23 नमयूजे सेम् प्रे आत्मा सर् क्यूस्स्य,
अम्ब संसारजे मीयूप्रने नक्कल अन्चील्लाची, तर रङ्सेब सर् सेम् क्यूत्देबे पूरा रुप्ने सूजो क्यूक्की। होर्दे परमेश्वरजे सोरो ज्य, सेम् पर्तेब मेस्ये सिद्ध इच्छा च ख्य, हम्ब नमयूदे था प्रे-खूइय।
येर्बे बप्तिस्मा कीन्ब ङीन सीयेब क्यूत्देबे ख्रीष्टप्रेने पोप्कदे, केर्बे परमेश्वर पजे महिमादे चीत्देबे ख्रीष्ट सीयेबयू नङ्दे सोम्बो चीम्मीदे, होरप्रेने ङीनये सर् जीयाजे लम्दे प्रेये।
चेनेयलो पापी स्वभाव अनुसार प्रब मीयूब सीब पर्दे ख्यङ्, तर पवित्र आत्मा अनुसार प्रब मीयूदेब मेस्ये शन्ति प्रेक्क्य।
ङीन ज्य कामजे लागि ख्रीष्ट येशूने क्यूत्देबे बन्दीयेब ङूजे लाजे सीप ख्यङ्। ङीन हम्ब अनुसार प्रस्य यब कारणदे परमेश्वरदे खूम्देमेस्येने हम्ब तयार चीदे ख्य।
मेस्ये सर् स्वभाव प्रेक्क ख्यङ्, हम्ब स्वभाव सृष्टि चेब परमेश्वरजे रूप् अनुसार ज्ञानने सर् क्यूप्पीन ख्यङ्।
हन्छ्वाब ङी रङ्सेदेने ज्य काम चीत्देबे दी, तर ङूजे दयाजे कारणदे ङूदे ङीनने बच्दीमीदे। ङूदे ङीनजे पापयू ठूमीदेबे ङीनने पवित्र आत्माने क्यूत्देबे सर् जन्म मेस्ये सर् जीया पीन्दे।
येरेक्यूत्देबे नमयूजे सेम्ने तयार ची। होस्स्यार क्यूरो होर्दे येशू ख्रीष्ट तङ्रब दिनने नमयू ट्याने रमेल्नब अनुग्रहने नमयूजे आशा पुरा रुप्दे चेलाबे ये।
