क्‍यून्‍न ख्यङ्।

एफिसी 5:12

चेनेयलो थमयूदे नङ्सूने आलाक्के चेब कामयूजे बारेने यनेये त्‍वाब पो ख्यङ्।

एफिसी 5:7

होरेक्‍यूत्‍देबे येर मीयूजे सङ्गतने अन्चील्‍लाची।

कलस्सी 1:12

ओथ्याङ्जे राज्‍यने परमेश्‍वरजे पवित्र मीयूदे प्रेब हक ङीनयूनेये प्रे ख्‍व चीम्‍मेब पने सूग्‍देबे धन्‍यवाद पीने।

१ थेसलोनिकी 5:7

चेनेयलो ङ्यूमयू मून्‍देने ङ्यूम्‍क्‍य, मेस्‍ये स्‍य्‍वसेयू थूङ्देबे स्‍य्‍वयूये मून्‍देने स्‍योय।

२ थेसलोनिकी 3:14

कादेये अम्‍ब चिट्ठीने ङीदे येयेब पोने सूदेये मन्‍दे अन्‍ङ्यीन्‍दे यलो, हम्‍ब मीने चेलाबे चीन्तीनू होर्‌दे हम्‍बप्रे प्रनेअम्‍प्रलाची होरदे हम्‍ब त्‍वा पर्‌दे क्यूस्स्य।

२ थेसलोनिकी 3:6

जेम्‍से अत-अची च्योन्‌यू, ङीन प्रभु येशू ख्रीष्‍टजे मीन्‍ने ङी नमयूने आज्ञा पीन्क्‍य, ङीयूदे लोम्‍मीदेबे नमयूदे प्रेब शिक्षा अनुसार अन्‍चील्‍लेब म्‍यास्‍सी क्‍यूरब विश्‍वासीयू ट्‍यादे आलाक् क्यूत्देबे टूङ्।

१ तिमोथी 5:20

क्‍वाजे खूम्‍ने, पाप चेजे चे चीन्‍न मीयूने ङर्‌मी, मेस्‍ये होरे चीत्‍देयलो सूजोये फैय।

१ तिमोथी 5:22

अतूर् चीत्देबे कोइ मी-फ्‍याने ला येत्‍देबे मण्डलीजे कामने अन्लैदीलाची। सूजो मीजे पाप प्रेये सामेल् अन्क्‍यूल्‍लाची। रङ्सेने पवित्र येन्।

१ तिमोथी 6:5

मेस्‍ये बुद्धि नोङ्येब मेस्ये सत्यदे आलाक्के क्‍यूरेब मीयूजे अन्‍द्रने कचेला चीक्‍क्‍य, होर्‌दे परमेश्‍वरने मन्‍दे यब फाइदा लङ काम त्‍या ख्यङ् यदेबे थमयूदे मन्क्‍य।

२ तिमोथी 3:5

थमयू परमेश्‍वर मन्‍दे यदेबे ङूर्‌देत्‍या यीय, तर परमेश्‍वरजे शक्तिने अम्‍मन्‍देब क्‍यूक्क्‍य। यर मीयूप्रे आलाक् क्‍यूरो।

२ तिमोथी 4:2

परमेश्‍वरजे वचन स्‍य्‍वेने बील-अबील तयार क्‍यून्‍नू। धेरेन्बे शिक्षा पीन्देबे अर्ती पीन्, ङर्‌मी, आँट पीन्।

तीतस 2:15

नदे अम्‍ब पोयू बोङ्बे य, पूरा हकदे लोम-तन ची मेस्‍ये फ्राची। सूदेये नने ह्‍यल अन्‍चीस्‍स्‍य।

प्रकाश 18:4

होर्‌देङ्‍येदे स्वर्गदे येरे येनब सूजो के त्‍या ङैदे तदे: “ङैजे मीयू, हम्‍ब नेदे फीने योङ्‍ख, हम्‍ब नेदे फीने अन्-योङ्‍रदेयलो ङूजे पापयूप्रे नमयूये सामेल् क्‍यूक्‍क्‍य, मेस्‍ये ङूदे प्रेब दण्ड नमयूदेये भोक्‍ते पर्‌दीय,