एफिसी 1:5 - घले नयाँ करार

⁵ परमेश्‍वरजे इच्‍छा अनुसार ख्रीष्‍ट येशूने क्‍यूत्‍देबे ङूदे ङीनने ङूजे छगूम्-पूर्‌गूम् क्‍यूरने खूम्‍देमेस्‍येने सेल ख्‍य,

एफिसी 1:5 ပူးပေါင်းရင်းမြစ်များ

मत्ती 1:25

मरियमदे च अम्‍प्रेत्‍दासेमे योसेफदे रङ्से कीम्‍मप्रे अन्‍ङ्‍यूम्। मरियमदे च जन्मेदेङ्‍येदे योसेफदे ङूजे मीन् येशू येत्‍दे।

मत्ती 11:26

अँ, प, चेनेयलो अम्‍ब नने सोरो ज्‍य थेदे।

लूका 10:21

हन्‍छ्वाबने पवित्र आत्माने येशू सूग्‍देबे यदे, “ओ पाइ, स्‍वर्ग प्रे पृथ्वीजे परमप्रभु, ङ नने धन्‍यवाद पीन्क्‍य, चेनेयलो नदे अम्‍ब पो बुद्धिमान मेस्ये टाठो-बाठोयूप्रे फूदेबे येत्दे मेस्ये नदे चैत्‍याये अन्‍स्येब पीचयूने स्येलाबे चीम्‍मीदे। चेनेयलो, पाइ नदे अम्‍बने ज्‍य थेदे।

लूका 11:32

निनवेजे मीयूदे न्यायजे दिन‍ने दीनीजे मीयूने दोष चीक्‍क्‍य, चेनेयलो थमयूदे योनाजे प्रचारने पश्‍चात्ताप चे ख्‍य, मेस्‍ये ले, अने त्‍या ख्यङ्, ङू योना यली केन् ख्यङ्।

लूका 12:32

“हुल चीद अम्फलाची! चेनेयलो परमेश्‍वर पदे नमयूने रङ्सेजे राज्‍य पीन्दीङ् रख्यङ्।

यूहन्‍ना 1:12

तर सू-सूदे ङूने ग्रहण चीत्दे मेस्ये ङूजे मीन्‍ने विश्‍वास चीत्‍दे, थमयूने ङूदे परमेश्‍वरजे छगूम्-पूर्‌गूम् क्‍यूरब हक पीन्‍दे।

यूहन्‍ना 11:52

देशजे लागित्‍या ङूदे अम्ब पो येक दी, तर का-मुलुक‍ने स्‍वा स्‍वा क्‍यूरेब परमेश्‍वरजे छगूम्-पूर्‌गूम्‍यू नेत्‍याने फूङ् चेने अम्ब येक ख्‍य।

यूहन्‍ना 20:17

येशूदे ङूने यदे, “ङैने अन्‍छूल्‍लाची, चेनेयलो ङ चूजोसेमे प ट्‌याने अङ्‍‍गीले ख्यङ्। तर ङैजे च्योन्‌यू ट्‌याने प्रदेबे थमयूने स्‍योम्‍मी, ‘ङैजे प मेस्ये नमयूजे प, होर्‌दे ङैजे परमेश्‍वर मेस्ये नमयूजे परमेश्‍वर ट्‌याने ङ प्रेन ख्यङ्’।”

मूल स्यूस्स्यायूजे कामजे किताब 13:48

कन्‍छ्वाब यहूदी ते मीयूदे अम्‍ब पो तदे, थमयू सूग्‍देबे परमेश्‍वरजे वचनजे सार्‌या चीत्‍दे, मेस्‍ये कलङ्बेये अन्सीबब जीयाजे लागि खूम्‍ने परमेश्‍वरदे सेलेब मीयू क्वादेने विश्‍वास चीत्‍दे।

रोमी 8:23

तर सृष्‍टित्या दी, ङी रङ्सेये, सूप्रे पवित्र आत्‍माजे पात्‍ता खूम्‍जे फल ख्यङ्, छगूम्-पूरगूम्‍जे रुप्ने ग्रहण चेने, या ङीजे ङ्वजे उद्धार क्यूरजे लागि रेन्देबे ङी रङ्सेये नङ्-नङ्ने बोल्न ख्यङ्।

१ कोरिन्थी 1:1

परमेश्‍वरजे इच्‍छादे ख्रीष्‍ट येशूजे मूल स्यूस्स्या क्‍यूर्‌ने क्‍वब पावल होरदे ङीनजे च्‍योन् सोस्‍थेनेसदे,

