एफिसी 1:18 - घले नयाँ करार

¹⁸ ङ अम्‍बये प्रार्थना चीक्‍क्‍य, नमयूजे सेम्दे ङूजे ओथ्याङ् तङ खूस्‍य, मेस्‍ये चैजे आशा चीत्‍देबे ख्रीष्‍टदे नमयूने क्‍व ख्‍य, मेस्‍ये परमेश्‍वरजे पवित्र मीयूने ख्रीष्‍टजे महिमाजे हकजे सम्पत्ति च ख्यङ्, हम्‍ब नमयूदे स्‍ये खूस्‍य।

एफिसी 1:18 ပူးပေါင်းရင်းမြစ်များ

मत्ती 13:15

चेनेयलो अम्‍ब मीयूजे सेम् पो क्व-अङ्‍ख्व क्‍यूरे ख्यङ्, थमयूजे न नाक्‍तूङ् क्‍यूरे ख्यङ्, थमयूदे रङ्से म्‍या च्‍यूम् चे ख्यङ्, नत्र थमयूजे म्‍यादे तङ ख्यङ्दे, थमयूजे नदे तख्यङ्दे, सेम्दे पो क्‍व ख्यङ्दे, थमयूजे रङ्से सेम् ङैतेले ल्‍वार ख्यङ्दे, मेस्‍ये ङैदे थमयूने तम् चीम्‍मे ख्यङ्दे।’

मर्कूस 10:17

येशू लम्ने प्रेनूब, मीत्‍या ग्येरदेबे ङूजे खूम्‍ने पूजी चोदेबे ङूने लोत्‍दे, “ओ ज्‍यब गुरु, कलङ्बेये अन्सीबब जीया प्रेने ङैदे च चे पर्‌दीय?”

लूका 24:45

होर्‌दे येशूदे थमयूने धर्मशास्त्रजे पो क्‍वब बुद्धि खूल्‍लीमीदे।

मूल स्यूस्स्यायूजे कामजे किताब 16:14

जेम्से थिआटीरा सहरने टूङब मदी, बैजनी कोलाजे छोङ् चेब लिडिया मीन् ख्यब ‌ईश्वर मन्‍देब मदीत्‍यादे ङीजे वचन ङ्यीन्‍दे। पावलदे क्‍यमब पो ङूदे सेम् पीन्‍देबे ङ्यीन्‍स्‍य यदेबे प्रभुदे ङूजे सेम् पूक्‍मीदे।

मूल स्यूस्स्यायूजे कामजे किताब 26:18

यी नदे थमयूजे म्‍या पूक्‍मी, मेस्‍ये थमयू मून्‍दूङ्दे ओथ्याङ् तेले, मेस्‍ये शैतान‍जे शक्तिदे परमेश्‍वर तेले ल्‍वारस्‍य। येरेने थमयूदे पापजे क्षमा प्रेक्‍क्‍य मेस्‍ये ङै फ्‍याने विश्‍वास चीत्‍देबे पवित्र क्‍यूरेब मीयूजे ने थमयूदेये प्रेक्‍क्‍य।’

रोमी 11:29

चेनेयलो परमेश्‍वरदे पीनब बर मेस्‍ये असी येतार्‌ने टू‍नीय।

रोमी 2:4

या परमेश्‍वरजे कृपादे नने पश्‍चात्ताप चीत्‍देबे ज्‍य लम्‍ने स्‍योल्‍क्‍य यब पो था अम्‍प्रेत्‍देबे, नदे परमेश्‍वरजे दया, सैदीन ख्‍वब बोङ्ने, अन्-आ‍तीलाबे रेन्‍न ख्‍वाब बोङ्ने चैकम्दे मनऔ?

२ कोरिन्थी 4:4

अम्ब संसारजे देऊता, शैतानदे विश्‍वास अन्चेबयूजे सेम्ने म्या अन्तङब मीप्र बन्द चीप्पे ख्यङ्। थमयूदे सूगब खबरजे महिमाजे ओथ्याङ् तङ अङ्‍खू। थमयूदे परमेश्‍वरजे खास रुप् ख्यब ख्रीष्‍टजे महिमाजे बारेने ख्यब अम्ब खबर क्व अङ्‍खू।

२ कोरिन्थी 4:6

“मून्‍दूङ् नङ्दे ओथ्याङ् क्‍यूस्‍स्‍य” यदेबे परमेश्‍वरदे य ख्यङ्। हम्ब परमेश्‍वरदे येशू ख्रीष्‍टजे त्‍वाने तङब परमेश्‍वरजे महिमा ङीनदे स्ये खूस्य यदेबे ङीनजे सेम्ने अम्ब ओथ्याङ् चेम्कीतीमे ख्यङ्।

गलाती 5:5

चेनेयलो पवित्र आत्मादे ङीनने विश्‍वास चीस्‍स्‍ये पीन्‍देबे परमेश्‍वरजे खूम्‍ने धर्मी ठर्‌तीमेजे लागि आशा चीत्‍देबे लम् लेन्‍नब चीम्‍मीय।

