एफिसी 3:9 - घले नयाँ करार

⁹ साप्‍ता कूरू बन्‍देब परमेश्‍वरने जूग्-‍जूग्‍मेस्‍येने फूदेबे हीदेब नङ्सू पो च ख्‍य, हम्‍ब मीयू क्वानेने स्‍य्‍वेब अनुग्रह ङैने पीन्‍दे,

एफिसी 3:9 ပူးပေါင်းရင်းမြစ်များ

मत्ती 10:27

ङैदे नमयूने मून्दूङ्ने च यीय, हम्‍ब नमयूदे ओथ्याङ्ने येबी, मेस्‍ये नमयूजे ङ्यलम् नदे च तैय, हम्‍ब कीम्जे धूरीयूदे उर्‌ती प्वी।

मत्ती 13:35

अगमवक्तादे येरे येयेब वचन पूरा क्‍यूत्‍दे: “ङ उखानयू पूत्‍देबे क्‍यम्‍क्‍य, मेस्‍ये संसार बन्‍देब बीलदे छोमेस्‍येजे नङ्सू पोयू यीय।”

मत्ती 25:34

“होर्‌दे मूरुम्दे रङ्सेजे स्येत्‍तेयोर् टूङब मीयूने यीय, ‘ख, ङैजे पजे असी प्रेब मीयू! संसारजे सुरुमेस्‍येने नमयूजे लागि तयार चीत्‍दे हीतेब राज्‍यने रदेबे टूङ्‍ख,

मत्ती 28:19

येरेक्‍यूत्‍देबे प्र, मेस्‍ये देश देशजे मीयूने स्यूस्स्या बन्‍दी, परमेश्‍वर, च मेस्‍ये पवित्र आत्माजे मीन्‍ने थमयूने बप्‍तिस्मा पीन्,

लूका 24:47

होर्‌दे यरूशलेमदेमेस्‍ये सुरु चीत्‍देबे साप्‍ता थर्‌जे मीयूने ख्रीष्‍टजे मीन्‍ने पश्‍चाताप मेस्ये पाप क्षमाजे प्रचार क्‍यूर पर्‌दीय।

यूहन्‍ना 10:30

प प्रे ङ त्‍या ख्यङ्।”

यूहन्‍ना 5:17

होर्‌दे येशूदे थमयूने यदे, “ङैजे पदे चूजोसेमेने काम फर्‌न ख्यङ्, होर्‌दे ङैये काम फर्‌न ख्यङ्।”

यूहन्‍ना 5:19

येशूदे थमयूने यदे, “तम्दम्‍ने ङ नमयूने यीय, च रङ्सेदेने चैये चे अन्खू, तर पदे च चेब तङ्‍क्य हम्‍बत्‍यामे चीक्‍क्‍य, चेनेयलो पदे च चीक्‍क्‍य, चदेये होरप्रने चीक्‍क्‍य।

मूल स्यूस्स्यायूजे कामजे किताब 15:18

अम्ब पो परमप्रभुदे य ख्यङ्, सूदे तोङ्बोमेस्‍येने अम्‍ब पोयू स्‍येलाचीते ख्यङ्।’

रोमी 11:25

अत-अची च्योन्‌यू, नमयूदे रङ्सेने केन् अन्‍त्‍वोस्‍स्‍य यदेबे नङ्सू पो त्‍या नमयूने था क्यूस्स्य मन ख्यङ्। अम्‍ब नङ्सू पो येर ख्यङ्, र परदेब यहूदी तेब मीयू ख्रीष्‍टने अन्‍रदासेमेत्‍या यहूदीयूजे सेम् कोङ क्यून्‍नीय।

१ कोरिन्थी 2:7

तर ङीदे परमेश्‍वरजे नङ्सू मेस्‍ये फूयेब बुद्धिजे प्रचार चीक्क्य, तोङ्बो जूग् खूम्‍मेस्‍येने ङीनजे महिमाजे लागि परमेश्‍वरदे सेल्‍दे।

