एफिसी 4:16 - घले नयाँ करार

¹⁶ ङूजे हक नङ्ने साप्‍ता फरक फरक अङ्गयू मील्‍लीदेबे टून ख्यङ्, मेस्‍ये पूरा ङ्व ठीक-ठीक नेने थूदेबे टून ख्यङ्। त्‍या-त्‍या अङ्गदे चेपर्‌देब काम चीत्‍दे यलो पूरा ङ्व प्रेमने ठोङ्बीय।

एफिसी 4:16 ပူးပေါင်းရင်းမြစ်များ

यूहन्‍ना 15:5

“अङ्‍गुरजे पोङ् ङ ख्यङ्, नमयू ब हाँगायू ख्यङ्। कादेये कोइ ङैप्रे क्‍यून्‍नूलो, मेस्‍ये ङ ङूप्रे क्‍यून्‍नूलो हम्‍बदे कूम फल पीन्‍क्‍य, चेनेयलो नमयू ङैप्रे आलाक् क्‍यूत्‍देबे नमयूदे चैत्‍याये चे अन्खू।

रोमी 12:4

केर्‌बे ङीन्जे ङ्व त्‍याने अङ्गयू कूम ख्यङ्, तर हम्‍ब अङ्गयू टक्कजेने काम त्‍याप्र अन्‍क्‍यूर,

१ कोरिन्थी 10:17

क्‍यङ् तीत्‍यात्‍या ख्यङ्, येरेक्‍यूत्‍देबे ङीन कूम क्‍यूल्‍लीने ङ्व त्‍या ख्यङ्, चेनेयलो ङीन क्‍वाने हम्ब तीत्‍यात्‍या क्‍यङ् कोत्‍देबे चीय।

१ कोरिन्थी 13:13

होर्‌दे अम्‍ब पो सोम्-विश्‍वास, आशा मेस्‍ये प्रेम, येतार्‌ने टूनीय। तर अम्‍ब नङ्ने पाता केन्ब प्रेम ख्यङ्।

१ कोरिन्थी 8:1

जेम्‍से ङ मुर्तिने चेर्‌दीयेब चसेजे बारेने यीय, ङीन क्‍वाप्रेने ज्ञान ख्यङ् यदेबे ङीनदे स्‍येख्यङ्। ज्ञानदे केन् त्‍वे चीक्क्य, तर प्रेमदे उन्‍नती चीस्स्ये पीन्‍क्‍य।

गलाती 5:22

तर पवित्र आत्मादे पीनब फल अम्‍ब ख्यङ्- प्रेम, आनन्द, शान्‍ति, सैदीदेबे टूनख्‍वब, ङ्येमब सेम्, भलो चेब, भर् पर्‌ते ख्‍वब,

गलाती 5:6

खतना चीक्‍कब मीप्रे अन्चीक्‍कब मीजे ख्रीष्‍ट येशूप्रे चै नताये अन्‍क्‍यूर्। तर पोत्‍याजेत्‍या अर्थ ख्यङ् हम्‍ब च ख्यङ् यलो माया चीत्देबे काम फरब विश्‍वास ख्यङ्।

एफिसी 1:4

संसार सृष्‍टि क्‍यूरयली खूम्‍देमेस्‍येने परमेश्‍वरदे ख्रीष्‍टने क्यूत्देबे ङीनने प्रेम चीत्दे मेस्ये ङूजे खूम्ने पवित्र मेस्‍ये चैत्‍याये दोष त्‍वब क्यूरने सेल्‍दे।

एफिसी 3:17

मेस्‍ये विश्‍वासदे चीत्देबे ख्रीष्‍ट नमयूजे सेम्ने बास चीस्स्‍य, मेस्‍ये प्रेम चीत्‍देबे छ चोदेबे दोरो क्‍यूरने,

एफिसी 3:7

ङूजे शक्तिजे काम अनुसार ङैने पीनब परमेश्‍वरजे हम्‍ब अनुग्रहजे बर अनुसार अम्‍ब सूगब खबरजे सेवा चेब मी ङ क्‍यूक्‍क ख्‍य।

एफिसी 4:12

थमयूजे जिम्माब परमेश्‍वरजे पवित्र मीयूने ख्रीष्‍टजे काम चेख्‍वाब चेने मेस्‍ये ङूजे ङ्व मण्डलीजे उन्‍नती चेजे लागि ख्यङ्।

एफिसी 4:15

बरू प्रेमने टुङ्देबे सत्य क्‍यम्‍देबे साप्‍ता पोने ङूप्रने या ख्रीष्‍टप्र क्‍यूप्‍प पर्‌तीय, ख्रीष्‍टब ङीनजे ट ख्यङ्।

