एफिसी 2:20 - घले नयाँ करार

²⁰ हम्‍ब कीम्-म्हीतीब मूल स्यूस्स्यायू मेस्‍ये अगमवक्तायूजे जा-फ्‍याने चोदेबे बन्‍दे ख्यङ्, मेस्‍ये मूख्‍य सूर्-लूङ्ब ख्रीष्‍ट येशू रङ्सेने ख्यङ्।

एफिसी 2:20 ပူးပေါင်းရင်းမြစ်များ

मत्ती 16:18

ङ नने यीय, न पत्रुस ख्यङ्। ङ ङैजे मण्डली अम्‍ब पोलोम् फ्‍याने बन्‍दीय, मेस्‍ये नरकजे ख्‍योयू हम्‍ब फ्‍याने ट्‌या खूस्‍ये त्‍वो।

मत्ती 21:42

येशूदे थमयूने यदे, “नमयूदे धर्मशास्‍त्रने लिख्दीयेब पो कलङ्बेये अन्छ्‌य्‍वे? ‘कम्‍ब लूङ् कीम् थ्‍याब मीयूदे काम अन्लादी यदेबे छाबे ख्‍य, हम्‍ब लूङ्ने कूनजे जा प्वेब सूर्‌जे लूङ् क्‍यूत्‍दे, येरे परमप्रभुदेने क्यूस्से पीनख्यङ्, ङीनजे लागि अम्‍ब सोरो हार्‌मन्‍देब पो ख्यङ्।’

१ कोरिन्थी 12:28

परमेश्‍वरदे मण्डलीने पात्‍ता खूम् मूल स्यूस्स्यायू, होर्‌दे ङ्येदे अगमवक्तायू, होर्‌देङ्येदे छ्‌योम्‍मेबयू, होर्‌दे हार्‌मन्‍देब काम चेबयू, मेस्‍ये नवयूने तम् चीम्‍मे ख्‍वब बर प्रेबयू, दोङ्मेबयू, मण्डलीने चेलाबे चचो-पचो चे ख्‍वबयू, सूजो-के क्‍यम ख्‍वब बर प्रेबयूने सेल्‍दे येम्‍मे ख्यङ्।

गलाती 2:9

याकूब, पत्रुस मेस्‍ये यूहन्‍ना मीयूब मण्डली थम्‍दीनब थमयूप्र ख्‍य, थमयूदे ङैफ्‍याने क्‍यूरब परमेश्‍वरजे अनुग्रह था प्रेङ्येदे ङैने मेस्‍ये बारनाबासने सङ्गतिजे केन् कामजे जिम्मा पीन्दे। ङीयूब यहूदी तेब मीयूट्‌याने प्रब मेस्‍ये थमयूब खतना चीक्‍कबयू ट्‌याने प्रब यदेबे थमयूदे पक्‍क चीत्‍दे।

एफिसी 3:5

हम्‍ब खूम पुस्ताजे मीयूने था अम्‍पीन ख्‍य, दीनी अम्‍ब पो ङूजे पवित्र मूल स्यूस्स्या मेस्‍ये अगमवक्तायूने पवित्र आत्मादे तम्‍मे ख्यङ्।

कलस्सी 2:7

नमयूने लोम्येब पो अनुसार‌ येशूने चेलाबे छ-च्‍वोदेबे ङू-फ्याने रङ्सेजे जीया चब क्यूरो। होर्‌दे विश्‍वासने सोरो बोल्यो क्‍यूत्‍देबे कलङ्नेयली ङूने धन्‍यवाद पीन्‍नब क्‍यूरो।

१ पत्रुस 2:6

चेनेयलो धर्मशास्‍त्रने येये ख्यङ्, “ले! सेलेब मेस्‍ये कूम लूजे सूर् लूङ् त्‍या सियोनने येक्‍क्‍य। सूदे ङू फ्‍याने विश्‍वास चीक्‍क्‍य हम्‍बदे कलङ्बेये त्‍वा अम्‍पर्‌ती।”

प्रकाश 21:14

हम्‍ब सहरने ख्‍यब पङ्‍रीजे जा बाह्र ओटा ख्‍य। हम्‍ब जायू-फ्‍याने थुमाजे मूल स्यूस्स्यायू त्‍या-त्‍याजे मीन् लिख्दीये ख्‍य।