एफिसी 3:4 - घले नयाँ करार

⁴ ङैदे लिख्देब पो छ्‌योत्‍देयलो ख्रीष्‍टजे नङ्सू योजनाजे बारेने ङैदे कन्‍छ्वासेमे नङ्सू पो स्‍ये ख्‍य यब पो नमयूदे क्‍व ख्यङ्दे।

एफिसी 3:4 ပူးပေါင်းရင်းမြစ်များ

मत्ती 13:11

येशूदे जवाफ पीन्‍दे, “स्वर्ग-राज्यजे नङ्सू पोयूजे ज्ञान नमयूने स्‍येसे पीन्‍दे, तर थमयूने ब अम्‍पीन ख्यङ्।

लूका 8:10

येशूदे यदे, “नमयूने परमेश्‍वरजे राज्‍यजे भेद स्येब ज्ञान पीन ख्यङ्, तर सूजोयूप्रे ङ उखान पूत्‍देबे क्‍यम्क्‍य, यी ‘थमयूदे लेल्‍लीने अन्‍तङ्स्‍य, मेस्‍ये तलीने अङ्‍कोस्‍य।’

रोमी 11:25

अत-अची च्योन्‌यू, नमयूदे रङ्सेने केन् अन्‍त्‍वोस्‍स्‍य यदेबे नङ्सू पो त्‍या नमयूने था क्यूस्स्य मन ख्यङ्। अम्‍ब नङ्सू पो येर ख्यङ्, र परदेब यहूदी तेब मीयू ख्रीष्‍टने अन्‍रदासेमेत्‍या यहूदीयूजे सेम् कोङ क्यून्‍नीय।

रोमी 16:25

ङीन परमेश्‍वरजे महिमा चीदे। ङैजे सूगब खबरदे स्य्वेप्रने परमेश्‍वरदे नमयूने बोल्यो चीम्मे खूइय। हम्‍ब ख्रीष्‍ट येशूजे बारेने क्‍यूरब वचनदे नम यहूदी देब मीयूजे लागि जूग्-जूग्मेस्‍येने नङ्सूने फूयेब परमेश्‍वरजे योजना तम्मे ख्यङ्।

१ कोरिन्थी 13:2

ङैप्रे अगमवाणी क्‍यम ख्‍वब शक्ति ख्यङ्स्ये, मेस्‍ये क्‍व अङ्ख्‍वब नङ्सू पोयू, साप्‍ता थर्‌जे ज्ञानयूये क्‍व खूस्ये, होर्‌दे केन् गङ्यूने हर्‍दे ख्‍वबसेमेजे पूरा विश्‍वास ङैप्रे ख्यङ्लीने, ङैजे सेम्ने प्रेम त्‍वोदेयलो ङ चैत्‍याये दी।

१ कोरिन्थी 4:1

येर्‌बे मीयूदे ङीयूने ख्रीष्‍टजे त्वो मेस्ये परमेश्‍वरजे नङ्सू पोयू स्‍योम्‍मेब मीयू मेन्‍स्‍य।

२ कोरिन्थी 11:6

ङ सोरो ज्‍य क्‍यम्‍से रब मी दी, तर ङैप्रे ज्ञान ख्यङ्। अम्‍ब पो ङीदे नमयूने साप्‍ता तर्‌तीप्‍दे चेला तम्‍मीक ख्यङ्।

एफिसी 1:9

ङूजे पूरा ज्ञान मेस्‍ये बुद्धिने परमेश्‍वरदे रङ्से इच्‍छा पूरा चीत्‍दे मेस्‍ये ख्रीष्‍टने क्‍यूत्‍देबे पूरा चीक्‍क्‍य यदेबे यब नङ्सू योजना ङीनने तम्‍मीदे।

एफिसी 3:3

परमेश्‍वरदे रङ्सेजे नङ्सू योजना पूक्‍देबे ङैने तम्‍मीदे। अम्‍बजे बारेने ङैदे नमयूने खूम्‍ने चिट्ठी ठून्‍यात्‍या लिख्दीक ख्यङ्।

एफिसी 3:9

साप्‍ता कूरू बन्‍देब परमेश्‍वरने जूग्-‍जूग्‍मेस्‍येने फूदेबे हीदेब नङ्सू पो च ख्‍य, हम्‍ब मीयू क्वानेने स्‍य्‍वेब अनुग्रह ङैने पीन्‍दे,

एफिसी 5:32

अम्‍ब सोरो केन् नङ्सू पो ख्यङ्, होर्‌दे, अम्ब पो ख्रीष्‍ट मेस्‍ये मण्डलीजे बारेनेये यीय।

एफिसी 6:19

ङैजे लागिये प्रार्थना ची, कन्‍छ्वाब ङ क्‍यमने रङ्से ङूर पूक्‍य हन्‍छ्वाब ङैने वचन पीन्‍स्‍य, मेस्‍ये ङैदे अम्फलाबे सूगब खबरजे नङ्सू पो क्यम खूस्‍य,

कलस्सी 1:26

जूग्-जूग् या पुस्ता पुस्तामेस्‍येने सूदेये स्‍ये अङ्ख्‍वब नङ्सू पो परमेश्‍वरदे रङ्सेजे पवित्र मीयूने अर्थ कोलाबे चीम्‍मे ख्यङ्।

कलस्सी 2:2

थमयूदे आँट प्रेस्स्य मेस्ये प्रेमने त्‍या क्यूत्देबे थून्‍नूस्य यदेबे ङैदे येरे चे ख्यङ्, होरे क्यूप्प थमयूदे चेलाबे क्‍व ख्‍वब ज्ञानजे सम्पत्ति प्रेक्क्य होर्‌दे परमेश्‍वरजे क्‍व अङ्ख्‍वब नङ्सू योजना या ख्रीष्‍टने पूरा स्ये ख्वब क्यूक्क्य।

कलस्सी 4:3

ख्रीष्‍टजे क्‍व अङ्ख्‍वब नङ्सू पो स्‍य्‍वेने मेस्‍ये वचन चेलाबे स्‍य्‍वेने परमेश्‍वरदे ङीने ख्‍यो पूक्‍मीस्‍य यदेबे ङीजे लागि प्रार्थना ची, अम्‍बजे लागि ङ जेल‍ने पर्‌दीक ख्यङ्,

१ तिमोथी 3:16

ङी मन्‍दीय, ङीनजे विश्‍वासजे नङ्सू क्‍व अन्‍ख्‍वब पो सोरो फत्‍या केन् ख्यङ्: ङू रङ्सेने ङ्वजे रुप्‍ने तङ्‍रदे, पवित्र आत्मादे धर्मी ठर्‌दीदे, स्वर्गदूतयूदे ङूने तङ्दे, देश देशने ङूजे प्रचार क्‍यूत्‍दे, संसार भरीने मीयूदे ङूने विश्‍वास चीत्‍दे, होर्‌दे ङू महिमाने तो स्वर्गने लङ्‍कीदे।

१ तिमोथी 3:9

तर थमयू रङ्सेदे प्रेब विश्‍वासजे नङ्जे पो शुद्ध विवेकदे जूक्‍तीदे येनब क्‍यूर पर्‌दीय।