एफिसी 2:6 - घले नयाँ करार

⁶ मेस्‍ये ङूप्रेने ङीननेये लङ्दे, होर्‌दे स्‍वर्गजे नेयूने ख्रीष्‍ट येशूप्रे टूङ्सेपीन्‍दे।

एफिसी 2:6 ပူးပေါင်းရင်းမြစ်များ

मत्ती 26:29

ङ नमयूने यीय, कम्‍ब दीन्सेमे ङैजे पजे राज्‍यने नमयूप्रे अम्‍बने सर् चीत्‍देबे अन्‍थूङ्दासेमे ङ अङ्‍गुरजे अम्‍ब सीदे फेरि थूङ्स्‍ये त्‍वो।”

लूका 12:37

कीम्नोबो रब त्वोयू चङ्‍ख क्‍यूत्‍देबे टूनब तूरलो, थमयूदे असी प्रेक्‍क्‍य। तम्दम्‍ने ङ नमयूने यीय, ङूदे रङ्से कूच्‍यू बोल्‍यो ख्‍यादेबे थमयूने चसे चने टूङ्से पीन्‍क्‍य, मेस्‍ये रदेबे थमयूजे सेवा चीक्‍क्‍य।

यूहन्‍ना 12:26

सूमीदे ङैजे सेवा चीक्‍क्‍य हम्‍ब ङै ङ्ये ङ्ये रस्‍य, मेस्‍ये ङ केने क्‍यूक्‍क्‍य, ङैजे सेवा चेबये होनेने क्‍यूक्‍क्‍य। सूदे ङैजे सेवा चीक्‍क्‍य पदे ङूने गेसेन् चीक्‍क्‍य।

यूहन्‍ना 14:3

होर्‌दे ङ प्रदेबे नमयूजे ने तयार चीक्‍क ङ्येदे ङ फेरि ल्‍वारीय, होर्‌दे नमयूने ङ टूङब नेने कूबीय, केने ङ क्‍यूक्‍क्‍य, होने नमयूये क्‍यूक्‍क्‍य।

एफिसी 1:1

परमेश्‍वरजे इच्‍छादे ख्रीष्‍ट येशूजे मूल स्यूस्स्या ङ पावलदे, एफिससने ख्‍यब ख्रीष्‍ट येशूने विश्‍वास चेब परमेश्‍वरजे पवित्र मीयूने अम्‍ब चिट्ठी लिख्दीन ख्यङ्:

एफिसी 1:3

ङीन प्रभु येशू ख्रीष्‍टजे प परमेश्‍वरजे जै-जै क्‍यूस्‍स्‍य, ङूदे ङीनने स्‍वर्गजे नेयूने साप्‍ता आत्माजे असीदे ख्रीष्‍ट ङीनप्रे क्‍यूत्‍देबे असी पीन ख्यङ्।

एफिसी 2:10

ङीन ज्‍य कामजे लागि ख्रीष्‍ट येशूने क्‍यूत्‍देबे बन्‍दीयेब ङूजे लाजे सीप ख्यङ्। ङीन हम्‍ब अनुसार प्रस्‍य यब कारणदे परमेश्‍वरदे खूम्‍देमेस्‍येने हम्‍ब तयार चीदे ख्‍य।

एफिसी 2:13

तर नमयू, सू हम्‍ब बीलने ख्रीष्‍ट येशूट्‍यादे चीन्तङ् ख्‍य, जेम्से ख्रीष्‍टजे कादे ट्‌याने क्‍यूर ख्यङ्।

कलस्सी 1:18

ङू मण्डलीजे ट ख्यङ् होर्‌दे ङूजे ङ्वब मण्डली ख्यङ्, साप्‍ता थोक‍जे सुरु ङू ख्यङ्, साप्‍ता थोक‍यू नङ्ने ङू पात्‍ता केन् क्‍यूस्‍स्‍य यदेबे सीयेबयू नङ्ने पात्‍ता खूम सोम्‍बो क्‍यूरब ङूने ख्यङ्।