एफिसी 4:18 - घले नयाँ करार

¹⁸ थमयूने ज्ञान त्‍वब कारण थमयूजे सेम् सोरो कोङ क्‍यूत्‍देबे थमयू परमेश्‍वरजे जीया प्रे अन्‍ख्‍व क्‍यूरे ख्यङ्, मेस्‍ये थमयूजे बुद्धि चैत्‍याये अन्‍तङ् क्‍यूरे ख्यङ्।

एफिसी 4:18 ပူးပေါင်းရင်းမြစ်များ

मत्ती 13:15

चेनेयलो अम्‍ब मीयूजे सेम् पो क्व-अङ्‍ख्व क्‍यूरे ख्यङ्, थमयूजे न नाक्‍तूङ् क्‍यूरे ख्यङ्, थमयूदे रङ्से म्‍या च्‍यूम् चे ख्यङ्, नत्र थमयूजे म्‍यादे तङ ख्यङ्दे, थमयूजे नदे तख्यङ्दे, सेम्दे पो क्‍व ख्यङ्दे, थमयूजे रङ्से सेम् ङैतेले ल्‍वार ख्यङ्दे, मेस्‍ये ङैदे थमयूने तम् चीम्‍मे ख्यङ्दे।’

मर्कूस 3:5

येशूदे थमयूजे सेम्ने अन्ज्‍य मन्‍नब था प्रेत्‍देबे सेम् सोरो नदे, मेस्‍ये छीलङ्देबे ङूदे थमयू क्‍वानेने लेत्‍दे, होर्‌दे हम्‍ब ला खरेब मीने यदे, “नैजे ला फ्रेत्‍दे ची!” ङूदे ला फ्रेत्‍दे चीत्‍दे मेस्‍ये तम् क्‍यूरी।

यूहन्‍ना 12:40

“ङूदे थमयूजे म्‍या अन्‍तङ चीप्‍पे ख्यङ्, मेस्‍ये थमयूजे सेम् सोरो कोङ चीप्‍पे ख्यङ्, येरे थमयूजे म्‍यादे अन्‍तङ्स्‍य, होर्‌दे सेम्‍दे अङ्‍कोस्‍य, नत्र थमयू ङै ट्‌याने ल्‍वारीय मेस्‍ये थमयूने तम् चीम्‍मे पर्‌तीय।”

मूल स्यूस्स्यायूजे कामजे किताब 17:30

होरेक्‍यूत्‍देबे थाने त्‍व अन्स्येदेबे चीक्‍कब काम‍ने परमेश्‍वरदे ध्‍यान् अम्‍पीन्, तर जेम्से टक्क नेने मी क्वानेने ‘रङ्से-रङ्सेजे पापजे पश्‍चात्ताप चेब आज्ञा पीन ख्यङ्।

मूल स्यूस्स्यायूजे कामजे किताब 3:17

जेम्‍से च्योन्‌यू, ङैने था ख्यङ्, यी नमयूदे अन्‍स्येदेबे होरे चीक्‍कदे, मेस्‍ये नमयूजे नेतायूदेये होरेने चीत्‍दे।

रोमी 1:28

येर्‌बे थमयूदे परमेश्‍वरने तम्दम् पोने ठीक अन्‍थेदेबे परमेश्‍वरदे थमयूने चे अन्‍क्‍यूरब काम चेने अन्‍ज्‍य भस्‍त्व चेब सेम् क्‍यून्‍नूस्‍य यदेबे क्‍यापीदे।

रोमी 11:25

अत-अची च्योन्‌यू, नमयूदे रङ्सेने केन् अन्‍त्‍वोस्‍स्‍य यदेबे नङ्सू पो त्‍या नमयूने था क्यूस्स्य मन ख्यङ्। अम्‍ब नङ्सू पो येर ख्यङ्, र परदेब यहूदी तेब मीयू ख्रीष्‍टने अन्‍रदासेमेत्‍या यहूदीयूजे सेम् कोङ क्यून्‍नीय।

रोमी 11:7

होरेयलो अम्‍बजे अर्थ च क्‍यूत्‍दे? इस्राएलजे मीयूदे च मल ख्‍य हम्‍ब प्रेअङ्‍खू। तर परमेश्‍वरदे सेलब मीयूदे त्‍या हम्‍ब प्रेखूदे। सूजो मीयू क्‍वाने सेम् कोङ क्‍यूत्‍दे,

रोमी 2:19

मेस्‍ये नने अम्‍ब पक्‍क ख्यङ् न म्‍या अन्‍तङबजे अगुवा ख्यङ्, मून्दूङ्ने ख्यङ्ब मीयूजे लागि न लम् तनब ओथ्याङ् ख्यङ्,

१ कोरिन्थी 1:21

संसारने ख्‍यब मीयूजे बुद्धिदे परमेश्‍वरने चीन्ते अङ्ख्‍व क्‍यूत्‍देबे परमेश्‍वरजे बुद्धि अनुसार ङीनदे स्‍य्‍वेब सूगब खबरजे मूर्ख पोदेने विश्‍वास चेबयूने बच्‍देने परमेश्‍वरदे ठीक ठर्‌दीदे।

