एफिसी 5:10 - घले नयाँ करार

¹⁰ मेस्‍ये प्रभुने सेम् पर्‌देब च ख्यङ् हम्‍ब लोमने बोङ् ची।

एफिसी 5:10 ပူးပေါင်းရင်းမြစ်များ

रोमी 14:18

सूदे येर तर्‌दीप्‍दे ख्रीष्‍टजे सेवा चीक्‍क्‍य, हम्‍ब मीदे परमेश्‍वरने सूग्‍ला चीक्‍क्‍य, मेस्‍ये मीयूदे ज्‍य यीय।

फिलिप्पी 1:10

येरेक्‍यूल्‍लोत्‍यामे नमयूदे पात्‍ता ज्‍य च ख्यङ् हम्‍ब स्‍ये खूइय, मेस्‍ये ख्रीष्‍ट रब दिन‍ने शुद्ध मेस्‍ये दोष त्‍वब क्‍यूर खूस्‍य।

फिलिप्पी 4:18

ङैदे प्रेपर्‌ते यली थेप्ने प्रेक्‍क ख्यङ्। नमयूदे एपाफ्रोडिटसजे लाने चङ्बेब हम्‍ब दान परमेश्‍वरने सेम् पर्‌तेब, लेम् बस्न रब मेस्‍ये सूग्‍लाबे चेब बलिप्र ङैदे प्रेत्‍देबे बेस्‍से सूग ख्यङ्।

कलस्सी 1:10

येरे ङूने बेस्‍से सूग्‍ला चेने नमयूदे प्रभुने सेम् पर्‌देब जीया चदेबे सोरो ज्‍य कामयूने फलीफप् क्‍यूत्‍देबे परमेश्‍वरजे ज्ञानने नमयू बोल्यो क्‍यूक्‍के खूस्‍स्‍य।

१ थेसलोनिकी 5:21

तर साप्‍ता पोजे जाँच ची। कम्‍ब पो ज्‍य ख्यङ् हम्‍ब पोयू सेम्‍ने हीन्‍नू।

१ तिमोथी 2:3

ङीनजे मुक्ति पीनब परमेश्‍वरजे खूम्‍ने अम्‍ब ज्‍य मन्‍दे खल्‍जे ख्यङ्।

१ तिमोथी 5:4

तर प्‍ल्‍यङ् सीयेब कोइ मदीयूजे च-चीमी मेस्ये कून-कूमी ख्यङ्लो थमयूदे खूम् ङूने लेब काम चीस्‍स्‍य। पात्‍ता खूम् कीम् म्हीतीदेने परमेश्‍वरजे नियम मन्‍देने लोम्‍स्‍य, होर्‌दे प-मजे लोन् फामीस्‍य चेनेयलो अम्‍ब कामदे परमेश्‍वर सूग्‍क्‍य।

हिब्रू 12:28

येरेक्‍यूत्‍देबे लीङने अङ्ख्‍वब राज्‍य प्रेब क्यूत्देबे ङीन परमेश्‍वरने धन्‍यवाद पीने। येर्‌बे परमेश्‍वरने मन्‍देब, गेसेन् चेब मेस्‍ये फब क्यूत्देबे ङूने पूस्‍तीदे।

१ पत्रुस 2:20

चेनेयलो नमयूदे अन्‍ज्‍य काम फर्‌कदेबे ठरीब धेरेन् क्‍यूत्‍देबे सैदीय-यलो नमयूने चे फाइदा क्‍यूक्‍क्‍य स्‍व? तर नमयूदे सोरो ज्‍य काम फर्‌देबेये सकस् भोक्‍ते पर्‌तीब धेरेन् क्‍यूत्‍देबे सैदीलो परमेश्‍वरदे अम्‍बजे लागि असी पीन्‍क्‍य,

१ पत्रुस 2:5

येशू ख्रीष्‍टने क्‍यूत्‍देबे नमयूये परमेश्‍वरजे खूम्‍ने सेम् पर्‌तेब आत्‍माजे बलि पीनब पवित्र पूस्‍र्‌या क्‍यूरने नमयू सोम्‍बो पत्‍थर्‌यूप्र क्यूत्‍देबे आत्‍माजे मन्‍दिर बन्‍दीलीम् चीक्‍की।