एफिसी 1:20 - घले नयाँ करार

²⁰ हम्ब शक्तिदेने सीयेबदे ख्रीष्‍टने सोम्‍बो चीत्‍दे, होर्‌दे ङूने स्‍वर्गजे नेयूने परमेश्‍वरजे स्‍येत्‍तेयोर् टूङ्सेपीन्‍दे।

एफिसी 1:20 ပူးပေါင်းရင်းမြစ်များ

मत्ती 26:64

येशूदे ङूने यदे, “नदेने येन ख्यङ्, होरनेयली नमयूने ङ यीय, नङ्‍ग नमयूदे मीजे च सर्वशक्तिमान परमेश्‍वरजे स्येत्‍तेयोर् टूङ्देबे स्वर्गदे मूक्‍पने रेनब तङ्क्‍य।”

मत्ती 28:18

होर्‌दे येशू थमयू ट्‌याने रदेबे यदे, “स्वर्ग प्रे पृथ्वीजे साप्‍ता हक ङैने पीने ख्यङ्।

मर्कूस 14:62

येशूदे यदे, “अ, ङ ख्यङ्। त्‍याफे नमयूदे मीजे चने सर्वशक्तिमान परमेश्‍वरजे स्येत्‍तेयोर्‌ टूनब मेस्‍ये मूने ख्यब मूक्‍पयूप्रे रेनब तङ्‌क्‍य!”

मर्कूस 16:19

प्रभु येशू स्यूस्स्यायूप्रे बात्‍से जेनङ्‌येदे ङू स्‍वर्गने कूदीदे मेस्‍ये परमेश्‍वरजे स्येत्‍तेयोर्‍दे टून ख्यङ्।

यूहन्‍ना 10:18

सूदेये ङैजे प्राण कीन अन्‍खू, तर ङ रङ्सेजे इच्छादे रङ्सेजे प्राण पीन्‍क्‍य। रङ्सेजे प्राण पीनब हक ङैने ख्यङ्, होर्‌दे फेरि कीन ख्‍वब हकये ङैने ख्यङ्। अम्‍ब आज्ञा ङैजे पदे ङैने पीन ख्यङ्।”

यूहन्‍ना 10:30

प प्रे ङ त्‍या ख्यङ्।”

मूल स्यूस्स्यायूजे कामजे किताब 10:40

तर परमेश्‍वरदे तेस्रो दिनने येशूने सोम्‍बो चीत्‍देबे लङ्दे, मेस्‍ये ङूने तङ्लाबे चीम्मीदे,

मूल स्यूस्स्यायूजे कामजे किताब 26:8

परमेश्‍वरदे सीयेब मीयूने सोम्‍बो चीक्‍क्‍य यब पो चेने नमयू सूदेये अम्‍पत्‍‍ते?

मूल स्यूस्स्यायूजे कामजे किताब 4:10

नमयू क्वादेने मेस्‍ये इस्राएलजे मीयू क्वादेने था क्‍यूस्‍स्‍य, यी नमयूदे क्रूसने खील् ठोक्‍दीदे खेयेब, मेस्‍ये परमेश्‍वरदे सीयेबदे फेरि सोम्‍बो चीम्मेब, हम्‍ब नासरतजे येशू ख्रीष्‍टजे मीन्‍ने अम्‍ब मी नमयूजे खूम्‍नेने तम् क्‍यूत्‍देबे मेर्‌न ख्यङ्।

मूल स्यूस्स्यायूजे कामजे किताब 5:31

परमेश्‍वरदे इस्राएलजे पश्‍चात्तापजे लागि मेस्‍ये पापयूजे क्षमा पीनने ङूने मूरूम् मेस्‍ये मुक्ति पीनब बन्‍दीदेबे रङ्सेजे स्येत्‍तेयोर् हीत्‍दे।

रोमी 1:4

ङीनजे प्रभू येशू ख्रीष्‍ट सीयेबदे फेरि सोम्‍बो क्यूत्देबे पवित्र आत्माजे शक्तिने परमेश्‍वरजे च ख्यङ् यदेबे ठर्‌तीकदे।

रोमी 8:34

होर्‌दे थमयूने सूदे दण्डजे आज्ञा पीन खूइय? चेनेयलो ख्रीष्‍ट थमयूजे सट्‍टने दण्ड भोक्‍तीदेबे सीये ख्यङ्। ङू सीये त्‍या दी, अम्‍ब यली केन् काम सीयेबदे फेरि सोम्‍बो चीम्मीदे। चूजो ङू परमेश्‍वरजे स्येत्‍तेयोर् टूङ्देबे राज्‍य चील्‍लीन ख्यङ्। होर्‌दे ङूदे ङीनजे लागि परमेश्‍वरप्रे बिन्तीये चीन्‍न ख्यङ्।

