एफिसी 3:1 - घले नयाँ करार

¹ येरेक्‍यूत्‍देबे नम यहूदी तेब मीयूजे पक्षने ख्रीष्‍ट येशूजे सेवा चेब ङ पावल कैदी क्‍यूर ख्यङ्।

एफिसी 3:1 ပူးပေါင်းရင်းမြစ်များ

लूका 21:12

“तर अम्‍ब पोयू क्वाने क्‍यूर यली खूम्, मीयूदे नमयूने चूङ्क्‍य, सतनम् चीक्‍क्‍य,’ मेस्‍ये नमयूने सभा-कीम्‌यूने सूम्‍दीपीय, र झ्‍यालखानने चङ्पीय। नमयूने ङैजे मीन्‍जे कारण मूरुम्‌यू प्रे हाकिमयूजे खूम्‍ने स्‍योल्‍गीदेबे मेर्‌से पीन्क्‍य।

मूल स्यूस्स्यायूजे कामजे किताब 21:33

होर्‌दे हम्‍ब सिपाईजे पात्‍ता केन् मी पावल ट्‌याने रदेबे चूङ्‍रदे मेस्‍ये सङ्लो ङ्‍हीदे ङूने ख्‍या यदेबे हुकुम पीन्दे। अम्‍ब सू टोङ् मेस्‍ये ङूदे च चीक्‍कदे यदेबे ङूदे लोत्‍दे।

मूल स्यूस्स्यायूजे कामजे किताब 23:18

होरेक्‍यूत्‍देबे ङूदे ङूने टेल्‍देबे सिपाईजे पात्‍ता केन् मीट्‌याने स्‍योल्‍गीदेबे यदे, “कैदने ख्‍यब पावलदे ङैने कोदेबे अम्‍ब स्‍योर्‌बने नैट्‌याने स्‍योल्‍गी य ख्यङ्, नने य पर्‌देब पो त्‍या ङ्ही ख्यङ् योन्?”

मूल स्यूस्स्यायूजे कामजे किताब 26:29

तर पावलदे जवाफ पीन्‍दे, “खात्याने या कूम बीलने अम्‍ब सङ्लोयू क्‍यादेबे, नत्‍या दीलाबे दीनी ङैजे पो ङ्‍यीनब मीयू क्वाने ङप्रने क्‍यूस्‍स्‍य यदेबे ङ परमेश्‍वरने प्रार्थना चीक्‍क्‍य।”

मूल स्यूस्स्यायूजे कामजे किताब 9:15

तर प्रभुदे ङूने यदे, “प्र, चेनेयलो यहूदी तेब मीयू, मूरुम्यू मेस्‍ये इस्राएलजे छगूम्-पूर्‌गूम्‌यूजे खूम्ने ङैजे मीन् प्रचार चेने अम्‍बने ङैदे सेल ख्यङ्,

२ कोरिन्थी 1:6

कादेये ङीदे दु:ख प्रेत्‍देयलो हम्‍ब नमयूजे सान्त्वना मेस्‍ये उद्धारजे लागि ख्यङ्। कादेये ङीदे सान्त्वना प्रेत्‍देयलीने हम्‍ब नमयूजे सान्त्वनाजे लागि ख्यङ्। ङीदे भोक्‍ते जेङ्‍कप्र हम्‍ब दु:खयूने धेरेन् क्‍यूत्‍देबे सैदीनूलो नमयूदेये हम्‍ब सान्त्वना प्रेक्‍क्‍य।

२ कोरिन्थी 10:1

ङ पावल, नमयूजे खूम्‍ने क्‍यूप्‍प सोरो चीद क्‍यूक्‍क्‍य, तर चीन्‍तङ् क्‍यूप्‍प नमयूजे लागि सेम्ने आँट रीय। ख्रीष्‍टने ख्‍यब चीद क्‍यूरब मेस्‍ये ङ्येमब सेम्दे ङ नमयूने बिन्‍ती चीक्‍क्‍य।

२ कोरिन्थी 11:23

थमयू ख्रीष्‍टजे सेवा चेब मी औ? ङ हम्‍ब यली सोरो ज्‍य सेवा चेब मी ख्यङ्- सेम् नोङ्ये मीप्र ङ क्‍यम्‍न ख्यङ्। ङैदे कूम छेम्‍प्रे चीत्‍दे। कूमफे झ्यालखानने पर्‌तीदे। कूमफे कोर्रादे ठरीकदे। कूमफे कालजे ङूर्‌ने फ्योइदे।

गलाती 5:11

तर अत-च्योन्‌यू, ङैदे खतना क्‍यूर पर्‌तीय यदेबे प्रचार चीक्‍कदे यलो, ङै फ्‍याने अम्ब सतनम् चेने पर्‌ती र? अम्‍ब पो तम्दम्ने यलो क्रूसने बलि क्‍यूरब प्रचारने सूदेये विरोध अन्‍चे ख्यङ्दे।

गलाती 5:2

ङ पावलदे नमयूने यीय, नमयूदे खतना चीत्‍देयलो ख्रीष्‍टदे नमयूजे लागि चेफाइदाये चीम्‍मीस्‍ये त्‍वो।

गलाती 5:24

सू ख्रीष्‍ट येशूजे ख्यङ् थमयूदे पाप चेब स्वभावने हम्बजे अन्ज्य इच्छा सजने खील् ठोक्दीदेबे क्रूस‍ने पील्‍क ख्यङ्।