फिलिप्पी 1:9

ज्ञान मेस्‍ये ज्‍य अन्‍ज्‍य चेलाबे सेल ख्‍वब बुद्धिने नमयूजे प्रेम थेप् थेप् क्‍यूप्‍पीनूस्‍य यदेबे ङ प्रार्थना चीन्‍न ख्यङ्,

कलस्सी 2:19

येरमीयू ख्रीष्‍ट या टप्रे अन्‍थूनूलाबे आलाक् क्‍यूत्देबे टूङ ख्यङ्। ख्रीष्‍टजे पोस् प्रेत्‍देबे जोर्‌न्‍या मेस्ये छयू ङ्वत्‍या चेने थूनीय, मेस्‍ये हम्‍ब ङ्व टक्कने परमेश्‍वरजे इच्छा अनुसार‌ ठोङ्बीय।

कलस्सी 2:2

थमयूदे आँट प्रेस्स्य मेस्ये प्रेमने त्‍या क्यूत्देबे थून्‍नूस्य यदेबे ङैदे येरे चे ख्यङ्, होरे क्यूप्प थमयूदे चेलाबे क्‍व ख्‍वब ज्ञानजे सम्पत्ति प्रेक्क्य होर्‌दे परमेश्‍वरजे क्‍व अङ्ख्‍वब नङ्सू योजना या ख्रीष्‍टने पूरा स्ये ख्वब क्यूक्क्य।

१ थेसलोनिकी 1:3

ङीनजे परमेश्‍वर पजे खूम्‍ने प्रभु येशू ख्रीष्‍टने क्‍यूत्‍देबे विश्‍वासने नमयूदे चेब काम, प्रेमदे चेब छेम्‍प्रे होर्‌दे आशा चीत्‍देबे धेरेन् क्‍यून्‍नब येतार्‌ने ह्‍वेचीन्‍न ख्यङ्।

१ थेसलोनिकी 2:13

येरेक्‍यूत्‍देबे हम्‍बजे लागि ङीये येतार्‌ने परमेश्‍वरने धन्‍यवाद पीन्क्‍य, चेनेयलो ङीयूदे स्‍य्वेत्‍देबे नमयूदे ङ्‍यीनब वचन तम्दम्ने परमेश्‍वरजे वचन ख्यङ्, अम्‍ब नमयूदे मीजे वचन प्र दी, तर परमेश्‍वरजे वचनप्रने मन्‍दीदे, हम्‍ब वचनदे नम-विश्‍वासीयूने काम चीक्क्य।

१ थेसलोनिकी 3:12

ङीदे केर्‌बे नमयूने प्रेम चीत्‍दे, होर्‌प्रेने प्रभुदे नमयूने त्‍यादे त्‍याप्रे मेस्‍ये मीयू क्‍वाप्रेने बेस्‍से प्रेम चे ख्‍वब बन्‍दीस्‍य,

२ थेसलोनिकी 1:3

अत-अची च्योन्‌यू, नमयूजे विश्‍वास कूमने बढ्दीन ख्यङ्। त्‍यादे-सूजोने झन् थेप्थेप् प्रेम चीन्‍न ख्यङ्। अम्‍ब कारणदे नमयूजे बारेने येतार्‌ने ङीदे परमेश्‍वरने धन्‍यवाद पीनने पर्‌देख्यङ्।

१ तिमोथी 1:5

अम्‍ब आज्ञाजे मूल पो प्रेम ख्यङ्, हम्‍ब शुद्ध सेम्, ज्‍य विवेक मेस्ये तम्दम् विश्‍वासदे योङ्‍रीय।

१ पत्रुस 1:22

जेम्से नमयूदे परमेश्‍वरजे सत्य पो मन्‍दे ख्यङ् मेस्‍ये रङ्सेने शुद्ध चीत्‍देबे रङ्से अत-अची-च्योन्‌यूने चोखो माया ची, मेस्‍ये सेम्-नङ्देमेस्‍येने त्‍यादे-त्‍याने बेस्‍से कूम माया ची।

१ यूहन्‍ना 4:16

परमेश्‍वरदे ङीनने चेब प्रेम ङीनदे येर्‌बे था प्रेक्‍क्‍य मेस्‍ये विश्‍वास चीक्‍क्‍य। परमेश्‍वर प्रेम ख्यङ्, प्रेमने टूनब मी परमेश्‍वरप्रे टूङ्क्य, मेस्ये परमेश्‍वर हम्‍बप्रे टूङ्क्य।