एफिसी 2:10 - घले नयाँ करार

¹⁰ ङीन ज्‍य कामजे लागि ख्रीष्‍ट येशूने क्‍यूत्‍देबे बन्‍दीयेब ङूजे लाजे सीप ख्यङ्। ङीन हम्‍ब अनुसार प्रस्‍य यब कारणदे परमेश्‍वरदे खूम्‍देमेस्‍येने हम्‍ब तयार चीदे ख्‍य।

एफिसी 2:10 ပူးပေါင်းရင်းမြစ်များ

मत्ती 5:16

येरप्रने नमयूजे ओथ्याङ् मीयूजे खूम्‍ने चेम्कीदीस्य, मेस्‍ये नमयूजे ज्‍य काम थमयूदे तङ्स्‍य होर्‌दे स्वर्गने ख्‍यब नमयूजे पजे महिमा क्‍यूस्स्‍य।

यूहन्‍ना 3:21

तर सत्य पो मन्‍दे मीब ओथ्याङ्ने रीय मेस्‍ये येर्‌बे ङूजे काम परमेश्‍वरने चेब ख्यङ् यब पो छाङ्लाङ्गे तङ्‍क्य।

मूल स्यूस्स्यायूजे कामजे किताब 9:31

होर्‌देङ्येदे पूरा यहूदिया, गालील मेस्‍ये सामरियाजे का-मुलुक‍जे मण्डलीने ढूक्‍क क्‍यूत्‍दे। प्रभुजे स्यूस्स्यायूदे पवित्र आत्मादे सान्त्वना प्रेत्‍दे। मण्डलीजे उन्‍नती क्‍यूत्‍दे। मेस्‍ये कूम मीयूदे येशूने विश्‍वास चीत्‍दे।

मूल स्यूस्स्यायूजे कामजे किताब 9:36

योप्‍पा सहरने तबीता, यब प्रभुने विश्‍वास चेब स्यूस्स्या मदीत्या ख्‍य। ग्रीक केने ङूने डोरकास य ख्‍य अम्‍बजे अर्थ फर्‌क्य ख्यङ्। ङू येतार्‌ने दूख्‍प्रेयूने पीन्‍देबे साक्‍तीन ख्‍य।

रोमी 8:1

येरेक्‍यूत्‍देबे जेम्से ख्रीष्‍ट येशूने ख्‍यब मीयूने दण्ड पीनब आज्ञा त्‍वो।

रोमी 8:29

सू-सूने ङूदे खूम्‍देमेस्‍येने सेल ख्यङ्, ङूदे थमयूने रङ्से चप्रने क्‍यूरने कूम च्योन्‌यू नङ्ने ख्रीष्‍ट जेठ क्यूस्स्ये पीनने खूम्‍मेस्येने खेर्‌दीपीदे।

१ कोरिन्थी 3:9

चेनेयलो ङीन परमेश्‍वरजे काम प्रे-प्रे फरब मीयू ख्यङ्, नमयूब परमेश्‍वरजे रङ् ख्यङ्, मेस्‍ये परमेश्‍वरजे कीम् ख्यङ्।

२ कोरिन्थी 5:17

येरेक्‍यूत्‍देबे कोइदे ख्रीष्‍टने विश्‍वास चेख्यङ्लो हम्‍ब सर्‌ सृष्‍टि ख्यङ्। मीयूङ्जे ङीङ् जीया मेले ख्यङ्, जेम्‍से सर्‌ जीया सुरु क्यूर ख्यङ्।

२ कोरिन्थी 5:5

होरदे परमेश्‍वरदेने अम्‍ब पोजे लागि ङीने तयारी चीम्‍मे ख्यङ्, ङूदे बैनाजे रूप्‍ने पवित्र आत्‍मा ङीने पीङ्क ख्यङ्।

२ कोरिन्थी 9:8

परमेश्‍वरदे नमयूने थर्‌-थर्‌जे असीयू बेस्‍से कूम पीन खूइय, येरेक्‍यूत्‍देबे येतार्‌ने नमयूप्रे थर्‌-थर्‌जे सेयू बेस्‍से कूम क्‍यूस्‍स्‍य, मेस्‍ये सोरो ज्‍य थर्‌-थर्‌जे कामयूजे लागि नमयूदे बेस्‍से कूम पीन खूस्‍य।

गलाती 6:15

खतना चेबे खतना अन्चेब केन् पो दी, तर सर् सृष्‍टिब केन् पो ख्यङ्।

एफिसी 1:1

परमेश्‍वरजे इच्‍छादे ख्रीष्‍ट येशूजे मूल स्यूस्स्या ङ पावलदे, एफिससने ख्‍यब ख्रीष्‍ट येशूने विश्‍वास चेब परमेश्‍वरजे पवित्र मीयूने अम्‍ब चिट्ठी लिख्दीन ख्यङ्:

