8 परमेश्वरदे ङीनने हम्ब अनुग्रह बेस्से कूम पीन ख्यङ्।
च-थूङ चीतेचीते मीजे च रदे, मेस्ये थमयूदे यदे, ‘ले, क्यने स्येब, च्यी स्य्वब मी, स्यर्म लङब मी मेस्ये पापीयूजे ख्योन्!’ बुद्धि ज्य ख्यङ् यब पो ङूजे कामयूदेने गवाही तन्क्य।”
परमेश्वरजे सम्पति कर फत्या कूम! ङूजे बुद्धि मेस्ये ज्ञान सोरो कूम गहिरो ख्यङ्! ङूदे चेब न्यायने सूदे बयान चे खूइय मेस्ये ङूजे लम् सूदे था प्रे खूइय!
होरेने प्रेब बर मेस्ये अपराधने कूम फरक ख्यङ्। चेनेयलो मीत्याजे पापदे चीत्देबे कूम मीयू सीइदे यलो झन् थेप् परमेश्वरजे अनुग्रह मेस्ये मीत्याजे, या येशू ख्रीष्टने क्यूत्देबे होरेने प्रेब बर कूम मीयूजे लागि सोरो थेप् क्यूत्दे।
तर ङीदे परमेश्वरजे नङ्सू मेस्ये फूयेब बुद्धिजे प्रचार चीक्क्य, तोङ्बो जूग् खूम्मेस्येने ङीनजे महिमाजे लागि परमेश्वरदे सेल्दे।
चेनेयलो साप्ता पोने परमेश्वरजे योजना मेस्ये फैसला क्यूर ख्यङ्। परमेश्वरदे ङीनने ङूजे खुशीदे ख्रीष्टने क्यूत्देबे रङ्से मी चेने सेल्दे। अम्ब योजनाब मीयूङ्ने फैसला चीक्क ख्य।
ङूजे सोरो केन् अनुग्रह अनुसार ख्रीष्टजे कादे ङीन ख्रीष्टने क्यूत्देबे उद्धार, ङीनजे पापजे क्षमा प्रेक्क्य,
ङूजे पूरा ज्ञान मेस्ये बुद्धिने परमेश्वरदे रङ्से इच्छा पूरा चीत्दे मेस्ये ख्रीष्टने क्यूत्देबे पूरा चीक्क्य यदेबे यब नङ्सू योजना ङीनने तम्मीदे।
येर्बे मण्डलीदे परमेश्वरजे पीरी-पीरीजे ज्ञान स्वर्गजे नेयूने हुकुम चील्लेबयू मेस्ये अधिकार ख्यबयूजे अन्द्रने तम्मीस्य।
परमेश्वरजे ज्ञान मेस्ये बुद्धिजे सम्पत्ति क्वाने ख्रीष्टप्रे फूये ख्यङ्।
येशू ख्रीष्टने क्यूत्देबे ङीनने मूक्ति पीन ख्वब तीत्यात्या परमेश्वरने महिमा, मान्, शक्ति, हक जूग्-जूग्जे सुरुदेमेस्ये दीनी होर्दे नङ्गसेमे येतार्ने ङूनेने क्यून्नूस्य। आमेन।
थमयूदे के केन् योन्देबे येरे प्रू पून्न ख्य, “सेक्कब थुमा शक्ति, सोरो कूम फ्योबो, बुद्धि, बोङ्, गेसेन्, महिमा मेस्ये जै-जै प्रेब लायकजे ख्यङ्।”