एफिसी 3:11

परमेश्‍वरदे अम्‍ब साप्‍ताने रङ्सेजे कलङ्बेये अन्‍जेनब योजना ङीनजे प्रभु येशू ख्रीष्‍टने पूरा चीत्‍दे।

एफिसी 3:13

येरेक्‍यूत्‍देबे ङ नमयूने बिन्ती चीक्‍क्‍य, यी नमयूजे लागि ङैदे भोक्‍तीनब सकस् तङ्देबे नमयू अन्-‍आतीलाची। अम्‍ब नमयूजे लागि फाइदजे पो ख्यङ्।

एफिसी 3:8

परमेश्‍वरजे पवित्र मीयूनङ्जे ङ सोरो चीद ख्यङ्लीने ख्रीष्‍टजे बे‍स्‍से कूम सम्पत्तिजे सूगब खबर यहूदी तेब मीयूने स्‍य्‍वेब बर परमेश्‍वरदे ङैनेने पीन्‍दे।

एफिसी 4:1

ङ प्रभुजे लागि झ्यालखान‍ने टूङब कैदी त्‍या ख्यङ्, नमयूने बिन्ती चीक्‍क्‍य, यी प्रभुदे चेकामजे लागि नमयूने क्‍व ख्यङ् हम्‍ब मफीजे जीया च।

एफिसी 6:20

ङ झ्यालखान‍ने टूनूलीने अम्‍ब सूगब खबरजे लागि ङ ख्रीष्‍टजे दूत क्‍यूर ख्यङ्। प्रार्थना चीम्‍मी मेस्‍ये ङैदे केर्‌बे क्यम पर्‌दे ख्‍य होर्‌बेने बोङ्बे क्यम खूस्‍य।

फिलिप्पी 1:7

नमयू क्‍वाजे लागि येरे मनब ङैने ज्‍य थेको, ङैदे नमयू क्‍वाने रङ्से सेम्ने ये ख्यङ्, चेनेयलो ङ चूजो जेल नङ्ने क्यूप्प या फीने सूगब खबर तम्दम् ख्यङ् यदेबे स्‍योप्‍प मेस्‍ये विश्‍वासने बोल्यो चीम्‍मेब कामने नमयू ङैप्रे-प्रे परमेश्‍वरजे अनुग्रहने सामेल् क्‍यूर ख्यङ्।

कलस्सी 1:24

जेम्‍से नमयूजे लागि ङैदे छरङ् प्रेल्‍लीने ङ सूग्‍क्‍य, मेस्‍ये ख्रीष्‍टदे भोक्‍ते पर्‌तेब खास्या ख्यब सकस्यू ङूजे ङ्व या मण्डलीजे लागि ङ ङैजे ङ्वने भोक्‍तीदे पूरा चीक्‍क्‍य।

कलस्सी 4:18

ङ पावलदे नमयूने ङैजे लादेने अम्‍ब नमस्‍कार लिख्दीन ख्यङ्। ङ जेल‍ने ख्यङ् यब पो अन्‌-येल्‍गला ची। परमेश्‍वरजे अनुग्रह नमयूप्रे क्‍यूस्‍स्‍य।

कलस्सी 4:3

ख्रीष्‍टजे क्‍व अङ्ख्‍वब नङ्सू पो स्‍य्‍वेने मेस्‍ये वचन चेलाबे स्‍य्‍वेने परमेश्‍वरदे ङीने ख्‍यो पूक्‍मीस्‍य यदेबे ङीजे लागि प्रार्थना ची, अम्‍बजे लागि ङ जेल‍ने पर्‌दीक ख्यङ्,

२ तिमोथी 1:16

प्रभूदे ओनेसिफरसजे म्हीतीने कृपा चीम्‍मीस्‍य, चेनेयलो ङूदे ङैने कूमफे बोङ् पीन्‍दे, मेस्‍ये ङ जेलने पर्‌तेब पोने ङू अन्त्‍वा ख्य।

२ तिमोथी 1:8

होरेक्‍यूत्‍देबे ङीन प्रभुजे गवाही पीनने, ङ कैदने टूङब पो स्‍य्‍वेने कलङ्बेये अन्‍त्‍वालाची, तर परमेश्‍वरजे बोङ्दे सूगब खबर स्‍य्‍वेने प्रब छरङ् प्रेल्‍लीने हम्‍ब काम चीन्‍नू।

फिलेमोन 1:1

येशू ख्रीष्‍टजे लागि कैदने टूनब ङ पावल मेस्‍ये च्योन् तिमोथीदे,

फिलेमोन 1:23

येशू ख्रीष्‍टजे लागि ङैप्रे-प्रे कैदने टूनब ख्‍योन् इपाफ्रासदे नने नमस्‍कार येबे ख्यङ्।

फिलेमोन 1:9

प्रेमजे कारणदे ङ नने बरू बिन्‍ती चीक्क्य- ङ, कम्‍ब क्‍यूरेब पावल होर्‌दे येशू ख्रीष्‍टजे लागि दीनी कैदने टूनब मी त्‍या-

प्रकाश 2:10

नै फ्‍याने रमल्‍नब सकस्यूप्रे अम्‍फलाची। ले, नमयूजे विश्‍वास जाँच‍तेने नमयू नङ्जे कोइ मीयूने शैतानदे कैदने चङमल्‍न ख्यङ्, मेस्‍ये नमयूने च्‍यूर्‌यासेमेत्‍या सकस् क्‍यूक्‍क्‍य। न सीब पर्‌तीलीने विश्‍वास चेब क्‍यूरो, मेस्‍ये ङैदे नने जीयाजे मुकुट पीन्‍क्‍य।