एफिसी 4:15 - घले नयाँ करार

¹⁵ बरू प्रेमने टुङ्देबे सत्य क्‍यम्‍देबे साप्‍ता पोने ङूप्रने या ख्रीष्‍टप्र क्‍यूप्‍प पर्‌तीय, ख्रीष्‍टब ङीनजे ट ख्यङ्।

एफिसी 4:15 ပူးပေါင်းရင်းမြစ်များ

यूहन्‍ना 1:47

येशूदे नथानेल रङ्से ट्‍याने रेनब तङ्देबे ङूजे बारेने यदे, “पक्‍क इस्राएलजे मीत्‍या ख्यङ्, ङूजे सेम्‍ने छलकपट त्‍वो।”

रोमी 12:9

नमयूदे ज्‍य सेम्‍दे प्रेम ची। कम्‍ब पो अन्‍ज्‍य ख्यङ्, हम्‍ब पो क्यापी। कम्‍ब पो ज्‍य ख्यङ्, हम्‍बने लादीनू।

१ कोरिन्थी 11:3

तर ख्रीष्‍ट मीयू क्‍वाजे ट ख्यङ्, मदीजे ट ङूजे पती ख्यङ्, होर्‌दे परमेश्‍वर ख्रीष्‍टजे ट ख्यङ् यब पो नमयूदे स्‍येस्‍य यदेबे ङ सेम् चीक्‍क्‍य।

२ कोरिन्थी 4:2

त्‍वा पर्‌तेब काम मेस्‍ये छ्‌यूप्‍देबे चेब अन्‍ज्‍य कामयू क्‍वाने ङीदे क्यापीक ख्यङ्। ङी तीप्‍लीङ्-छोप्‍लीङ् चेब काम अन्‍ची, परमेश्‍वरजे वचनने अदल-बदल अन्‍ची। तर परमेश्‍वरजे खूम्ने तम्दम् पो क्‍यम्‍क्‍य, मेस्ये भरपर्‌ते खल्‍जे मीयू क्वादेने अम्ब पो स्येय।

२ कोरिन्थी 8:8

ङैदे अम्‍ब आज्ञा पीन दी, तर सूजो मीयूप्रे नमयूजे जोस् कर्‌देबे लेप्प नमयूजे प्रेमये तम्दम् ख्यङ् यदेबे प्रमाण पीनने ङैदे अम्‍ब य ख्यङ्।

एफिसी 1:22

परमेश्‍वरदे साप्‍ता पोने ख्रीष्‍टजे तोप् नङ्ने हीम्‍मीदे, मेस्‍ये मण्डलीजे लागि ङूनेने साप्‍ता पोजे ट चीम्मीदे,

एफिसी 1:4

संसार सृष्‍टि क्‍यूरयली खूम्‍देमेस्‍येने परमेश्‍वरदे ख्रीष्‍टने क्यूत्देबे ङीनने प्रेम चीत्दे मेस्ये ङूजे खूम्ने पवित्र मेस्‍ये चैत्‍याये दोष त्‍वब क्यूरने सेल्‍दे।

एफिसी 2:21

पूरा कीम् ङूने क्‍यूत्‍देबे चेलाबे नेत्‍याने थूदेबे प्रभुने पवित्र मन्दिर त्‍या क्‍यूरने ठोङ्बीय।

एफिसी 4:25

येरेक्‍यूत्‍देबे लूच्‍च क्‍यमब क्यापीदेबे क्‍वादेने रङ्से रङ्से खीम्‍चेप्रे तम्दम् क्‍यम्, चेनेयलो ङीन ख्रीष्‍टजे ङ्वजे अङ्गयू ख्यङ्।

एफिसी 5:23

चेनेयलो मजजे ट प्‍ल्‍यङ् ख्यङ्, केर्‌बे ख्रीष्‍ट मण्डलीजे ट ख्यङ्, मेस्‍ये येशू रङ्सेने मण्डलीजे मुक्ति पीनब ख्यङ्।

१ पत्रुस 1:22

जेम्से नमयूदे परमेश्‍वरजे सत्य पो मन्‍दे ख्यङ् मेस्‍ये रङ्सेने शुद्ध चीत्‍देबे रङ्से अत-अची-च्योन्‌यूने चोखो माया ची, मेस्‍ये सेम्-नङ्देमेस्‍येने त्‍यादे-त्‍याने बेस्‍से कूम माया ची।

१ पत्रुस 2:2

चूजोकेला प्रेब पीचयूप्र शुद्ध आत्माजे ङ्‍यलमजे तीर्‌सन ची, मेस्‍ये हम्‍ब तीर्‌सन चीत्‍देबे नमयू रङ्सेदे प्रेब मुक्तिने ठोङ्बीन खूइय।

२ पत्रुस 3:18

तर ङीन्‍जे प्रभु मेस्‍ये मुक्ति पीनब येशू ख्रीष्‍टजे अनुग्रह मेस्‍ये ज्ञानने नमयू थेप् बोल्यो क्‍यूप्‍पीनू। चूजो मेस्‍ये येतार्‌ने प्रभुजे महिमा क्‍यूस्‍स्‍य। आमेन।

१ यूहन्‍ना 3:18

ङैजे पीच चीदयू, ङीन वचन मेस्ये ङूर्‌देत्‍या प्रेम अन्‍चील्‍लाचीदे, तर त्‍यादे त्‍याने साक्‍तीमेब काम चीदे मेस्‍ये तम्दम् प्रेम चीदे।