एफिसी 1:4

संसार सृष्‍टि क्‍यूरयली खूम्‍देमेस्‍येने परमेश्‍वरदे ख्रीष्‍टने क्यूत्देबे ङीनने प्रेम चीत्दे मेस्ये ङूजे खूम्ने पवित्र मेस्‍ये चैत्‍याये दोष त्‍वब क्यूरने सेल्‍दे।

एफिसी 2:13

तर नमयू, सू हम्‍ब बीलने ख्रीष्‍ट येशूट्‍यादे चीन्तङ् ख्‍य, जेम्से ख्रीष्‍टजे कादे ट्‌याने क्‍यूर ख्यङ्।

एफिसी 2:15

मेस्‍ये ङूदे मोशाजे नियमने मेस्ये हम्‍बजे आज्ञायू मेस्‍ये धर्मजे-छ्‌याप्‍यूप्रेने रङ्से ङ्वने खारेज चीत्दे, यी अम्‍ब यहूदीप्रे यहूदी तेब ङ्हीजे सट्‍टने ङू रङ्सेने क्‍यूत्‍देबे मी सर् त्‍या क्यूस्स्‍य, मेस्‍ये येर्‌बे शान्ति क्‍यूस्‍स्य।

एफिसी 2:2

हम्‍ब बीलने नमयू संसारने पाप चीत्‍देबे प्रख्‍य। नमयूदे मूजे शक्तिने नोबो मन्‍देख्‍य। परमेश्‍वरने अम्‍मन्‍देब मीयूने ङूदे दीनी रङ्सेजे काबुने ये ख्यङ्।

एफिसी 2:6

मेस्‍ये ङूप्रेने ङीननेये लङ्दे, होर्‌दे स्‍वर्गजे नेयूने ख्रीष्‍ट येशूप्रे टूङ्सेपीन्‍दे।

एफिसी 4:1

ङ प्रभुजे लागि झ्यालखान‍ने टूङब कैदी त्‍या ख्यङ्, नमयूने बिन्ती चीक्‍क्‍य, यी प्रभुदे चेकामजे लागि नमयूने क्‍व ख्यङ् हम्‍ब मफीजे जीया च।

एफिसी 4:24

मेस्‍ये परमेश्‍वर प्रने तम्दम्जे धर्मी मेस्ये पवित्र क्‍यूरने सृष्‍टि चीतेबजे सर् स्वभावने टेल्।

फिलिप्पी 1:6

नमयूजे अन्‍द्रने ज्‍य काम सुरू चेब परमेश्‍वर‍देने येशू ख्रीष्‍ट रब दिन‍ने हम्‍ब पूरा चीक्‍क्‍य यदेबे ङैने पक्‍क ख्यङ्।

फिलिप्पी 2:13

चेनेयलो नमयू फ्याने परमेश्‍वरदे येतार्‌ने काम चीन्‍न ख्यङ्। ङूदेने नमयूने ङूजे उदेश‍य पूरा चेने सेम् मेस्‍ये बोङ् पीन्क्य।

कलस्सी 1:10

येरे ङूने बेस्‍से सूग्‍ला चेने नमयूदे प्रभुने सेम् पर्‌देब जीया चदेबे सोरो ज्‍य कामयूने फलीफप् क्‍यूत्‍देबे परमेश्‍वरजे ज्ञानने नमयू बोल्यो क्‍यूक्‍के खूस्‍स्‍य।

कलस्सी 3:10

मेस्‍ये सर् स्वभाव प्रेक्‍क ख्यङ्, हम्‍ब स्वभाव सृष्‍टि चेब परमेश्‍वरजे रूप् अनुसार‌ ज्ञानने सर् क्‍यूप्‍पीन ख्यङ्।

२ थेसलोनिकी 2:17

नमयूजे सेम्ने सान्त्वना पीन्स्य मेस्ये साप्‍ता ज्‍य काम होर्‌दे वचनने नमयूजे सेम् बोल्‍यो चीम्‍मीस्‍य।

१ तिमोथी 2:10

तर सोरो ज्‍य काम चीत्‍देबे ज्य तङब क्यूरो, हम्‍ब परमेश्‍वरने मन्‍देब मदीयूने पोय।

१ तिमोथी 5:10

अम्‍ब प्रेने ङूदे ज्‍य काम चेब, च-चीमीने चेलाबे छर्‌कब, ङ्योव-डोम्‍बयूने गेसेन् चीस्‍से रब, होर्‌दे परमेश्‍वरजे पवित्र मीयूजे तोप् ठूदेबे सेवा चीक्‍कब मेस्‍ये दूख्‍प्रेयूने तोङ्मीकब मेस्ये येरप्रने ज्‍य कामयू चेने सेम् चीन्‍नब यदेबे गवाही क्‍यूर पर्‌दीय।

१ तिमोथी 5:25

हेरप्रने ज्‍य कामयू चेलाबेने तङ्क्‍य, कम्‍ब तङ अङ्ख्‍व ख्यङ्, हम्‍बये नङ्सू चे अन्खू।

