एफिसी 1:3 - घले नयाँ करार

³ ङीन प्रभु येशू ख्रीष्‍टजे प परमेश्‍वरजे जै-जै क्‍यूस्‍स्‍य, ङूदे ङीनने स्‍वर्गजे नेयूने साप्‍ता आत्माजे असीदे ख्रीष्‍ट ङीनप्रे क्‍यूत्‍देबे असी पीन ख्यङ्।

एफिसी 1:3 ပူးပေါင်းရင်းမြစ်များ

लूका 2:28

हन्‍छ्वाब शिमियोनदे पीच रङ्से पेन्‍ने थम्‍दे, मेस्‍ये परमेश्‍वरने धन्यवाद पीन्‍देबे यदे,

यूहन्‍ना 14:20

ङ ङैजे पप्रे ख्यङ्, होरप्रने नमयू ङैप्रे मेस्‍ये ङ नमयूप्रे ख्यङ् यदेबे हन्‍छ्वाब नमयूदे स्‍येय।

यूहन्‍ना 17:21

होर्‌दे थमयू क्‍वाने त्‍या क्‍यूस्‍स्‍य। ओ पाइ, न केर्‌बे ङैप्रे ख्यङ्, मेस्‍ये ङैये नैप्रे ख्यङ्, होरप्रने थमयूये ङीनप्रे क्यूस्स्य, मेस्‍ये नदे ङैने कूल्‍बे ख्यङ् यदेबे संसारदे विश्‍वास चीस्‍स्‍य।

यूहन्‍ना 20:17

येशूदे ङूने यदे, “ङैने अन्‍छूल्‍लाची, चेनेयलो ङ चूजोसेमे प ट्‌याने अङ्‍‍गीले ख्यङ्। तर ङैजे च्योन्‌यू ट्‌याने प्रदेबे थमयूने स्‍योम्‍मी, ‘ङैजे प मेस्ये नमयूजे प, होर्‌दे ङैजे परमेश्‍वर मेस्ये नमयूजे परमेश्‍वर ट्‌याने ङ प्रेन ख्यङ्’।”

रोमी 12:5

होर्‌प्रने ङीन कूम ख्यङ्लीनेये ख्रीष्‍टप्रे ङ्व त्‍या ख्यङ् मेस्‍ये ङीन क्वाने त्‍या त्‍याजे अङ्ग ख्यङ्।

रोमी 15:6

सेम्‌त्‍या क्‍यूत्‍देबे के त्‍या योन्‍देबे ङीनजे प्रभू येशू ख्रीष्‍टजे प परमेश्‍वरजे जै-जै नमयूदे चे खूस्‍य।

१ कोरिन्थी 1:30

परमेश्‍वरदे नमयूने येशू ख्रीष्‍टप्रे त्या चीम्मे ख्यङ्, मेस्ये ङूदे ख्रीष्‍टने ङीनजे ज्ञान बन्दीमीदे। ख्रीष्‍टदे ङीनने परमेश्‍वरजे खूम्ने धर्मी चीम्मीदे, ङूदे ङीनने परमेश्‍वरजे पवित्र मी चीम्मीदे, मेस्ये पाप ट्‍यादे उद्धार चीम्मीदे।

१ कोरिन्थी 12:12

केरे ङ्व तीत्‍यात्‍या ख्यङ्, मेस्‍ये हम्‍ब ङ्वने कूम अङ्गयू क्‍यूक्‍क्‍य, मेस्‍ये ङ्वजे पूरा अङ्गयू कूम क्‍यूल्‍लीने ङ्वब तीत्‍यात्‍याने क्‍यूक्‍क्‍य, ख्रीष्‍टये यरप्रने ख्यङ्।

२ कोरिन्थी 1:3

ङीनजे प्रभु येशू ख्रीष्‍टजे प-परमेश्‍वर ङीनने सोरो ङ्येमब प, मेस्‍ये साप्‍ता थर्‌जे सान्त्वना पीनब परमेश्‍वरने जै-जै क्‍यूस्‍स्‍य।

२ कोरिन्थी 11:31

प्रभु येशूजे प-परमेश्‍वरने येतार्‌ने जै-जै क्‍यून्‍नूस्‍य। ङूदे ङ लूच्‍च अन्‍क्‍यम् यदेबे स्‍ये ख्यङ्।

२ कोरिन्थी 5:17

येरेक्‍यूत्‍देबे कोइदे ख्रीष्‍टने विश्‍वास चेख्यङ्लो हम्‍ब सर्‌ सृष्‍टि ख्यङ्। मीयूङ्जे ङीङ् जीया मेले ख्यङ्, जेम्‍से सर्‌ जीया सुरु क्यूर ख्यङ्।

