एफिसी 3:7 - घले नयाँ करार

⁷ ङूजे शक्तिजे काम अनुसार ङैने पीनब परमेश्‍वरजे हम्‍ब अनुग्रहजे बर अनुसार अम्‍ब सूगब खबरजे सेवा चेब मी ङ क्‍यूक्‍क ख्‍य।

एफिसी 3:7 ပူးပေါင်းရင်းမြစ်များ

मूल स्यूस्स्यायूजे कामजे किताब 9:15

तर प्रभुदे ङूने यदे, “प्र, चेनेयलो यहूदी तेब मीयू, मूरुम्यू मेस्‍ये इस्राएलजे छगूम्-पूर्‌गूम्‌यूजे खूम्ने ङैजे मीन् प्रचार चेने अम्‍बने ङैदे सेल ख्यङ्,

रोमी 1:5

ङूजे मीन्‍जे लागि यहूदी तेब मीयू क्‍वादेने विश्‍वास चीत्‍देबे आज्ञा मन्‍देब चेजे लागि येशू ख्रीष्‍टने परमेश्‍वरदे ङीने मूल स्यूस्स्याजे काम चेब अनुग्रह पीन ख्यङ्।

रोमी 12:3

चेनेयलो परमेश्‍वरदे पीनब अनुग्रहदे ङ नमयू खोत्‍तानेने यीय, नमयूजे गज्‍ज्‍य यली थेप् केन् अन्‍त्‍वोल्‍लाची, तर परमेश्‍वरदे पीनब विश्‍वासजे नाप अनुसार रङ्से कर ख्य होरत्‍या रङ्सेने मन्।

रोमी 15:16

अम्‍ब अनुग्रह परमेश्‍वरदे यहूदी देब मीयूने सूगब खबर स्‍य्‍वेजे लागि पूस्‍र्‌या क्‍यूत्‍देबे ङैने सेवा चीस्‍ये पीन्‍दे। येर्‌बे यहूदी देब मीयूये पवित्र आत्मादे शुद्ध क्‍यूत्‍देबे परमेश्‍वरदे सेम् पर्‌तेब बलि क्‍यूर खूस्‍य।

१ कोरिन्थी 15:10

तर दीनी ङ कर ख्यङ्, हम्‍ब परमेश्‍वरजे अनुग्रहदेने ख्यङ्, मेस्‍ये ङै फ्‍याने ख्‍यब प्रभुजे अनुग्रह सीत्‍तीने खेर अङ्‍गीली। बरू थमयू क्‍वादेने चेयली थेप् छेम्‍प्रे ङैदे चीत्‍दे। होरेक्‍यूल्‍लीने अम्‍ब ङैदे दी, ङैप्रे ख्‍यब परमेश्‍वरजे अनुग्रहदे ख्यङ्।

१ कोरिन्थी 3:5

अपोल्‍लोस सू ख्यङ्? पावल सू ख्यङ्? येशू ख्रीष्‍ट फ्‍याने विश्‍वास चीस्‍से पीनने नमयूजे लागि ङी ङ्ही परमेश्‍वरजे काम फरब मीयूत्‍यामे ख्यङ्। प्रभुदे खेर्‌दीयेब काम ङी फर्‌क्‍य।

२ कोरिन्थी 3:6

ङूदे ङीनने सर्‌ कबुलजे काम फरबयू क्‍यूरब गज्ज्य पीन्‍दे, लिख्दीयेब अक्षर‌ने दी, तर पवित्र आत्‍माने। चेनेयलो लिख्दीयेब अक्षरदे सेक्‍क्‍य, तर पवित्र आत्‍मादे जीया पीन्‍क्‍य।

२ कोरिन्थी 4:1

येरेक्यूत्देबे परमेश्‍वरजे रङ्से कृपादे अम्‍ब काम ङीने पीनब क्यूत्देबे ङी सेम् चीद अन्‍ची।

गलाती 2:8

पत्रुसने मूल स्यूस्स्या चीम्‍मीदेबे खतना चेब मीयूजे अन्‍द्रने काम चीस्‍स्ये पीनप्रने परमेश्‍वरदे ङैनेये यहूदी तेब मीयूजे अन्‍द्रने काम चेजे लागि मूल स्यूस्स्या चीम्‍मीदे।

एफिसी 1:19

होर्‌दे ङीन विश्‍वास चेबयूजे लागि ङूजे बेस्‍से केन् शक्ति च ख्यङ्, यब नमयूदे स्‍ये खूस्‍य। हम्‍ब शक्ति ङूजे केन् शक्तिजे काम ख्यङ्,

एफिसी 3:2

नमयूजे लागि ङैने पीनेब परमेश्‍वरजे अनुग्रहजे जिम्मा ङैदे प्‍ल्‍ये ख्यङ् यब बारेने नमयूदेये तख्यङ् यदेबे मन्‍न ख्यङ्।

एफिसी 3:20

ङीन नङ्ने काम चेब ङूजे शक्तिदे ङीनदे स्‍य यली थेप् मेस्‍ये मन्‍न-यली बेस्‍से थेप् पीन खूइय,

एफिसी 3:8

परमेश्‍वरजे पवित्र मीयूनङ्जे ङ सोरो चीद ख्यङ्लीने ख्रीष्‍टजे बे‍स्‍से कूम सम्पत्तिजे सूगब खबर यहूदी तेब मीयूने स्‍य्‍वेब बर परमेश्‍वरदे ङैनेने पीन्‍दे।

एफिसी 4:16

ङूजे हक नङ्ने साप्‍ता फरक फरक अङ्गयू मील्‍लीदेबे टून ख्यङ्, मेस्‍ये पूरा ङ्व ठीक-ठीक नेने थूदेबे टून ख्यङ्। त्‍या-त्‍या अङ्गदे चेपर्‌देब काम चीत्‍दे यलो पूरा ङ्व प्रेमने ठोङ्बीय।

कलस्सी 1:29

ख्रीष्‍टदे ङैजे सेम् नङ्ने काम फरब शक्ति पीन्‍दे, हम्‍ब शक्ति अनुसार‌ ङ अम्‍ब कामजे लागि सोरो बोङ्बे छेम्‍प्रे चीक्‍क्‍य।

१ थेसलोनिकी 2:13

येरेक्‍यूत्‍देबे हम्‍बजे लागि ङीये येतार्‌ने परमेश्‍वरने धन्‍यवाद पीन्क्‍य, चेनेयलो ङीयूदे स्‍य्वेत्‍देबे नमयूदे ङ्‍यीनब वचन तम्दम्ने परमेश्‍वरजे वचन ख्यङ्, अम्‍ब नमयूदे मीजे वचन प्र दी, तर परमेश्‍वरजे वचनप्रने मन्‍दीदे, हम्‍ब वचनदे नम-विश्‍वासीयूने काम चीक्क्य।

हिब्रू 13:21

नमयूजे सेम्ने सोरो ज्‍य गुणयू येम्‍मीस्‍य, मेस्‍ये नमयूदे ङूजे इच्‍छा पूरा चे खूस्‍स्‍य। परमेश्‍वरने च सेम् पर्‌ते ख्यङ्, येशू ख्रीष्‍टजे मीन्‍ने परमेश्‍वरदे नमयूने हम्‍ब चीम्‍मीस्‍य। जूग् जूग् सेमेने येशूजे महिमा क्‍यून्‍नूस्‍य। आमेन।