एफिसी 4:28 - घले नयाँ करार

²⁸ खूमान्दे जेम्से अन्खूस्‍य। बरू ङूदे छेम्प्रे चीत्देबे ईमानदार क्यूत्देबे रङ्से लादे काम चीस्‍स्‍य, मेस्‍ये हर्‌जोने पर्‌देब मीयूने पीन खूस्‍य।

एफिसी 4:28 ပူးပေါင်းရင်းမြစ်များ

लूका 19:8

जखायस मेर्‌देबे प्रभुने यदे, “प्रभु, ले, ङैदे ङैजे सम्पत्तिजे फाच्या भा दूख्प्रेयूने पीन्क्‍य, मेस्‍ये कोइजे अन्-‍न्याय चीत्देबे सेयू रेक्‍क ख्यङ्लो ङैदे हम्‍बजे भा स्यी थेप् थप्दीदेबे ल्‍वाबीय।”

लूका 3:8

होरेक्यूत्देबे रङ्से-रङ्से पापजे पश्‍चात्ताप ‍चीत्‍देबे रङ्से सेम् परमेश्‍वरतेले ल्‍वारदेबे हम्‍ब अनुसार चील्‍ली। तर ‘ङीन अब्राहामजे छगूम्-पूर्‌गूम् ख्यङ्’ यदेबे नमयू प्लीम्ब प्रेक्‍क्‍य अम्‍मन्‍लाची। चेनेयलो ङ नमयूने यीय, परमेश्‍वरदे अम्‍ब लूङ्यूदेये अब्राहामजे लागि छगूम्-पूर्‌गूम् जन्मेदे खूइय।

यूहन्‍ना 12:6

तर ङूदे दूख्प्रेयूजे ख्‍याल् चीत्‍देबे अम्‍ब पो य ते ख्‍य, चेनेयलो ङू खूमान् ख्‍य, मेस्‍ये नोर‌्‌जे थैली ङूदे ये ख्‍य, हैयादे ङूदे खूलीम् चे ख्‍य।

यूहन्‍ना 13:29

यहूदाप्रे नोर्‌जे थैली ख्‍य, होरेक्‍यूत्‍देबे येशूदे ङूने दीन्बरने चैतेब सेयू कीन्‍स्‍य, या ङूदे दूख्प्रेबयूने चत्‍या पीन्‍स्‍य य यीच यदेबे कोइ कोइदे यर मन्‍दे।

रोमी 12:13

परमेश्‍वरजे पवित्र मीयूने हर्‌जो पर्‌दीब तोङ्मी, कीम्ने रब ङ्योवयूने गेसेन् ची।

१ कोरिन्थी 4:12

ङी रङ्से लादेने काम फर्‌देबे छेम्‍म्रे चेख्यङ्। सूजो मीयूदे ह्‍यल चीप्‍प ङी असी पीन्‍क्‍य। मीयूदे सतनम् पीम्‍ब ङी सैदीय।

२ कोरिन्थी 8:12

चेनेयलो पीन्‍तीङ्‍रब सेम् ख्यङ्लो, नेप्रे ख्‍य अनुसार पीनब दान‍ने प्रभुदे ज्‍य मन्‍दीय, तर नेप्रे त्‍व अनुसार दी।

२ कोरिन्थी 8:2

सोरो फत्‍या सकस्यू प्रेन्‍नूलीने बेस्‍से सेम् सूग्‍दे मेस्‍ये सोरोने फत्‍या दूख्प्रे क्‍यूल्‍लीने दान कूम पीनने थमयूजे सेम् सोरो यङ्दे।

गलाती 6:10

येरेक्‍यूत्‍देबे मौका प्रेप्‍पने ङीनदे मी क्‍वाजेने भलो चीक्‍के परदीय, थेप्‍प्र येशूने विश्‍वास चेब ङीनजे म्‍हीत्‍तीयूने भलो चेपर्‌दीय।

१ तिमोथी 6:18

थमयूदे ज्‍य काम चीस्‍स्‍य, मेस्‍ये ज्‍य कामयू चीत्‍देबे फ्‍योबो क्‍यूस्स्य, सेम् यङ्लाबे हर्‌जो क्यून्‍नबयूने पीनजे लागि येतार्‌ने तयार क्यूरो।

तीतस 3:14

ङीनजे मीयू ज्‍य काम चेब लोम्स्‍य, येर्‌बे सोरो हर्‌जो पर्‌तेब बीलने थमयूदे सूजोयूने तोङ्मे खूस्‍य। थमयू चेकम्तेब जीया च अम्पर्‌तीस्य।

तीतस 3:8

अम्‍ब तम्दम् पो ख्यङ्। नदे अम्‍ब पोयूने बोङ् ची, थमयू सुदे परमेश्‍वरने विश्‍वास चे ख्यङ्, रङ्सेदे ज्‍य काम चेने येतार्‌ने चङ्‍ख क्‍यून्‍नू, चेनेयलो अम्‍ब पो मीयूजे लागि सोरो ज्‍य मेस्‍ये फाइदाजे ख्यङ्।