एफिसी 1:4

संसार सृष्‍टि क्‍यूरयली खूम्‍देमेस्‍येने परमेश्‍वरदे ख्रीष्‍टने क्यूत्देबे ङीनने प्रेम चीत्दे मेस्ये ङूजे खूम्ने पवित्र मेस्‍ये चैत्‍याये दोष त्‍वब क्यूरने सेल्‍दे।

एफिसी 3:2

नमयूजे लागि ङैने पीनेब परमेश्‍वरजे अनुग्रहजे जिम्मा ङैदे प्‍ल्‍ये ख्यङ् यब बारेने नमयूदेये तख्यङ् यदेबे मन्‍न ख्यङ्।

एफिसी 6:19

ङैजे लागिये प्रार्थना ची, कन्‍छ्वाब ङ क्‍यमने रङ्से ङूर पूक्‍य हन्‍छ्वाब ङैने वचन पीन्‍स्‍य, मेस्‍ये ङैदे अम्फलाबे सूगब खबरजे नङ्सू पो क्यम खूस्‍य,

कलस्सी 1:23

तम्दम्ने नमयू रङ्से विश्‍वासने अन्‍क्यापीलाबे बोल्यो क्‍यून्‍नू, मेस्ये नमयूदे सूगब खबर ङ्‍यीन्‍देबे प्रेब आशा अन्‍क्यापीलाची। अम्‍ब सूगब खबर का-मुलुक संसारजे मीयूने स्‍योक्‍क ख्यङ्। ङ, पावल अम्‍ब सूगब खबर स्‍य्‍वेब त्वो क्‍यूर ख्यङ्।

कलस्सी 1:26

जूग्-जूग् या पुस्ता पुस्तामेस्‍येने सूदेये स्‍ये अङ्ख्‍वब नङ्सू पो परमेश्‍वरदे रङ्सेजे पवित्र मीयूने अर्थ कोलाबे चीम्‍मे ख्यङ्।

कलस्सी 3:3

चेनेयलो नमयू सीये ख्यङ् मेस्‍ये परमेश्‍वरने नमयूजे जीया ख्रीष्‍टप्रे फूये ख्यङ्।

कलस्सी 4:3

ख्रीष्‍टजे क्‍व अङ्ख्‍वब नङ्सू पो स्‍य्‍वेने मेस्‍ये वचन चेलाबे स्‍य्‍वेने परमेश्‍वरदे ङीने ख्‍यो पूक्‍मीस्‍य यदेबे ङीजे लागि प्रार्थना ची, अम्‍बजे लागि ङ जेल‍ने पर्‌दीक ख्यङ्,

२ थेसलोनिकी 2:13

तर प्रभुदे प्रेम चेब अत-अची च्योन्‌यू नमयूजे लागि ङीयूदे परमेश्‍वरने येतार्‌ने धन्‍यवाद पीनने परदे ख्यङ्, चेनेयलो खूम्‍देमेस्‍येने पवित्र आत्मादे पवित्र चीत्‍देबे मेस्‍ये तम्दम् पोने विश्‍वास चीत्‍देबे मुक्ति प्रेने परमेश्‍वरदे नमयूने सेल ख्यङ्।

१ तिमोथी 3:16

ङी मन्‍दीय, ङीनजे विश्‍वासजे नङ्सू क्‍व अन्‍ख्‍वब पो सोरो फत्‍या केन् ख्यङ्: ङू रङ्सेने ङ्वजे रुप्‍ने तङ्‍रदे, पवित्र आत्मादे धर्मी ठर्‌दीदे, स्वर्गदूतयूदे ङूने तङ्दे, देश देशने ङूजे प्रचार क्‍यूत्‍दे, संसार भरीने मीयूदे ङूने विश्‍वास चीत्‍दे, होर्‌दे ङू महिमाने तो स्वर्गने लङ्‍कीदे।