२ कोरिन्थी 5:21

चेनेयलो ङीन ख्रीष्‍टप्रे क्‍यूत्‍देबे परमेश्‍वरजे खूम्ने धर्मी ठर्‌ते खूस्‍य यदेबे पापने अन्‍स्‍येब ख्रीष्‍टने परमेश्‍वरदे ङीनजे पापजे बलि क्यूस्से पीन्‍दे।

गलाती 3:9

अब्राहामदे परमेश्‍वरने विश्‍वास चीत्‍देबे असी प्रेप्रने परमेश्‍वरने विश्‍‍वास चेब मीयूदेये असी प्रेक्‍क्‍य।

एफिसी 1:10

होर्‌दे बील पूरा क्‍यूर जेन ङ्येदे स्‍वर्ग मेस्‍ये पृथ्वीने ख्‍यब साप्‍ता थोक‍यूदे ख्रीष्‍टजे हुकुम मन्‍दीस्‍य।

एफिसी 1:17

ङ प्रार्थना चीन्‍नीय, ङीनजे प्रभु येशू ख्रीष्‍टजे परमेश्‍वर, महिमाजे पदे नमयूने परमेश्‍वरजे बारेने था प्रेब बुद्धि मेस्‍ये तङख्‍वब आत्मा पीन्स्‍य।

एफिसी 1:20

हम्ब शक्तिदेने सीयेबदे ख्रीष्‍टने सोम्‍बो चीत्‍दे, होर्‌दे ङूने स्‍वर्गजे नेयूने परमेश्‍वरजे स्‍येत्‍तेयोर् टूङ्सेपीन्‍दे।

एफिसी 2:6

मेस्‍ये ङूप्रेने ङीननेये लङ्दे, होर्‌दे स्‍वर्गजे नेयूने ख्रीष्‍ट येशूप्रे टूङ्सेपीन्‍दे।

एफिसी 3:10

येर्‌बे मण्डलीदे परमेश्‍वरजे पीरी-पीरीजे ज्ञान स्‍वर्गजे नेयूने हुकुम चील्‍लेबयू मेस्‍ये अधिकार ख्‍यबयूजे अन्‍द्रने तम्‍मीस्‍य।

एफिसी 6:12

जीङब ङ्व प्रे काजे विरुद्धने नमयू दी, तर मूने ख्यब शक्तियू मेस्‍ये दुष्‍ट हुकुम चील्‍लेबयूजे विरुद्धने, होर्‌दे मून्दूङ् जूग्‍जे हुकुम चील्‍लेयू, हक चील्‍लेबयू, मेस्ये मूजे दुष्‍ट आत्मायूजे विरुद्धने ख्यङ्।

फिलिप्पी 2:11

मेस्‍ये प परमेश्‍वरने महिमा पीनजे लागि क्‍वाजे ङूर्‌‌दे येशू ख्रीष्‍ट प्रभु ख्यङ् यदेबे स्वीकार चे पर्‌तीय।

हिब्रू 8:5

थमयूदे स्‍वर्गने ख्‍यब पवित्र नेजे के-थादेबे होने चेप्र सेवा अनेये चीक्‍क्‍य, चेनेयलो मोशादे पवित्र पाल‌-कीम् बन्‍दे-मेल्‍नूब परमेश्‍वरदे येर आज्ञा मोशाने पीन्‍दे, “नने ङैदे गङ्ने तम्‍मेब नमूना अनुसार नदे साप्‍ताने बन्‍दी।”

हिब्रू 9:23

कादेये स्‍वर्गने ख्‍यब सेयूजे के-थाब पोयूने शुद्ध चेने येर छ्‍यप्‌यू चैतीदेयलो, स्‍वर्गजे सेयूने शुद्ध चेनेब सोरो थेप् ज्‍य बलिजे हर्‌जो पर्‌तीदे।

१ पत्रुस 1:3

ङीन प्रभू येशू ख्रीष्‍टजे प परमेश्‍वरने जै-जै क्यूस्स्य। परमेश्‍वरदे रङ्सेजे सोरो केन् कृपादे चीत्‍देबे, येशू ख्रीष्‍टने सीयेबदे सोम्‍बो चीम्‍मीदेबे ङीनने कलङ्बेये अन्जेनब जीया प्रेब आशाजे लागि सर्‌ जुनि पीन ख्यङ्।