एफिसी 4:11 - घले नयाँ करार

¹¹ होर्‌दे ङूजे बरयू अम्‍बने ख्यङ्, कोइ मूल स्यूस्स्यायू, कोइब अगमवक्तायू, कोइ परमेश्‍वरजे सूगब खबर स्‍य्‍वेब मीयू, कोइ पास्टरयू मेस्‍ये कोइ छ्‍योम्‍मेब मीयू क्‍यूस्‍स्‍य।

एफिसी 4:11 ပူးပေါင်းရင်းမြစ်များ

मत्ती 28:20

ङैदे नमयूने आज्ञा चीतेब पोयू टक्कने थमयूने मन्‍देने लोम्मी। होर्‌दे ले, ङ येतार्‌ने, संसारजे आखिरीसेमेने नमयूप्रे क्यूक्‍क्य।”

मूल स्यूस्स्यायूजे कामजे किताब 13:1

एन्टिओखियाजे मण्डलीने अगमवक्तायू मेस्‍ये छ्‍योम्मेब मीयू, या बारनाबास, काला मीन् ख्यब शिमियोन, कुरेनीजे लुकियस, प्रान्तजे हक चील्लेब हेरोदप्रे छरकब मनेन मेस्ये शाऊल ख्‍य।

मूल स्यूस्स्यायूजे कामजे किताब 20:28

नमयूजे लागि मेस्‍ये रङ्से बगलजे लागि होस्स्यार क्‍यूत्देबे टूङ्। पवित्र आत्मादे नमयूने बगलजे जिम्मा प्‍लेब मी बन्‍देब कारण ङूदे रङ्सेजे कादे कीनब परमेश्‍वरजे मण्डलीजे स्याहार नमयूदे चीदो।

मूल स्यूस्स्यायूजे कामजे किताब 21:8

नैदेरेदे ङी बीदा क्‍यूत्‍देबे कैसरियाने रदे, मेस्‍ये प्रचार चेब फिलिपजे कीम्‍ने टूङ्दे। ङू हम्ब मी ङ्यी नङ्जे त्‍या ख्‍य, मेस्‍ये ङी ङूप्रे टूङ्दे।

रोमी 12:7

सेवा चेब क्‍वादेने चेलाबे सेवा चीदे, परमेश्‍वरजे पो लोम्‍मे ख्‍वबदे चेलाबे लोम्‍मीस्‍य।

१ कोरिन्थी 12:4

पवित्र आत्मादे पीनब बरयू कूम थर्‌जे ख्यङ्, तर पवित्र आत्मा तीत्‍यात्‍या ख्यङ्।

एफिसी 2:20

हम्‍ब कीम्-म्हीतीब मूल स्यूस्स्यायू मेस्‍ये अगमवक्तायूजे जा-फ्‍याने चोदेबे बन्‍दे ख्यङ्, मेस्‍ये मूख्‍य सूर्-लूङ्ब ख्रीष्‍ट येशू रङ्सेने ख्यङ्।

एफिसी 3:5

हम्‍ब खूम पुस्ताजे मीयूने था अम्‍पीन ख्‍य, दीनी अम्‍ब पो ङूजे पवित्र मूल स्यूस्स्या मेस्‍ये अगमवक्तायूने पवित्र आत्मादे तम्‍मे ख्यङ्।

एफिसी 4:8

येरेक्‍यूत्‍देबे धर्मशास्‍त्रने येरे येये ख्यङ्: “ङू तो स्‍वर्गने गीलीब ङूदे कैदीयूने चुङ्देबे कूदीदे मेस्‍ये मीयूने बरयू पीन्‍दे।”

२ तिमोथी 4:5

तर साप्‍ता पोने न बोल्‍यो क्‍यूरो। छरङ् सैदी, वचन स्‍य्‍वेब काम ची, नदे चे पर्‌देब सेवाजे काम पूरा ची।

हिब्रू 5:12

चेनेयलो अन्‍छ्वा दिनसेमेब नमयूदे सूजोयूने लोम्‍मे ख्‍वब क्‍यूक्‍क पर्‌ते ख्‍य, तर दीनीसेमेने कोइ मीदे नमयूने पर्‌मेश्‍वरजे सुरु-सुरुजे शिक्षायू लोम्‍मे पर्‌ते ख्यङ्। नमयूने क्‍योङ चसे दी, तर ङ्यलम् तूप्‍न पर्‌तेब पीचयूप्र ख्यङ्।

यहूदा 1:17

तर ङैजे छेब ख्योन्‌यू, नमयूब ङीनजे प्रभू येशू ख्रीष्‍टजे मूल स्यूस्स्यायूदे खूम्‍ने येयेब पोयू ह्‍वे ची।

प्रकाश 18:20

स्वर्गने टूङबयू क्‍वाने सूग्, चेनेयलो परमेश्‍वरदे हम्‍ब सहरजे नाश चे ख्यङ्! परमेश्‍वरजे पवित्र मीयू, मूल स्यूस्स्यायू मेस्‍ये अगमवक्तायू, नमयू फ्‍याने चेब अन्-न्यायजे लागि परमेश्‍वरदे ङूने दण्ड पीन ख्यङ्।”

प्रकाश 21:14

हम्‍ब सहरने ख्‍यब पङ्‍रीजे जा बाह्र ओटा ख्‍य। हम्‍ब जायू-फ्‍याने थुमाजे मूल स्यूस्स्यायू त्‍या-त्‍याजे मीन् लिख्दीये ख्‍य।