१ तिमोथी 6:18

थमयूदे ज्‍य काम चीस्‍स्‍य, मेस्‍ये ज्‍य कामयू चीत्‍देबे फ्‍योबो क्‍यूस्स्य, सेम् यङ्लाबे हर्‌जो क्यून्‍नबयूने पीनजे लागि येतार्‌ने तयार क्यूरो।

२ तिमोथी 2:21

कादेये नदे रङ्सेने शुद्ध येल्‍लो परमेश्‍वरदे नने मान् गेसेन् चेब काम‍जे लागि चील्‍ले खूइय। नैजे जीया शुद्ध येन् मेस्‍ये कीम् नोबोजे लागि शुद्ध, काम लादेब, सूजो साप्‍ता ज्‍य कामजे लागिने तयार क्‍यूक्क्‍य।

२ तिमोथी 3:17

येर्‌बे परमेश्‍वरजे मीयू क्‍वादेने साप्‍‍ता ज्‍य कामयू चेलाबे चे ख्‍वब सिद्ध क्‍यूस्स्‍य।

तीतस 2:14

येशू ख्रीष्‍टदे ङीनने साप्‍ता किसिमजे पापदे छुर्‌तेजे लागि रङ्से प्राणये पीन्‍दे। ङूदे ङीनने पवित्र चेने रङ्से मी बन्‍दीदे, मेस्‍ये ज्‍य काम चेने जोसीलो क्यूरने येरे चीत्दे।

तीतस 2:7

नदेने साप्‍ता पोने ज्‍य काम‍जे नमूना पीन्देबे थमयूने तन्, नैजे शिक्षाने इमान्-जेमेन् क्यूरब, मेस्ये होस्स्यार क्यूर्।

तीतस 3:1

सरकार मेस्ये सरकारजे मीयूजे हक नङ्ने टुङ पर्‌दीय यदेबे विश्‍वासीयूने लोम्‍मी। भलो चेब कर कामनेयली फरने तयार क्यूरो यदेबे थमयूने ह्‍वेरला चीम्मी।

तीतस 3:14

ङीनजे मीयू ज्‍य काम चेब लोम्स्‍य, येर्‌बे सोरो हर्‌जो पर्‌तेब बीलने थमयूदे सूजोयूने तोङ्मे खूस्‍य। थमयू चेकम्तेब जीया च अम्पर्‌तीस्य।

तीतस 3:8

अम्‍ब तम्दम् पो ख्यङ्। नदे अम्‍ब पोयूने बोङ् ची, थमयू सुदे परमेश्‍वरने विश्‍वास चे ख्यङ्, रङ्सेदे ज्‍य काम चेने येतार्‌ने चङ्‍ख क्‍यून्‍नू, चेनेयलो अम्‍ब पो मीयूजे लागि सोरो ज्‍य मेस्‍ये फाइदाजे ख्यङ्।

हिब्रू 10:24

ङीन त्‍यादे त्‍याने प्रेम चीत्‍देबे सोरो ज्‍य काम चीन्‍नजे लागि केरे बोङ् पीनखूइय यब पोयूने विचार चीदे।

हिब्रू 13:21

नमयूजे सेम्ने सोरो ज्‍य गुणयू येम्‍मीस्‍य, मेस्‍ये नमयूदे ङूजे इच्‍छा पूरा चे खूस्‍स्‍य। परमेश्‍वरने च सेम् पर्‌ते ख्यङ्, येशू ख्रीष्‍टजे मीन्‍ने परमेश्‍वरदे नमयूने हम्‍ब चीम्‍मीस्‍य। जूग् जूग् सेमेने येशूजे महिमा क्‍यून्‍नूस्‍य। आमेन।

१ पत्रुस 2:12

यहूदी तेब मीयूजे अन्‍द्रने नमयूजे आनि-बानी सोरो ज्‍य क्‍यूस्‍स्‍य। कोइदे नमयूने अन्‍ज्‍य काम फरब मीयू यदेबे नमयूजे विरुद्ध चीत्‍देबे क्‍यम्‍लीने, थमयूदे नमयूजे सोरो ज्‍य कामयू तङ्स्‍य, मेस्‍ये परमेश्‍वर न्याय चेने रब दिनने थमयूदे परमेश्‍वरजे महिमा चीस्‍स्‍य।

१ यूहन्‍ना 1:7

तर परमेश्‍वर ओथ्याङ् क्‍यूरप्रने ङीनये ओथ्याङ्ने प्रदेयलो, ङीनजे सङ्गति त्‍या त्‍याप्रे क्‍यूक्‍क्‍य, मेस्‍ये परमेश्‍वरजे च येशूजे कादे ङीनजे साप्‍ता पापने ठूदेबे शुद्ध चीक्क्य।

१ यूहन्‍ना 2:6

परमेश्‍वरप्रे ख्यङ् यब मीजे आनिबानि ख्रीष्‍टजेप्रने क्‍यूर पर्‌दीय।