१ कोरिन्थी 2:8

अम्‍ब जूग्‍जे हुकुम चील्‍लेबयू सूदेये हम्‍ब पो अङ्‍को। थमयूदे कोकयलो क्रूसने खील् ठोक्‍दीदेबे महिमाजे प्रभुने अम्‍पील्‍बे ख्यङ्दे।

२ कोरिन्थी 3:14

तर थमयूजे सेम् कोङ क्यूरे ख्‍य, चेनेयलो दीनीजे दिनसेमेने थमयूदे ङीङ् करार छ्‌योप्‍प थमयूजे ज्ञान हम्‍ब त्‍वा-उपब कोलादे उप्‍न ख्यङ्, हम्‍ब उप्‍नब कोला ख्रीष्‍टने विश्‍वास चीत्‍देत्‍यामे स्‍यूप्‍पे खूइय।

२ कोरिन्थी 4:4

अम्ब संसारजे देऊता, शैतानदे विश्‍वास अन्चेबयूजे सेम्ने म्या अन्तङब मीप्र बन्द चीप्पे ख्यङ्। थमयूदे सूगब खबरजे महिमाजे ओथ्याङ् तङ अङ्‍खू। थमयूदे परमेश्‍वरजे खास रुप् ख्यब ख्रीष्‍टजे महिमाजे बारेने ख्यब अम्ब खबर क्व अङ्‍खू।

गलाती 4:8

खूम् कन्‍छ्वाब नमयूदे परमेश्‍वर‌ने अन्स्‍ये ख्‍य, हन्‍छ्वाब नमयू तम्दम्ने पूस्ते अन्क्यूरब सेयूजे त्वो-त्वोम ख्‍य।

एफिसी 2:1

नमयू रङ्सेजे अपराध मेस्‍ये पापयूजे कारणदे आत्माने सीयेब बीलने येशूदे नमयूने सोम्बो चीत्‍दे।

एफिसी 2:12

होस् ची, हम्‍ब बीलने नमयू ख्रीष्‍ट ट्‍यादे आलाक् ख्‍य। नमयू परमेश्‍वरजे सेलब जात इस्राएलप्रे सम्‍बन्‍धने त्‍वब फीदेशजे मीप्र ख्‍य। परमेश्‍वरदे बन्दीयेब कबुलजे बाचायूने नमयूजे चैत्‍याये हक त्‍व ख्‍य होर्‌दे संसारने नमयू आशा त्‍वब मेस्‍ये परमेश्‍वरने अन्स्‍येब ख्‍य।

कलस्सी 1:21

त्‍याफे नमयूजे सेम्ने अन्‍ज्‍य पोयू मन ख्‍य मेस्‍ये अन्‍ज्‍य कामयू चीक्‍क ख्‍य होरेक्‍यूत्‍देबे नमयू परमेश्‍वरप्रे चीन्‍तङ् क्‍यूत्‍दे मेस्‍ये परमेश्‍वरजे शत्रु क्‍यूक्‍क ख्‍य।

१ थेसलोनिकी 4:5

तर परमेश्‍वरने अन्‍स्‍येब विश्‍वास अन्‍चेयूप्र वेश्य काम अन्‍चील्‍लाची।

हिब्रू 5:2

हम्‍ब पात्‍ता केन् पूस्‍र्‌याये कूम पोने कमजोर ख्‍यब क्यूत्देबे अन्स्‍येब मेस्‍ये अन्‍ज्‍य लम्तेले गीलेब मीयूप्रे चीद स्यूलूक्कै क्‍यूत्‍देबे लोम-तन चेखूइय।

हिब्रू 9:7

तर नङ्‌जे पात्‍ता केन् पवित्र नेने पात्‍ता केन् पूस्‍र्‌यात्‍यामे वर्षजे त्‍याफेत्‍या नङ्ने क्‍योबीय, होरे क्‍योबब रोलायूजे का टेल्‍देबे प्रीय होरेने अन्‍क्‍योब। ङू रङ्सेदे मेस्‍ये मीयूदे चीक्‍कब पापजे लागि हम्‍ब रोलाजे का चेर्‌तीय।

याकूब 4:4

वेश्य मीयू, अम्‍ब संसारने माया चेब परमेश्‍वरजे शत्रु ख्यङ् यब पो च नमयूने था त्‍वा? येरेक्‍यूत्‍देबे सूदे संसारने माया चीत्‍तीङ् रीय हम्‍बदे रङ्सेने परमेश्‍वरजे शत्रु क्‍यूस्‍स्ये पीन्‍क्‍य।

१ पत्रुस 1:14

परमेश्‍वरजे आज्ञा मन्‍देब च-चीमीयू क्‍यूत्‍देबे खूम् अन्‍स्‍येदेबे चीक्‍कब रङ्सेजे अन्‍ज्‍य इच्‍छायूतेले जेम्‍से नमयू अम्‍प्रलाची।

१ यूहन्‍ना 2:11

तर सूदे रङ्से च्‍योन्‍ने ह्‍यल चीक्‍क्‍य, हम्‍ब मून्‍दूङ्ने क्‍यूक्‍क्‍य मेस्ये मून्‍दून्‍ने प्रीय, होर्‌दे केने प्रेन ख्यङ् यदेबे स्‍येसे त्‍वो, चेनेयलो मून्‍दूङ्दे हम्‍बने म्‍या अन्‍तङ चीक्‍कब क्‍यूक्‍क्‍य।