एफिसी 4:13 - घले नयाँ करार

¹³ येर्‌बे अम्‍ब बरयूजे कामयूदे ङीनने विश्‍वासजे मेस्ये परमेश्‍वरजे चजे ज्ञानने त्या क्यूर प्रेजे लागि तोङ्मीय, मेस्‍ये तीया ङीन पाको मी क्‍यूत्देबे ख्रीष्‍टजे पूरा नापसेमे फ्योबी‍य।

एफिसी 4:13 ပူးပေါင်းရင်းမြစ်များ

मत्ती 11:27

“ङैजे पदे साप्‍ताकूरूने ङैने जिम्मा पीने ख्यङ्। पदेत्‍या रङ्से च कर ख्‍य यदेबे स्‍ये ख्यङ् सूजो सूदेये अन्‍स्‍ये मेस्‍ये चदेत्‍या प स्‍ये ख्यङ् सूजो सूदेये अन्‍स्‍ये। होर्‌दे चदे प कर ख्य यदेब सूने स्‍येला चीम्‍मेब सेम् चीक्क्य थमयूदेत्‍या स्‍येय।

यूहन्‍ना 1:16

ङूजे मोक्‍तो अनुग्रहदे ङीन क्वादेने सोरो कूम अनुग्रह प्रेन्‍न ख्यङ्।

यूहन्‍ना 16:3

थमयूदे येर काम चीक्‍क्‍य, चेनेयलो थमयूदे पने अन्‍स्‍ये, मेस्‍ये ङैनेये अन्‍स्‍ये।

यूहन्‍ना 17:21

होर्‌दे थमयू क्‍वाने त्‍या क्‍यूस्‍स्‍य। ओ पाइ, न केर्‌बे ङैप्रे ख्यङ्, मेस्‍ये ङैये नैप्रे ख्यङ्, होरप्रने थमयूये ङीनप्रे क्यूस्स्य, मेस्‍ये नदे ङैने कूल्‍बे ख्यङ् यदेबे संसारदे विश्‍वास चीस्‍स्‍य।

यूहन्‍ना 17:3

जेम्‍से कलङ्बेये अन्सीबब जीया अम्‍ब ख्यङ्, यी थमयूदे न, तीत्‍यात्‍या सत्य परमेश्‍वरने स्‍येस्‍य, मेस्‍ये नदे कूल्‍बेब येशू ख्रीष्‍टने स्‍येस्‍य।

यूहन्‍ना 6:69

मेस्‍ये परमेश्‍वरदे कूल्‍बेब पवित्र मी नने ख्यङ् यदेबे ङीदे विश्‍वास चे ख्यङ् मेस्ये स्ये ख्यङ्।”

मूल स्यूस्स्यायूजे कामजे किताब 4:32

विश्‍वास चेब मीहुल क्वाने सेम्-‍लो त्‍या क्‍यूर ख्‍य, मेस्ये थमयू सूदेये रङ्से सीर-सम्पत्तिजे चै थोक‍ये अम्‍ब ङैजेन अन्‌-य ख्‍य, तर थमयूजे साप्‍ता थोक कोमस ख्‍य।

१ कोरिन्थी 1:10

अत-अची च्योन्‌यू ङीन्जे प्रभु येशू ख्रीष्‍टजे मीन्‍ने ङ नमयूने बिन्‍ती चीक्क्‍य, नमयू क्‍वाने सेम्त्‍या क्‍यूर्‌, मेस्‍ये नमयूजे अन्‍द्रने अन्‍थून अन्क्यूस्स्य। तर नमयूजे सेम्‍प्रे विचारयू त्‍या क्‍यूस्‍स्‍य।

१ कोरिन्थी 14:20

अत-अची च्योन्‌यू, पीचजेप्र सेम् अन्‍टेल्‍लाची। अन्‍ज्‍य काम अन्‍स्‍येब पीचप्र क्‍यूर्‌, तर पाको मीजेप्र विचार ची।

१ कोरिन्थी 2:6

होरेक्‍यूल्‍लीने ख्रीष्‍टने विश्‍वास चीत्‍देबे पाको क्‍यूरेब मीयूजे अन्‍द्रने ङी बुद्धिजे प्रचार चीक्क्य, तर हम्‍ब बुद्धि अम्‍ब जूग्‍जे मेस्‍ये अम्‍ब जूग्‍जे हुकुम चील्‍लेबयूजे नाश क्‍यूत्‍देबे प्रब बुद्धिप्रये दी।

२ कोरिन्थी 4:6

“मून्‍दूङ् नङ्दे ओथ्याङ् क्‍यूस्‍स्‍य” यदेबे परमेश्‍वरदे य ख्यङ्। हम्ब परमेश्‍वरदे येशू ख्रीष्‍टजे त्‍वाने तङब परमेश्‍वरजे महिमा ङीनदे स्ये खूस्य यदेबे ङीनजे सेम्ने अम्ब ओथ्याङ् चेम्कीतीमे ख्यङ्।

गलाती 4:19

ङैजे छेब पीच चीदयू, नमयूने ख्रीष्‍टजेप्र स्वभाव अन्‍क्‍यूत्‍दासेमे पीच प्रेमेल्‍नब मदीने नप्रने फेरि ङैने सकस् क्यून्‍न ख्यङ्।

एफिसी 1:17

ङ प्रार्थना चीन्‍नीय, ङीनजे प्रभु येशू ख्रीष्‍टजे परमेश्‍वर, महिमाजे पदे नमयूने परमेश्‍वरजे बारेने था प्रेब बुद्धि मेस्‍ये तङख्‍वब आत्मा पीन्स्‍य।