२ तिमोथी 1:9

परमेश्‍वरदेने ङीनने उद्धार चीम्‍मीदे, रङ्से मी चेने कोदे। अम्‍बब ङीनदे चेब कामदे दी, तर ङूजे रङ्सेजे उदेश्य मेस्‍ये अनुग्रहदे चे ख्यङ्। हम्‍ब ङूदे ख्रीष्‍ट येशूने जूग्‍दे-जूग्‍मेस्‍येने ङीनजे लागि पीने ख्‍य,

२ तिमोथी 4:17

तर यहूदी तेब मीयू क्‍वादेने ङ्‍यीन प्रेस्‍स्‍य यदेबे प्रभू ङैप्रे-प्रे क्‍यूत्‍दे, मेस्‍ये पूरा रूप्ने वचन प्रचार चेब शक्ति ङैने पीन्‍दे। येर्‌बे ङूदे ङैने डेन्‍याजे ङूरदे जूक्‍दीमीदे।

तीतस 1:2

हम्‍ब विश्‍वास मेस्ये ज्ञान कलङ्बेये अन्सीबब जीयाजे आशाने छ्‍यान ख्यङ्, होर्‌दे कलङ्बेये लूच्‍च अङ्-क्‍यमब परमेश्‍वरदे मीयूङ्मेस्‍येने कबुल चीत्‍दे।

१ पत्रुस 1:20

सृष्‍टि चेयली खूम्‍ने परमेश्‍वरदे ङूने सेल ख्‍य, तर अम्‍ब आखिरी दिनने नमयूजे लागि ङू तङ्‍रदे।

प्रकाश 13:8

कलङ्बेये अन्जेनब जीया प्रेबयूजे मीन् लिख्दीयेब किताबने संसारजे सृष्‍टि क्यूरयली खूम्मेस्येने मीन् अन्लीख्दीयेब मीयू क्वादेने हम्ब रोलाजे पूजा चीक्‍क्य। हम्ब किताबब सेक्‍कब थुमाजे ख्यङ्।

प्रकाश 14:6

होर्‌दे मूजे अन्‍द्रने सूजो स्वर्गदूत स्‍यूम्‍बीनब ङैदे तङ्दे। पृथ्‍वीने ख्‍यब जात जातजे मीयू, खलकयू, केयू मेस्‍ये मीयू क्‍वानेने स्‍य्‍वेजे लागि कलङ्बेये अन्‍जेनब सूगब खबर हम्‍ब स्वर्गदूतप्रे ख्‍य।

प्रकाश 17:8

नदे तङब हम्‍ब रोला मीयूङ् त्‍याफे ख्‍य, तर जेम्सेब हम्‍ब रोला त्‍वो, जेम्से येतार्‌ने नाश क्‍यूप्‍पजे लागि हम्‍ब रोला अतल कुण्डदे तो-फीने योङ्‍र मल्‍न ख्यङ्। कलङ्बेये अन्जेनब जीया प्रेबयूजे मीन् लिख्दीयेब किताबने संसारजे सृष्‍टि क्यूरयली खूम्मेस्येने मीन् अन्लीख्दीयेब मीयूदे हम्ब रोलाने तङ्देबे हार्‌मन्‍दीय, चेनेयलो हम्‍ब मीयूङ् त्‍याफे ख्‍य मेस्‍ये हम्‍ब जेम्से त्‍वो, तर फेरि ङ्येदे त्‍याफे योङ्‍रीय।

प्रकाश 4:11

“ङीन्जे प्रभु मेस्‍ये परमेश्‍वर, महिमा, गेसेन्, मेस्‍ये शक्ति प्रेब लायक‍जे न ख्यङ्, चेनेयलो साप्‍ता से नदेने सृष्‍टि चीत्‍दे, मेस्‍ये नैजे इच्छा अनुसार हम्‍बयू क्यूट्‍टदे मेस्ये जीया प्रेत्‍दे।”