एफिसी 4:21 - घले नयाँ करार

²¹ तम्दम्‍ने नमयूदे येशूजे शिक्षा ङ्यीन्देबे ङूजे सत्य लोम्‍कदे यदेबे ङ मन्‍न ख्यङ्।

एफिसी 4:21 ပူးပေါင်းရင်းမြစ်များ

मत्ती 17:5

पत्रुसदे येर्‌बे पो चीन्‍न चीन्‍नने चकिलो मूक्‍पदे थमयूने उप्‍कीदी, मेस्‍ये हम्‍ब मूक्प नङ्दे के त्‍या तैरदे, “ङू ङैजे छेब च ख्यङ्, ङ ङूप्रे सोरो सूग ख्यङ्, ङूजे पो ङ्‍यीन्।”

लूका 10:16

“नमयूजे पो ङ्‍यीनबदे ङैजे पो ङ्‍यीन्क्‍य। नमयूजे पो अम्‍मन्‍देबदे ङैनेये अम्मन्दी, होर्‌दे ङैने अम्मन्‍देबदे ङैने कूल्‍बेब परमेश्‍वरनेये अम्मन्दी।”

यूहन्‍ना 1:17

चेनेयलो परमेश्‍वरदे नियम मोशाने पीन्‍देबे ङीनदे प्रेत्‍दे, तर अनुग्रह मेस्‍ये सत्यब येशू ख्रीष्‍टने क्‍यूत्‍देबे पीन्‍दे।

यूहन्‍ना 10:27

“ङैजे स्वान्‌यूदे ङैजे के ङ्‍यीन्क्य, मेस्‍ये ङैदे हम्‍बयूने स्‍येय, होर्‌दे थमयू ङैजे ङ्‍ये-ङ्‍ये रीय।

यूहन्‍ना 14:17

ङू सत्यजे आत्मा ख्यङ्, संसारदे ङूने ग्रहण चे-अन्खू, चेनेयलो संसारदे ङूने तङ अन्खू होर्‌दे स्‍ये अन्खू। नमयूदे ङूने स्‍येय, चेनेयलो ङू नमयूप्रे टूङ्क्‍य मेस्‍ये ङू नमयूप्रे क्‍यून्‍नीय।

यूहन्‍ना 14:6

येशूदे ङूने यदे, “लम्, सत्य मेस्ये जीया ङने ख्यङ्। ङैजे लम् क्‍यूत्‍देबे अम्‍प्रदासेमे सूये प ट्‌याने र अन्खू।

रोमी 10:14

तर प्रभूने विश्‍वास अन्‍चील्‍लाबे केर्‌बे ङूने मीयूदे गोम? ङूजे बारेने तने अन्‍त, केर्‌बे ङूने विश्‍वास चे? मेस्‍ये सूदेये अन्स्‍योम्मीलो थमयूदे केर्‌बे त स्व?

२ कोरिन्थी 1:20

चेनेयलो परमेश्‍वरदे चेब कबुलयू क्‍वाने येशू ख्रीष्‍टने पूरा “क्‍यूक्‍क्‍य” यब पो ख्यङ्। येरेक्‍यूत्‍देबे येशू ख्रीष्‍टप्रे क्‍यूत्‍देबे परमेश्‍वरने महिमा पीनजे लागि ङीन “आमेन” यीय।

२ कोरिन्थी 11:10

ख्रीष्‍टने ख्‍यप्र तम्दम् ङैप्रे ख्यङ्, मेस्‍ये अम्‍ब ङैदे त्वेब पोने अखैयाजे नेयूने ख्‍यब सूमीदेये थून्‍दे अङ्‍खू।

एफिसी 1:13

होरप्रने नमयूदेये तम्दम्‍जे खबर, मुक्तिजे सूगब खबर तदेबे ख्रीष्‍टने विश्‍वास चीत्‍दे। परमेश्‍वरदे नमयूने कबुल चेब पवित्र आत्माजे छाप पूत्‍देबे ङूदे नमयूने रङ्से मी बन्‍देब गवाही पीन्दे।

एफिसी 2:17

ख्रीष्‍टदे रदेबे न चीन्‍तङ् क्‍यूरेब मेस्‍ये ट्‌याने ख्‍यब मीयूने मिलापजे सूगब खबर स्‍य्‍वेत्‍दे।

कलस्सी 1:5

अम्‍ब विश्‍वास मेस्‍ये प्रेम नमयूजे लागि स्‍वर्गने जूक्‍तीदेबे हीतेब आशाजे कारणदे क्‍यूर ख्यङ्। हम्‍ब पोयू नमयूदे मालाङ्ने तम्दम्जे वचनने, या सूगब खबरने तैक ख्यङ्।

कलस्सी 1:6

अम्‍ब सूगब खबर नमयूट्‌याने फ्‍योर ख्यङ्, मेस्‍ये तम्दम्ने अम्‍बदे संसारजे का-मुलुकने असी पीन्‍देबे थेप् क्‍यूप्‍पीन ख्यङ्। परमेश्‍वरदे चेब अनुग्रहजे तम्दम् पो तदेबे क्‍वब दिनदेछोमेस्‍ये नमयूजे अन्‍द्रनेये सूगब खबरदे होरप्रने काम चीन्‍न ख्यङ्।

कलस्सी 2:7

नमयूने लोम्येब पो अनुसार‌ येशूने चेलाबे छ-च्‍वोदेबे ङू-फ्याने रङ्सेजे जीया चब क्यूरो। होर्‌दे विश्‍वासने सोरो बोल्यो क्‍यूत्‍देबे कलङ्नेयली ङूने धन्‍यवाद पीन्‍नब क्‍यूरो।

१ यूहन्‍ना 5:20

परमेश्‍वरजे च रेक ख्यङ् यदेबे ङीनने था ख्यङ्, मेस्ये सत्य परमेश्‍वरने स्‍ये खूस्‍य यदेबे ङूदे ङीनने ज्ञान पीन ख्यङ्। ङी ङूजे च येशू ख्रीष्‍टप्रे क्यूत्देबे सत्य परमेश्‍वरप्रे ख्यङ्। ङू सत्य परमेश्‍वर मेस्‍ये कलङ्बेये अन्सीबब जीया ख्यङ्।