एफिसी 1:23

हम्‍ब मण्डली ख्रीष्‍टजे ङ्व ख्यङ्। मेस्ये ख्रीष्‍टब परमेश्‍वरजे साप्‍ता पोदेने भरीपूर्‌न ख्यङ्।

एफिसी 2:15

मेस्‍ये ङूदे मोशाजे नियमने मेस्ये हम्‍बजे आज्ञायू मेस्‍ये धर्मजे-छ्‌याप्‍यूप्रेने रङ्से ङ्वने खारेज चीत्दे, यी अम्‍ब यहूदीप्रे यहूदी तेब ङ्हीजे सट्‍टने ङू रङ्सेने क्‍यूत्‍देबे मी सर् त्‍या क्यूस्स्‍य, मेस्‍ये येर्‌बे शान्ति क्‍यूस्‍स्य।

एफिसी 4:12

थमयूजे जिम्माब परमेश्‍वरजे पवित्र मीयूने ख्रीष्‍टजे काम चेख्‍वाब चेने मेस्‍ये ङूजे ङ्व मण्डलीजे उन्‍नती चेजे लागि ख्यङ्।

एफिसी 4:3

शान्तिजे बन्‍धन्‍ने पवित्र आत्माने त्याने क्‍यून्‍नजे लागि बोङ् ची।

एफिसी 4:5

प्रभुये त्‍या, विश्‍वासये त्‍याने मेस्‍ये बप्‍तिस्माये तीत्‍याने ख्यङ्।

फिलिप्पी 3:10

ङैदे ख्रीष्‍टने मेस्‍ये ङूने सीइदेबे फेरि सोम्‍बो क्‍यूरब शक्तिने चेलाबे स्‍ये खूस्‍य। ङ ङूजे दु:खने सामेल् क्यूत्देबे ङू सीयेब बीलसेमेने ङ ख्रीष्‍टप्रने क्यूत्दीङ् र ख्यङ्।

फिलिप्पी 3:8

अन्छूत्यात्या दी, ख्रीष्‍ट येशू ङैजे प्रभुने स्‍ये प्रेब सोरो फत्‍या केन् पोप्रे कर्‌देयलो सूजो पोयू क्‍वाने हानी क्‍यूर टोङ् यदेबे ङ मन्‍क्‍य। ङैदे येशू ख्रीष्‍टने प्रेखूस्‍य यदेबे साप्‍ताकूरूने पोङ्ये ख्यङ् मेस्‍ये अम्‍बयू क्‍वाने छाबेब फोहोर-मैलाप्रत्‍या ख्यङ् यदेबे मन्‍क्‍य,

कलस्सी 1:28

ख्रीष्‍टने मीयू क्‍वाने पाको चीत्‍देबे परमेश्‍वरजे खूम्‍ने तम्‍मेखूस्‍य यदेबे मीयू क्‍वानेने बोङ्बे आर्‌तीदेबे, मेस्‍ये पूरा बुद्धिने लोम्‍मीलीम् चीत्‍देबे ख्रीष्‍टजे पोयू ङी बोङ्बे स्‍योक्‍क्‍य।

कलस्सी 2:2

थमयूदे आँट प्रेस्स्य मेस्ये प्रेमने त्‍या क्यूत्देबे थून्‍नूस्य यदेबे ङैदे येरे चे ख्यङ्, होरे क्यूप्प थमयूदे चेलाबे क्‍व ख्‍वब ज्ञानजे सम्पत्ति प्रेक्क्य होर्‌दे परमेश्‍वरजे क्‍व अङ्ख्‍वब नङ्सू योजना या ख्रीष्‍टने पूरा स्ये ख्वब क्यूक्क्य।

हिब्रू 5:14

क्‍योङ चसेब ता-मीयूजे लागि ख्यङ्। येर मीयूजे दीमागदे येतार्‌ने ज्‍यप्रे अन्‍ज्‍य छूर्‌ते ख्‍वब तालिम प्रेक्‍कब क्‍यूक्‍क्‍य।

२ पत्रुस 1:4

येरेक्‍यूत्‍देबे ङूदे ङीनने पात्‍ता केन् मेस्‍ये सोरो ज्‍य कबुल पीने ख्यङ्, चेनेयलो अम्‍ब संसारजे अन्ज्य इच्छायूदे चीत्‍देबे योङ्‍रब अन्‍ज्‍य विचारयू क्यापीदेबे नमयू परमेश्‍वरजे स्वभाव टेल्देबे जीया च।

२ पत्रुस 3:18

तर ङीन्‍जे प्रभु मेस्‍ये मुक्ति पीनब येशू ख्रीष्‍टजे अनुग्रह मेस्‍ये ज्ञानने नमयू थेप् बोल्यो क्‍यूप्‍पीनू। चूजो मेस्‍ये येतार्‌ने प्रभुजे महिमा क्‍यूस्‍स्‍य। आमेन।

१ यूहन्‍ना 5:20

परमेश्‍वरजे च रेक ख्यङ् यदेबे ङीनने था ख्यङ्, मेस्ये सत्य परमेश्‍वरने स्‍ये खूस्‍य यदेबे ङूदे ङीनने ज्ञान पीन ख्यङ्। ङी ङूजे च येशू ख्रीष्‍टप्रे क्यूत्देबे सत्य परमेश्‍वरप्रे ख्यङ्। ङू सत्य परमेश्‍वर मेस्‍ये कलङ्बेये अन्सीबब जीया ख्यङ्।