एफिसी 2:4 - घले नयाँ करार

⁴ तर परमेश्‍वर, बेस्से कृपा चेब ख्यङ्, ङूदे रङ्सेजे बेस्से केन् प्रेम चीत्‍देबे ङीनने ङ्‍येम्‍दे,

एफिसी 2:4 ပူးပေါင်းရင်းမြစ်များ

लूका 1:78

ङीन परमेश्‍वरजे कृपाजे कारणदे स्‍वर्गजे नप्‍जे ओथ्याङ् ङीन ङने पर्‌दीय,

रोमी 10:12

चेनेयलो यहूदी मेस्‍ये यहूदी तेब मीने चेत्‍याये फरक त्‍वो। क्‍वाजेने परमेश्‍वर तीत्‍यात्‍या ख्यङ्, मेस्‍ये ङूने गोमब क्‍वाने ङूदे बेस्‍से असी पीन्क्‍य।

रोमी 2:4

या परमेश्‍वरजे कृपादे नने पश्‍चात्ताप चीत्‍देबे ज्‍य लम्‍ने स्‍योल्‍क्‍य यब पो था अम्‍प्रेत्‍देबे, नदे परमेश्‍वरजे दया, सैदीन ख्‍वब बोङ्ने, अन्-आ‍तीलाबे रेन्‍न ख्‍वाब बोङ्ने चैकम्दे मनऔ?

रोमी 5:8

तर ङीन पापी ख्यङ्बने परमेश्‍वरदे ख्रीष्‍ट ङीनजे लागि सीबने कूल्‍बीदे मेस्‍ये ङीनने चीम्‍मेब ङूजे प्रेम येरे तन्‍दे।

रोमी 9:23

कादेये रङ्से महिमाजे लागि खूम्‍मेस्‍येने तयार चीत्‍देब ङूजे कृपा प्रेब मीयूने रङ्से महिमाजे सम्पत्ति तनने ङूदे येरे चीत्‍दे।

एफिसी 1:7

ङूजे सोरो केन् अनुग्रह अनुसार ख्रीष्‍टजे कादे ङीन ख्रीष्‍टने क्‍यूत्‍देबे उद्धार, ङीनजे पापजे क्षमा प्रेक्क्य,

एफिसी 2:7

अम्‍बब नङ्‍गजे जूग्‍यूने ङूजे अनुग्रह मेस्ये दयाजे बेस्‍से कूम सम्पत्ति ख्रीष्‍ट येशूने क्यूत्देबे ङीनने तम्‍मेने ख्यङ्।

एफिसी 3:8

परमेश्‍वरजे पवित्र मीयूनङ्जे ङ सोरो चीद ख्यङ्लीने ख्रीष्‍टजे बे‍स्‍से कूम सम्पत्तिजे सूगब खबर यहूदी तेब मीयूने स्‍य्‍वेब बर परमेश्‍वरदे ङैनेने पीन्‍दे।

२ थेसलोनिकी 2:13

तर प्रभुदे प्रेम चेब अत-अची च्योन्‌यू नमयूजे लागि ङीयूदे परमेश्‍वरने येतार्‌ने धन्‍यवाद पीनने परदे ख्यङ्, चेनेयलो खूम्‍देमेस्‍येने पवित्र आत्मादे पवित्र चीत्‍देबे मेस्‍ये तम्दम् पोने विश्‍वास चीत्‍देबे मुक्ति प्रेने परमेश्‍वरदे नमयूने सेल ख्यङ्।

१ तिमोथी 1:14

ख्रीष्‍ट येशूने ख्‍यब विश्‍वास मेस्‍ये माया प्रे-प्रे ङीन प्रभुजे अनुग्रह ङैजे लागि बेस्‍से कूम फैम्‍मीदे।

२ तिमोथी 1:9

परमेश्‍वरदेने ङीनने उद्धार चीम्‍मीदे, रङ्से मी चेने कोदे। अम्‍बब ङीनदे चेब कामदे दी, तर ङूजे रङ्सेजे उदेश्य मेस्‍ये अनुग्रहदे चे ख्यङ्। हम्‍ब ङूदे ख्रीष्‍ट येशूने जूग्‍दे-जूग्‍मेस्‍येने ङीनजे लागि पीने ख्‍य,

१ पत्रुस 1:3

ङीन प्रभू येशू ख्रीष्‍टजे प परमेश्‍वरने जै-जै क्यूस्स्य। परमेश्‍वरदे रङ्सेजे सोरो केन् कृपादे चीत्‍देबे, येशू ख्रीष्‍टने सीयेबदे सोम्‍बो चीम्‍मीदेबे ङीनने कलङ्बेये अन्जेनब जीया प्रेब आशाजे लागि सर्‌ जुनि पीन ख्यङ्।