एफिसी 4:25 - घले नयाँ करार

²⁵ येरेक्‍यूत्‍देबे लूच्‍च क्‍यमब क्यापीदेबे क्‍वादेने रङ्से रङ्से खीम्‍चेप्रे तम्दम् क्‍यम्, चेनेयलो ङीन ख्रीष्‍टजे ङ्वजे अङ्गयू ख्यङ्।

एफिसी 4:25 ပူးပေါင်းရင်းမြစ်များ

यूहन्‍ना 8:44

नमयूजे रङ्से प शैतान ख्यङ्, मेस्‍ये नमयूजे रङ्सेजे पजे इच्छा पूरा चेब सेम् चे ख्यङ्। हम्‍ब सुरुमेस्‍येने मी सेब ख्‍य, मेस्‍ये तम्दम् पो ङ्‍यीन्तीङ् अन्‍र, चेनेयलो ङूने चैत्याये सत्य त्‍वो। ङू ङूजे बनी अनुसारजे लूच्‍च पो क्‍यम ख्यङ्, चेनेयलो ङू लूच्‍च ख्यङ्, मेस्‍ये लूच्‍च चेबजे प ख्यङ्।

रोमी 12:5

होर्‌प्रने ङीन कूम ख्यङ्लीनेये ख्रीष्‍टप्रे ङ्व त्‍या ख्यङ् मेस्‍ये ङीन क्वाने त्‍या त्‍याजे अङ्ग ख्यङ्।

१ कोरिन्थी 10:17

क्‍यङ् तीत्‍यात्‍या ख्यङ्, येरेक्‍यूत्‍देबे ङीन कूम क्‍यूल्‍लीने ङ्व त्‍या ख्यङ्, चेनेयलो ङीन क्‍वाने हम्ब तीत्‍यात्‍या क्‍यङ् कोत्‍देबे चीय।

२ कोरिन्थी 7:14

चेनेयलो नमयूजे पो स्‍योत्‍देबे तीतसजे खूम्‍ने ङ केन् त्‍वोक्‍कलीने, हम्‍ब पोने नमयूदे चीत्‍देबे ङ त्‍वा अम्‍पर्‌ती। तर ङीयूदे नमयूने यब साप्‍ता पो केर्‌बे तम्दम् ख्‍य, होर्‌बेने तीतसजे खूम्‍ने ङीदे केन् त्‍वेब पोये तम्दम् ठर्‌तीक ख्यङ्।

एफिसी 4:15

बरू प्रेमने टुङ्देबे सत्य क्‍यम्‍देबे साप्‍ता पोने ङूप्रने या ख्रीष्‍टप्र क्‍यूप्‍प पर्‌तीय, ख्रीष्‍टब ङीनजे ट ख्यङ्।

एफिसी 4:22

नमयूजे खूम्जे पापजे स्वभाव मेस्ये ङीङ् जीया चब तर्‌तीप्‍यू क्यापी, हम्‍ब धोका पीनब दुष्‍ट इच्छायूजे कारणदे नमयू नाश क्‍यून्‍न ख्यङ्।

एफिसी 4:31

साप्‍ता थर्‌जे सेम् लङ्, च्य-चीङ्, छी, घिन मेस्ये साप्‍ता थरीजे ठेनब, अन्‍ज्‍य पो क्‍वाने क्यापी।

एफिसी 5:30

चेनेयलो ङीन ङूजे ङ्वजे अङ्ग ख्यङ्।

कलस्सी 3:8

तर जेम्से नमयूदेये प्रो लङब, छी चेब, ठेनब, मीजे पो चेब, मेस्‍ये रङ्से ङूर्‌दे अन्ज्‍य बोली योनब येर व्यवहारयू क्‍वाने क्यापी।

कलस्सी 3:9

त्‍यादे त्‍याने लूच्‍च अन्क्‍यम्‍लाची, चेनेयलो ङीङ् स्वभाव मेस्‍ये हम्‍बजे छ्‌यप्‍यू नमयूदे क्यापीक ख्यङ्।

१ तिमोथी 1:10

वेश्य काम चेयू, छाडा काम चेबयूजे लागि, मीदे मीने सोङबयूजे लागि, लूच्‍च क्‍यमप्रे लूच्‍च गवाही पीनब तम्दम् शिक्षाजे विरोधने काम चेयूजे लागि ख्यङ्।

१ तिमोथी 4:2

लूच्‍च क्‍यमब मीयूजे छल्दे येर पोयू क्‍यूस्‍से पीन्क्‍य, येर मीयूजे विवेक जङ् लूम्दे डम्‍दीकब-प्र क्‍यूक्क्‍य।

तीतस 1:12

थमयू नङ्जे अगमवक्ता त्‍यादे य ख्यङ्, “क्रेटजे मीयू येतार्‌ने लूच्‍च क्‍यम, सोरो क्‍वा रोलायूजेप्र व्यवहार तनब मेस्ये म्‍यास्‍सी मेस्ये चने स्येबयू ख्यङ्।”

तीतस 1:2

हम्‍ब विश्‍वास मेस्ये ज्ञान कलङ्बेये अन्सीबब जीयाजे आशाने छ्‍यान ख्यङ्, होर्‌दे कलङ्बेये लूच्‍च अङ्-क्‍यमब परमेश्‍वरदे मीयूङ्मेस्‍येने कबुल चीत्‍दे।

हिब्रू 12:1

येरेक्‍यूत्‍देबे विश्‍वासजे यर साक्षी पीनब कूम मीयूजे हुल‍दे ङीनने घेर्‌तीन ख्यङ् होरेक्‍यूत्‍देबे साप्‍ता थर्‌जे अप्‍ठर्‌ चेब ले-क्‍वीयू मेस्‍ये ङीनने बाधा पीनब पापने छाबीदेबे ङीनजे खूम्‍ने हीतेब परमेश्‍वरजे लागि ग्‍यब काम धेरेन् क्‍यूत्‍देबे पूरा चीते।

याकूब 1:21

येरेक्‍यूत्‍देबे अन्‍ज्‍य आनि-बानी मेस्‍ये दुष्‍ट पोयू क्‍वाने क्यापी मेस्ये नमयूजे सेम्ने हीतेब पो स्यूलूक्कै क्‍यूत्‍देबे मन्‍दी, नमयूजे प्राणने उद्धार चीम्मे ख्‍वब शक्ति अम्‍ब पोने ख्यङ्।

१ पत्रुस 2:1

येरेक्‍यूत्‍देबे साप्‍ता दुष्‍ट पोयू, छल्‍‍जे पोयू, कप्‍टी, ठेनब, मेस्‍ये मीजे न प्‍वेब पोयू क्‍वाने क्यापी।

प्रकाश 21:8

तर फैजङ्यू, विश्‍वास अन्‍चेबयू, ङ्येत्‍या क्‍यूरबयू, मी सेबयू, वेश्य काम चेबयू, ङा-थूक् चेबयू, मूर्ति पूजा चेबयू, मेस्‍ये लूच्‍च क्‍यमबयू क्‍वाने प्ल्याङ्नब मी प्रे गन्‍धकजे भोप्‍प्रोने छाबीय। अम्‍ब दोस्रो मृत्‍यू ख्यङ्।

प्रकाश 22:15

होर्‌दे सहरजे फीनेब क्‍योयू, ङा-थूक् चेयू, वेश्य काम चेयू, मी सेब काम चेयू, मूर्ति पूजा चेयू, मेस्‍ये लूच्‍च चेब सेम् पर्‌तेयू मेस्‍ये हम्‍ब अनुसार‌ काम फरबयू क्‍यूक्‍क्‍य।