१ कोरिन्थी 1:21

संसारने ख्‍यब मीयूजे बुद्धिदे परमेश्‍वरने चीन्ते अङ्ख्‍व क्‍यूत्‍देबे परमेश्‍वरजे बुद्धि अनुसार ङीनदे स्‍य्‍वेब सूगब खबरजे मूर्ख पोदेने विश्‍वास चेबयूने बच्‍देने परमेश्‍वरदे ठीक ठर्‌दीदे।

२ कोरिन्थी 6:18

ङ नमयूजे प क्‍यूक्‍क्‍य, मेस्‍ये नमयू ङैजे च-चीमीयू क्‍यूक्‍क्‍य, पात्‍ता केन् परमप्रभुदे य ख्यङ्।

गलाती 3:26

चेनेयलो येशू ख्रीष्‍टने विश्‍वास चेब क्‍यूत्‍देबे नमयू क्‍वाने परमेश्‍वर‌जे छगूम्-पूर्‌गूम् क्‍यूर ख्यङ्।

एफिसी 1:11

चेनेयलो साप्‍ता पोने परमेश्‍वरजे योजना मेस्‍ये फैसला क्‍यूर ख्यङ्। परमेश्‍वरदे ङीनने ङूजे खुशीदे ख्रीष्‍टने क्‍यूत्‍देबे रङ्से मी चेने सेल्दे। अम्‍ब योजनाब मीयूङ्ने फैसला चीक्‍क ख्‍य।

एफिसी 1:9

ङूजे पूरा ज्ञान मेस्‍ये बुद्धिने परमेश्‍वरदे रङ्से इच्‍छा पूरा चीत्‍दे मेस्‍ये ख्रीष्‍टने क्‍यूत्‍देबे पूरा चीक्‍क्‍य यदेबे यब नङ्सू योजना ङीनने तम्‍मीदे।

फिलिप्पी 2:13

चेनेयलो नमयू फ्याने परमेश्‍वरदे येतार्‌ने काम चीन्‍न ख्यङ्। ङूदेने नमयूने ङूजे उदेश‍य पूरा चेने सेम् मेस्‍ये बोङ् पीन्क्य।

कलस्सी 1:19

चेनेयलो परमेश्‍वरजे साप्‍ता स्वभाव‍यू ख्रीष्‍टने क्‍यून्‍नब तङ्देबे परमेश्‍वर सोरो सूग्‍दे,

२ थेसलोनिकी 1:11

अम्‍बकारणदे ङीन्जे परमेश्‍वरदे नमयूने ङूदे क्व अनुसारजे लायकजे जीया चस्‍य, होर्‌दे ङूजे शक्तिदे साप्‍ता ज्य उदेश्य मेस्ये विश्‍वासजे काम पूरा चीम्‍मीस्‍य यदेबे ङी नमयू क्‍वाजे लागि येतार्‌ने प्रार्थना चीन्‍न ख्यङ्।

हिब्रू 2:4

परमेश्‍वरदेये च्यूनूयू, हार्‌मन्‍देत्‍या कामयू, कूम शक्‍तिजे कामयू मेस्‍ये ङूजे रङ्से इच्‍छा अनुसार‌ पवित्र आत्‍मादे पीनब बरयू पीन्‍देबे अम्‍ब मूक्ति पीनब पोजे गवाही पीन्‍दे।

१ यूहन्‍ना 3:1

ले, प परमेश्‍वरदे ङीनने कर फत्‍या माया चे ख्यङ्, परमेश्‍वरदे ङीनने ङैजे छगूम्-पूर‌्‍गूम् यदेबे य ख्यङ्, मेस्‍ये तम्दम्‍ने ङीन ङूजे छगूम्-पूर‌्‍गूम् ख्यङ्। येरेक्‍यूत्‍देबे संसारजे मीयूदे ङीनने अन्‍स्‍ये, चेनेयलो थमयूदे परमेश्‍वरने अन्‍स्‍ये।

प्रकाश 21:7

सूदे ट्‌याय हम्बदे अम्‍ब हक प्रेक्‍क्‍य, मेस्‍ये ङ थमयूजे परमेश्‍वर क्‍यूक्‍क्‍य, मेस्‍ये थमयू ङैजे च-चीमीयू क्‍यूक्‍क्‍य।