एफिसी 3:10 - घले नयाँ करार

¹⁰ येर्‌बे मण्डलीदे परमेश्‍वरजे पीरी-पीरीजे ज्ञान स्‍वर्गजे नेयूने हुकुम चील्‍लेबयू मेस्‍ये अधिकार ख्‍यबयूजे अन्‍द्रने तम्‍मीस्‍य।

एफिसी 3:10 ပူးပေါင်းရင်းမြစ်များ

रोमी 11:33

परमेश्‍वरजे सम्पति कर फत्या कूम! ङूजे बुद्धि मेस्ये ज्ञान सोरो कूम गहिरो ख्यङ्! ङूदे चेब न्यायने सूदे बयान चे खूइय मेस्‍ये ङूजे लम् सूदे था प्रे खूइय!

रोमी 8:38

चेनेयलो ङैने पक्क था ख्यङ्, चै पोदेये ङीनने ख्रीष्‍टजे प्रेमप्रे स्‍या अन्‍खू। मृत्‍यूदे, या जीयादे, या स्वर्गदूतयूदे, या शैतानजे शक्तिदे, या दीनीजे पोयूदे या नङ्‍गजे पोयूदे, या शक्तियूदे,

१ कोरिन्थी 1:24

तर परमेश्‍वरदे रङ्सेजे मी चेने क्वबयूजे लागि यहूदी मेस्ये ग्रीक सूने क्‍यूल्‍लीने ख्रीष्‍ट ने परमेश्‍वरजे शक्ति मेस्ये बुद्धि ख्यङ्।

१ कोरिन्थी 2:7

तर ङीदे परमेश्‍वरजे नङ्सू मेस्‍ये फूयेब बुद्धिजे प्रचार चीक्क्य, तोङ्बो जूग् खूम्‍मेस्‍येने ङीनजे महिमाजे लागि परमेश्‍वरदे सेल्‍दे।

एफिसी 1:21

ख्रीष्‍ट मूने राज चेबयू फ्‍याने हुकुम चील्‍लीय। हुकुम चील्‍लेबयू फ्‍याने हक चील्‍लीय, टक्क शक्तियू फ्‍याजे कूम बोङ् ख्‍यब ङू क्‍यूक्‍क्‍य होर्‌दे प्रभुयूजेये प्रभु क्‍यूक्‍क्‍य। ङू अम्‍ब जूग्‍ने त्‍यामे दी, ङ्येदे रब जूग्‍नेये ख्‍यब केन् दर्जायू क्‍वा फ्‍याजे केन् क्यूक्क्य।

एफिसी 1:23

हम्‍ब मण्डली ख्रीष्‍टजे ङ्व ख्यङ्। मेस्ये ख्रीष्‍टब परमेश्‍वरजे साप्‍ता पोदेने भरीपूर्‌न ख्यङ्।

एफिसी 1:3

ङीन प्रभु येशू ख्रीष्‍टजे प परमेश्‍वरजे जै-जै क्‍यूस्‍स्‍य, ङूदे ङीनने स्‍वर्गजे नेयूने साप्‍ता आत्माजे असीदे ख्रीष्‍ट ङीनप्रे क्‍यूत्‍देबे असी पीन ख्यङ्।

एफिसी 1:8

परमेश्‍वरदे ङीनने हम्‍ब अनुग्रह बेस्‍से कूम पीन ख्यङ्।

एफिसी 6:12

जीङब ङ्व प्रे काजे विरुद्धने नमयू दी, तर मूने ख्यब शक्तियू मेस्‍ये दुष्‍ट हुकुम चील्‍लेबयूजे विरुद्धने, होर्‌दे मून्दूङ् जूग्‍जे हुकुम चील्‍लेयू, हक चील्‍लेबयू, मेस्ये मूजे दुष्‍ट आत्मायूजे विरुद्धने ख्यङ्।

कलस्सी 1:16

चेनेयलो ख्रीष्‍टप्रे क्‍यूत्‍देबे परमेश्‍वरदे स्वर्ग मेस्‍ये पृथ्वीने ख्‍यब साप्‍ता थोकयू, म्‍यादे तङ ख्‍वब मेस्ये तङ अङ्ख्‍वब थोकयू, या आत्‍माजे शक्तियू, मालिकयू, हुकुमयू मेस्‍ये हकयू सृष्‍टि चीत्‍दे। अम्‍ब टक्कने परमेश्‍वरदे ख्रीष्‍टप्रे क्‍यूत्‍देबे ख्रीष्‍टजे लागिने सृष्‍टि चीम्‍मीदे।

कलस्सी 2:10

ख्रीष्‍टने नमयूजे जीया चेलाबे पूरा क्यूट्‍ट ख्यङ्। साप्‍ता हुकुम मेस्ये हक चील्‍लेबयू नङ्ने पात्‍ता केन् ङू ख्यङ्।

कलस्सी 2:15

ङूदे हुकुम चील्‍लेबयू मेस्‍ये शक्तियूने लास्या त्वब चीप्‍पीदे। हम्‍बयू फ्‍याने ट्‌यादे, मेस्‍ये क्‍वादेने तङ्लाबे हम्‍बयूने तमासा चीप्पीदे।

१ तिमोथी 3:16

ङी मन्‍दीय, ङीनजे विश्‍वासजे नङ्सू क्‍व अन्‍ख्‍वब पो सोरो फत्‍या केन् ख्यङ्: ङू रङ्सेने ङ्वजे रुप्‍ने तङ्‍रदे, पवित्र आत्मादे धर्मी ठर्‌दीदे, स्वर्गदूतयूदे ङूने तङ्दे, देश देशने ङूजे प्रचार क्‍यूत्‍दे, संसार भरीने मीयूदे ङूने विश्‍वास चीत्‍दे, होर्‌दे ङू महिमाने तो स्वर्गने लङ्‍कीदे।

१ पत्रुस 1:12

अम्बयूदे रङ्सेजे लागि दी, तर नमयूजे लागि क्यम ख्य यब पो थमयूने परमेश्‍वरदे तम्‍मीक ख्‍य। नमयूने सूगब खबर स्‍य्‍वेब मीयूजे सेम्ने स्वर्गदे कूल्‍बेब पवित्र आत्‍मा क्‍यूत्‍देबे अम्ब पो चूजो नमयूने चेलाबे येये ख्यङ्। स्वर्ग दूतयूये अम्‍ब पो लेने सोरो सेम् चीन्‍न ख्यङ्।

१ पत्रुस 3:22

ङू स्वर्गने गीलीदेबे परमेश्‍वरजे स्येत्‍तेयोर्‌ देन् छ्‍यान ख्यङ्, होर्‌दे स्वर्गदूतयू, हुकुम चेबयू मेस्‍ये शक्तियू फ्‍याने ङूदे हुकुम चेख्यङ्।