एफिसी 1:3

ङीन प्रभु येशू ख्रीष्‍टजे प परमेश्‍वरजे जै-जै क्‍यूस्‍स्‍य, ङूदे ङीनने स्‍वर्गजे नेयूने साप्‍ता आत्माजे असीदे ख्रीष्‍ट ङीनप्रे क्‍यूत्‍देबे असी पीन ख्यङ्।

फिलिप्पी 3:10

ङैदे ख्रीष्‍टने मेस्‍ये ङूने सीइदेबे फेरि सोम्‍बो क्‍यूरब शक्तिने चेलाबे स्‍ये खूस्‍य। ङ ङूजे दु:खने सामेल् क्यूत्देबे ङू सीयेब बीलसेमेने ङ ख्रीष्‍टप्रने क्यूत्दीङ् र ख्यङ्।

कलस्सी 1:16

चेनेयलो ख्रीष्‍टप्रे क्‍यूत्‍देबे परमेश्‍वरदे स्वर्ग मेस्‍ये पृथ्वीने ख्‍यब साप्‍ता थोकयू, म्‍यादे तङ ख्‍वब मेस्ये तङ अङ्ख्‍वब थोकयू, या आत्‍माजे शक्तियू, मालिकयू, हुकुमयू मेस्‍ये हकयू सृष्‍टि चीत्‍दे। अम्‍ब टक्कने परमेश्‍वरदे ख्रीष्‍टप्रे क्‍यूत्‍देबे ख्रीष्‍टजे लागिने सृष्‍टि चीम्‍मीदे।

कलस्सी 3:1

कादेये नमयू ख्रीष्‍टप्रेने जीया च ख्यङ् यलो स्‍वर्गजे पोयू मल्, होयाने ख्रीष्‍ट परमेश्‍वरजे स्येत्‍देयोर्‌ टून ख्यङ्।

हिब्रू 1:3

परमेश्‍वरने ख्‍यब महिमाजे रूप् चने तङ्क्‍य मेस्‍ये परमेश्‍वरजे स्‍वभावयू क्‍वाने ङूप्रे ख्यङ्, होर्‌दे अम्‍ब संसारने ख्‍यब साप्‍ता सेयू रङ्से शक्‍तिजे वचनदे रङ्से रङ्से नेने छ्‌यान ख्यङ्। मीयूजे पापने क्षमा पीन जेन ङ्येदे महिमाने ख्‍यब परमेश्‍वरजे स्येत्‍देयोर्‌ देन् छ्‍यादे।

हिब्रू 10:12

तर ख्रीष्‍टदे पापयूजे लागि येतार्‌ने पूक्‍तेब तीत्‍यात्‍या बलि पीन्‍दे, होर्‌दे ख्रीष्‍ट परमेश्‍वरजे स्येत्‍तेयोर् देन् छ्‌यान ख्यङ्।

हिब्रू 13:20

जेम्‍से कलङ्नेयली क्‍यून्‍नब करारजे कादे स्वान्‌यूजे पात्‍ता नङ्ने केन् सोम्प्रङ्ब ङीनजे प्रभु येशूने सीइली फेरि सोम्‍बो चीम्‍मेब शान्‍तिजे परमेश्‍वरदे,

हिब्रू 2:9

तर ङीनदे येशूने तङ्क्‍य। ङूने खात्‍यात्‍यामे स्‍वर्गदूतयू यली ते-चीद चीम्‍मीदे, सीब पर्‌दे सकस् भोक्‍तीकदेबे महिमा मेस्‍ये गेसेन्जे मुकुट ङूने कूमीदे। येर्‌बे परमेश्‍वरजे अनुग्रहदे चीत्देबे मीयू क्‍वाजे लागि ङू सेक्‍कदे।

१ पत्रुस 1:3

ङीन प्रभू येशू ख्रीष्‍टजे प परमेश्‍वरने जै-जै क्यूस्स्य। परमेश्‍वरदे रङ्सेजे सोरो केन् कृपादे चीत्‍देबे, येशू ख्रीष्‍टने सीयेबदे सोम्‍बो चीम्‍मीदेबे ङीनने कलङ्बेये अन्जेनब जीया प्रेब आशाजे लागि सर्‌ जुनि पीन ख्यङ्।

प्रकाश 1:17

कन्‍छ्वाब ङैदे ङूने तङ्दे, हन्‍छ्वाब ङ सीयेप्र क्‍यूत्‍देबे ङूजे खूम्‍ने पून्‍छ्‌यल् क्‍यूत्‍दे। तर ङूदे रङ्से स्‍येत ला ङैफ्‍याने येत्‍दे मेस्‍ये यदे, “अम्फलाची, पात्‍ता खूम् मेस्‍ये पात्‍ता ङ्‍येये ङने ख्यङ्।