एफिसी 3:20 - घले नयाँ करार

²⁰ ङीन नङ्ने काम चेब ङूजे शक्तिदे ङीनदे स्‍य यली थेप् मेस्‍ये मन्‍न-यली बेस्‍से थेप् पीन खूइय,

एफिसी 3:20 ပူးပေါင်းရင်းမြစ်များ

मत्ती 3:9

ङीनजे मेमे अब्राहाम ख्‍यङ् यदेबे नमयू जूक्‍तीय अम्‍मन्‍लाची मेस्ये त्‍यादेत्‍याने येरे अन्‌-यलाची। चेनेयलो ङ नमयूने यीय, परमेश्‍वरदे अम्‍ब लूङ्‌यूदे अब्राहामजे लागि पीचयू बन्‍दे खूइय।

यूहन्‍ना 10:10

“खूमान् ब ख्‍वने, सेने मेस्ये नाश चेने त्‍यामे रीय। ङ ब नमयूदे जीया प्रेस्‍स्‍य, मेस्‍ये हम्‍ब पूरा रुप्ने प्रेस्‍स्‍य यदेबे रदे।

रोमी 16:25

ङीन परमेश्‍वरजे महिमा चीदे। ङैजे सूगब खबरदे स्य्वेप्रने परमेश्‍वरदे नमयूने बोल्यो चीम्मे खूइय। हम्‍ब ख्रीष्‍ट येशूजे बारेने क्‍यूरब वचनदे नम यहूदी देब मीयूजे लागि जूग्-जूग्मेस्‍येने नङ्सूने फूयेब परमेश्‍वरजे योजना तम्मे ख्यङ्।

रोमी 4:21

परमेश्‍वरदे चेब कबुल तम्दम्ने चीक्‍क्‍य यब पो ङूने पक्‍क था ख्‍य।

१ कोरिन्थी 2:9

तर धर्मशास्त्रने येरे लिख्दीये ख्यङ्, “म्‍यादे अन्‍तङब, नदे अन्‍तब, मेस्‍ये मीजे सेम्‍दे अम्‍मनब, येर सेयू परमेश्‍वरदे रङ्सेने प्रेम चेबयूजे लागि तयार चीदेख्यङ्।”

२ कोरिन्थी 9:8

परमेश्‍वरदे नमयूने थर्‌-थर्‌जे असीयू बेस्‍से कूम पीन खूइय, येरेक्‍यूत्‍देबे येतार्‌ने नमयूप्रे थर्‌-थर्‌जे सेयू बेस्‍से कूम क्‍यूस्‍स्‍य, मेस्‍ये सोरो ज्‍य थर्‌-थर्‌जे कामयूजे लागि नमयूदे बेस्‍से कूम पीन खूस्‍य।

एफिसी 1:19

होर्‌दे ङीन विश्‍वास चेबयूजे लागि ङूजे बेस्‍से केन् शक्ति च ख्यङ्, यब नमयूदे स्‍ये खूस्‍य। हम्‍ब शक्ति ङूजे केन् शक्तिजे काम ख्यङ्,

एफिसी 3:7

ङूजे शक्तिजे काम अनुसार ङैने पीनब परमेश्‍वरजे हम्‍ब अनुग्रहजे बर अनुसार अम्‍ब सूगब खबरजे सेवा चेब मी ङ क्‍यूक्‍क ख्‍य।

कलस्सी 1:29

ख्रीष्‍टदे ङैजे सेम् नङ्ने काम फरब शक्ति पीन्‍दे, हम्‍ब शक्ति अनुसार‌ ङ अम्‍ब कामजे लागि सोरो बोङ्बे छेम्‍प्रे चीक्‍क्‍य।

१ तिमोथी 1:14

ख्रीष्‍ट येशूने ख्‍यब विश्‍वास मेस्‍ये माया प्रे-प्रे ङीन प्रभुजे अनुग्रह ङैजे लागि बेस्‍से कूम फैम्‍मीदे।

हिब्रू 11:19

परमेश्‍वरदे सीयेब मीनेये फेरि सोम्‍बो चीम्‍मे खूइय यब पो अब्राहामदे ह्‍वे चीत्‍दे, अम्‍ब पो नमूनाजे रूप्ने येनूलोब, अब्राहामदे सीयेब रङ्से च इसहाकने फेरि सोम्‍बो ल्‍वारे प्रेत्‍दे।

हिब्रू 7:25

होरेक्‍यूत्‍देबे येशूने विश्‍वास चीत्‍देबे परमेश्‍वर ट्‌याने रबयू क्‍वानेने येतार्‌जे लागि ङूदे उद्धार चीम्मे खूइय। चेनेयलो थमयूजे लागि परमेश्‍वरप्रे प्रार्थना चीम्मेने ङू येतार्‌ने सोम्बो क्यून्‍नीय।

याकूब 4:12

मोशाजे नियम पीनब मेस्‍ये न्याय चेब तीत्‍यात्‍या ख्यङ्, ङूदे जूक्‍तीमे खूइय मेस्‍ये नाशये चीप्‍पे खूइय। तर रङ्से खीम्‍चेने दोष लैदेब नमयू सू?

२ पत्रुस 1:11

येर्‌बे ङीनजे प्रभु मेस्‍ये मुक्ति पीनब येशू ख्रीष्‍टजे येतार्‌ने टूनब राज्‍य नङ्ने परमेश्‍वरदे नमयूने बेस्‍से केन् चीत्देबे स्वागत चीक्क्य।

यहूदा 1:24

नमयू पापने फस्तीस्‍ये अम्‍पीन्‍लाबे बच्‍दीमे ख्वबने, मेस्‍ये नमयूने आनन्द पीन्‍देबे ङूजे महिमाजे खूम्‍ने चैये पाप त्‍वब शुद्ध चीम्‍मे ख्वबने,