एफिसी 4:10 - घले नयाँ करार

¹⁰ येशू मो-तल्‍रदे ङू स्‍वर्गयूयलीने थेप् तो गीलीदे, येरे साप्‍ता थोक‍ने ङूदे भरीपूर्‌न चेखूस्य।)

एफिसी 4:10 ပူးပေါင်းရင်းမြစ်များ

मत्ती 24:34

तम्दम्‍ने, ङ नमयूने यीय, अम्‍ब पोयू क्वाने पूरा अन्क्‍यूत्‍दासेमे अम्‍ब पुस्ता अन्जेन्क।

लूका 24:44

येशूदे थमयूने यदे, “नमयूप्रे ख्यङ्ब ङैदे यब वचनयू अम्‍ब ने ख्यङ्, या मोशाजे नियम, अगमवक्ता मेस्‍ये भजनजे किताबने ङैजे बारेने लिख्दीयेब पोयू क्वाने पूरा क्‍यूरने पर्‌दीय।”

यूहन्‍ना 1:16

ङूजे मोक्‍तो अनुग्रहदे ङीन क्वादेने सोरो कूम अनुग्रह प्रेन्‍न ख्यङ्।

यूहन्‍ना 19:24

होरेक्‍यूत्‍देबे थमयू त्‍यादे त्‍याने यदे, “अम्‍ब कोला अम्-‍प्र्याङ्ला चीदे, तर अम्‍ब सूजे क्‍यूक्‍क्‍य यदेबे चीट्ठा थाये।” धर्मशास्त्रने लिख्दीयेब पो पूरा क्‍यूरने अम्‍ब क्‍यूर ख्‍य: थमयूदे ङैजे कोला रङ्से रङ्सेने कोत्‍दे, मेस्‍ये ह्‍वेब फीजे कोलाजे लागि चीट्ठा थादे।”

यूहन्‍ना 19:28

होर्‌‍देङ्‍येदे येशूदे साप्‍ता पो जेम्से जेङ्‍कब था प्रेत्‍देबे धर्मशास्त्रने लिख्दीयेब पो पूरा क्यूस्से पीनने यदे “ङ क्‍यू फै क्‍यूरी।”

यूहन्‍ना 19:36

“ङूजे नोङ्‍र्‌यायू कम्बये अन्क्‍य्‍वे” यब धर्मशास्त्रजे वचन पूरा क्‍यूस्‍स्‍य यदेबे येरे क्‍यूत्‍दे।

मूल स्यूस्स्यायूजे कामजे किताब 1:11

थमयूदे यदे, “गालीलजे मीयू, नमयू चेने मेर्‌देबे मूतेले लेन्‍न? अम्‍ब येशू, ङू नमयूजे ट्‌यादे स्वर्गने कूते ख्यङ्, चूजो केर्‌बे नमयूदे ङूने स्वर्गने गीलेब तङ्दे, होरप्रने ङू फेरि रीय।”

मूल स्यूस्स्यायूजे कामजे किताब 1:9

ङूदे अम्‍ब पो यजेनङ्‍येदे, थमयूदे लेलेने येशू त्‍वो लङ्‍गीदी, मेस्‍ये मूक्‍पने ङू थमयूजे खूम्देने मैली।

मूल स्यूस्स्यायूजे कामजे किताब 2:33

अम्‍ब कारणदे परमेश्‍वरजे स्येत्‍देयोर्‌दे येशू केन् चीत्‍देबे टूङ्स्ये पीन्‍दे, मेस्‍ये रङ्सेजे कबुल अनुसार ङूने पवित्र आत्मा पीन्‍दे। हम्‍ब पवित्र आत्मा प्रभु येशूदे चूजो ङीन फ्‍याने फम्‍मे ख्यङ्, अम्‍ब नमयूदे चूजो ङ्यीन्‍न ख्यङ् मेस्‍ये तङ्न ख्यङ्।

मूल स्यूस्स्यायूजे कामजे किताब 3:18

ङूजे ख्रीष्‍टदे छरङ् भोग्‍दे पर्‌दीय यदेबे परमेश्‍वरदे, अगमवक्तायूजे ङूर्‌दे यब पो येर्‌बे पूरा चीत्‍दे।

२ कोरिन्थी 12:2

ख्रीष्‍टने विश्‍वास चेब मीत्‍याने ङैदे स्‍ये ख्यङ्, परमेश्‍वरदे हम्‍ब मीने चौध वर्षखूम् पात्‍ता फ्‍याब स्वर्गसेमे चूङ्देबे कूदीदे। ङू अम्‍ब ङ्वसजने कूदीदे या ङ्वने ते कूदीदे, हम्‍ब ङैदे अन्‍स्‍ये, परमेश्‍वरदेत्‍या स्‍ये ख्यङ्।

एफिसी 3:19

ज्ञानदे मेल अन्ख्‍वब हम्ब प्रेमने नमयूदे था प्रे खूस्‍य, होर्‌दे परमेश्‍वरजे प्रेमदे नमयूने भरीपूर्‌न क्‍यूर खूस्‍य।

कलस्सी 1:19

चेनेयलो परमेश्‍वरजे साप्‍ता स्वभाव‍यू ख्रीष्‍टने क्‍यून्‍नब तङ्देबे परमेश्‍वर सोरो सूग्‍दे,

कलस्सी 2:9

चेनेयलो परमेश्‍वरने ख्‍यब गुणयू क्‍वाने ख्रीष्‍टजे ङ्वने टून ख्यङ्।

१ तिमोथी 3:16

ङी मन्‍दीय, ङीनजे विश्‍वासजे नङ्सू क्‍व अन्‍ख्‍वब पो सोरो फत्‍या केन् ख्यङ्: ङू रङ्सेने ङ्वजे रुप्‍ने तङ्‍रदे, पवित्र आत्मादे धर्मी ठर्‌दीदे, स्वर्गदूतयूदे ङूने तङ्दे, देश देशने ङूजे प्रचार क्‍यूत्‍दे, संसार भरीने मीयूदे ङूने विश्‍वास चीत्‍दे, होर्‌दे ङू महिमाने तो स्वर्गने लङ्‍कीदे।

हिब्रू 4:14

स्‍वर्गने गीलेब परमेश्‍वरजे च येशू ङीनजे पात्‍ता केन् पूस्‍र्‌या ख्यङ्, होरेक्‍यूत्‍देबे ङीनदे चीन्‍नब अम्‍ब विश्‍वासने थेप् बोल्यो क्‍यूत्‍देबे टूङ पर्‌तीय।

हिब्रू 7:26

चेनेयलो ङीनजे लागि पवित्र, दोष त्‍वब, चैये खोट् त्‍वब, पाप त्‍वब, मेस्‍ये पात्‍ता फ्‍या स्‍वर्गने लङ्‍केब पात्‍ता नङ्ने केन् येर पूस्‍र्‌या त्‍या क्‍यूर पर्‌ते ख्यङ्।

हिब्रू 8:1

जेम्‍से ङीदे यमेब पो अम्‍बने ख्यङ्: ङीनजे येर पात्‍ता केन् पूस्‍र्‌या ख्यङ्, ङूब स्वर्गने टूङब पात्‍ता केन् परमेश्‍वजे सिंहासनजे स्येत्‍देयोर्‌ने देन् छ्‌यान ख्यङ्।