एफिसी 3:5 - घले नयाँ करार

⁵ हम्‍ब खूम पुस्ताजे मीयूने था अम्‍पीन ख्‍य, दीनी अम्‍ब पो ङूजे पवित्र मूल स्यूस्स्या मेस्‍ये अगमवक्तायूने पवित्र आत्मादे तम्‍मे ख्यङ्।

एफिसी 3:5 ပူးပေါင်းရင်းမြစ်များ

मत्ती 13:17

तम्दम्‍ने, ङ नमयूने यीय, नमयूजे म्‍यादे तङब सेयू अगमवक्तायूदे मेस्‍ये धर्मीयूदे सोरो लेब सेम् चेख्‍य, तर थमयूदे तङ अम्प्रे, नमयूदे तैकब पो सोरो ङ्यीन्‍तीङ् रख्‍य, तर ङ्यीनये अम्प्रे।

मत्ती 20:7

“थमयूदे ङूने यदे, ‘सूमीदेये ङीने मेलाने काम अन्‍च्‍योल्‍र।’ “ङूदे थमयूने यदे, ‘नमयूये प्रदेबे ङैजे अङ्‍गुर रङ्ने काम फर्‌ब।’

मत्ती 23:34

येरेक्‍यूत्‍देबे ङ नमयू ट्‌याने अगमवक्तायू, बुद्धिमानी मीयू मेस्‍ये पन्‍डेयू कूल्‍बीय। थमयू नङ्ने कोइ मीयूने नमयूदे सेक्‍कीय मेस्‍ये क्रूसने खील् ठोक्‍दीदे पील्क्‍य, मेस्‍ये कोइ मीयूने रङ्सेजे सभा-कीम्‍यूने कोर्रा लैदीय, मेस्‍ये सहर त्‍यादे सूजो सहरने ताल्पीय।

लूका 10:24

चेनेयलो ङ नमयूने यीय, कूम अगमवक्तायू मेस्‍ये मूरुम्यूदे नमयूदे च तङ्दे, हम्‍ब तङब सेम् चे ख्यङ्, तर अन्‍तङ्, मेस्‍ये च नमयूदे त ख्‍य, हम्‍ब तब सेम् चे ख्‍य, तर त अम्प्रे।”

लूका 11:49

होरेक्यूत्देबे परमेश्‍वर्‌जे बुद्धिदेये यीय, ‘ङ थमयू ट्‌याने अगमवक्तायू मेस्‍ये मूल स्यूस्स्यायू कूल्‍बीय। थमयू नङ्ने कोइनेब थमयूदे सेक्‍कीय मेस्‍ये कोइनेब सतनम् चीक्‍क्य।

यूहन्‍ना 14:26

तर पदे ङैजे मीन्‍ने मोतो पीनब, या पवित्र आत्मा कूल्‍बीय, ङूदे साप्‍ता पो नमयूने लोम्‍मीय, मेस्‍ये ङैदे नमयूने येयेब साप्‍ता पो नमयूने ह्‍वेरलाबे चीम्‍मीय।

यूहन्‍ना 16:13

कन्‍छ्वाब ङू, या सत्‍यजे आत्मा रीय, हन्‍छ्वाब ङूदे नमयूने तम्दम्जे पो क्‍वाने लोम्‍मीय। ङू रङ्सेजे तर्फदे अन्‍क्‍यम्। ङूदे च तैय, हम्‍ब नमयूने यीय, मेस्‍ये ङ्येदे क्‍यूरब पोयूये नमयूने चेलाबे येमीय।

मूल स्यूस्स्यायूजे कामजे किताब 10:28

होर्‌दे पत्रुसदे थमयूने यदे, “सूजो जात‍जे मीयूप्रे यहूदीयूदे सङ्गत चेने, या थमयूने त्‍वने प्रब यहूदीजे लागि कोला अन्ज्‍य क्यूक्क्य यब पो नमयूने थाने ख्यङ्, होरनेयली परमेश्‍वरदे ङैने कम्‍ब मीनेये पवित्र त्वब या अशुद्ध अम्‍मन्‍लाची यदेबे तन ख्यङ्।

रोमी 16:25

ङीन परमेश्‍वरजे महिमा चीदे। ङैजे सूगब खबरदे स्य्वेप्रने परमेश्‍वरदे नमयूने बोल्यो चीम्मे खूइय। हम्‍ब ख्रीष्‍ट येशूजे बारेने क्‍यूरब वचनदे नम यहूदी देब मीयूजे लागि जूग्-जूग्मेस्‍येने नङ्सूने फूयेब परमेश्‍वरजे योजना तम्मे ख्यङ्।

१ कोरिन्थी 2:10

परमेश्‍वर रङ्से आत्मादेने ङीनजे लागि हम्‍ब पो तेम्‍मे ख्यङ्। चेनेयलो परमेश्‍वरजे आत्मादे साप्‍ता सेयू मेल्‍क्‍य, होरदे परमेश्‍वरजे मीदे नङ्सू-नङ्सू पोयूये मेल्‍क्‍य।

एफिसी 2:20

हम्‍ब कीम्-म्हीतीब मूल स्यूस्स्यायू मेस्‍ये अगमवक्तायूजे जा-फ्‍याने चोदेबे बन्‍दे ख्यङ्, मेस्‍ये मूख्‍य सूर्-लूङ्ब ख्रीष्‍ट येशू रङ्सेने ख्यङ्।

एफिसी 3:9

साप्‍ता कूरू बन्‍देब परमेश्‍वरने जूग्-‍जूग्‍मेस्‍येने फूदेबे हीदेब नङ्सू पो च ख्‍य, हम्‍ब मीयू क्वानेने स्‍य्‍वेब अनुग्रह ङैने पीन्‍दे,

२ पत्रुस 3:2

पवित्र अगमवक्तायूदे क्यमब अगमवाणीजे पो मेस्‍ये नमयूजे मूल स्यूस्स्यायूदे लोम्‍मेब ङीनजे प्रभु मेस्‍ये मुक्तिदाताजे आज्ञाने नमयूदे ह्‍वे चे पर्‌दीय।

यहूदा 1:17

तर ङैजे छेब ख्योन्‌यू, नमयूब ङीनजे प्रभू येशू ख्रीष्‍टजे मूल स्यूस्स्यायूदे खूम्‍ने येयेब पोयू ह्‍वे ची।