एफिसी 1:11

चेनेयलो साप्‍ता पोने परमेश्‍वरजे योजना मेस्‍ये फैसला क्‍यूर ख्यङ्। परमेश्‍वरदे ङीनने ङूजे खुशीदे ख्रीष्‍टने क्‍यूत्‍देबे रङ्से मी चेने सेल्दे। अम्‍ब योजनाब मीयूङ्ने फैसला चीक्‍क ख्‍य।

एफिसी 1:7

ङूजे सोरो केन् अनुग्रह अनुसार ख्रीष्‍टजे कादे ङीन ख्रीष्‍टने क्‍यूत्‍देबे उद्धार, ङीनजे पापजे क्षमा प्रेक्क्य,

एफिसी 2:12

होस् ची, हम्‍ब बीलने नमयू ख्रीष्‍ट ट्‍यादे आलाक् ख्‍य। नमयू परमेश्‍वरजे सेलब जात इस्राएलप्रे सम्‍बन्‍धने त्‍वब फीदेशजे मीप्र ख्‍य। परमेश्‍वरदे बन्दीयेब कबुलजे बाचायूने नमयूजे चैत्‍याये हक त्‍व ख्‍य होर्‌दे संसारने नमयू आशा त्‍वब मेस्‍ये परमेश्‍वरने अन्स्‍येब ख्‍य।

एफिसी 3:16

ङ प्रार्थना चीक्क्‍य, ङूजे महिमाजे सम्पत्ति अनुसारजे शक्तिदे ङूजे आत्मा क्यूत्देबे नमयूजे नङ्-जीयाने बोल्‍यो बन्‍दीस्‍य,

एफिसी 3:8

परमेश्‍वरजे पवित्र मीयूनङ्जे ङ सोरो चीद ख्यङ्लीने ख्रीष्‍टजे बे‍स्‍से कूम सम्पत्तिजे सूगब खबर यहूदी तेब मीयूने स्‍य्‍वेब बर परमेश्‍वरदे ङैनेने पीन्‍दे।

एफिसी 4:1

ङ प्रभुजे लागि झ्यालखान‍ने टूङब कैदी त्‍या ख्यङ्, नमयूने बिन्ती चीक्‍क्‍य, यी प्रभुदे चेकामजे लागि नमयूने क्‍व ख्यङ् हम्‍ब मफीजे जीया च।

एफिसी 4:4

ङ्व तीत्‍यात्‍या ख्यङ्, मेस्‍ये पवित्र आत्माये तीत्‍यात्‍याने ख्यङ्-केर्‌बे नमयू कोब आशा त्‍या तन्‍देबे क्‍व ख्‍य, नेये हम्‍ब आशाने क्‍वब ख्यङ्।

एफिसी 5:8

चेनेयलो खूम नमयूये मून्दूङ्ने ख्‍य तर जेम्से प्रभुजे मी क्‍यूत्‍देबे नमयू ओथ्याङ्ने ख्यङ्। होरेक्‍यूत्‍देबे नमयू ओथ्याङ्जे छगूम्-पूर्‌गूम्यूदे प्रने नमयूदेये र-प्र ची।

फिलिप्पी 3:14

परमेश्‍वरदे स्वर्गने कोदेबे येशू ख्रीष्‍टजे कारण पीनब इनाम प्रेने ङ फ्‍योब पर्‌तेब सेन्तेले च्‍योर्‌ला ग्येबीनीय।

कलस्सी 1:12

ओथ्याङ्जे राज्‍यने परमेश्‍वरजे पवित्र मीयूदे प्रेब हक ङीनयूनेये प्रे ख्‍व चीम्‍मेब पने सूग्‍देबे धन्‍यवाद पीने।

कलस्सी 1:23

तम्दम्ने नमयू रङ्से विश्‍वासने अन्‍क्यापीलाबे बोल्यो क्‍यून्‍नू, मेस्ये नमयूदे सूगब खबर ङ्‍यीन्‍देबे प्रेब आशा अन्‍क्यापीलाची। अम्‍ब सूगब खबर का-मुलुक संसारजे मीयूने स्‍योक्‍क ख्यङ्। ङ, पावल अम्‍ब सूगब खबर स्‍य्‍वेब त्वो क्‍यूर ख्यङ्।

कलस्सी 1:27

अम्‍ब सूदेये स्‍ये अङ्ख्‍वब महिमाजे सम्‍पत्ति यहूदी तेब मीयूजे लागि सोरो केन् ख्यङ् यब पो क्‍व ख्‍व चीम्‍मेने परमेश्‍वरदे रङ्सेजे पवित्र मीयूने सेल्‍दे। अम्‍ब स्‍ये अङ्ख्‍वब पोजे अर्थब ख्रीष्‍ट नमयूप्रे क्‍यूरब पो ख्यङ्, हम्‍ब परमेश्‍वरजे महिमाने सामेल् क्‍यूरप्रेब आशा ख्यङ्।

कलस्सी 1:5

अम्‍ब विश्‍वास मेस्‍ये प्रेम नमयूजे लागि स्‍वर्गने जूक्‍तीदेबे हीतेब आशाजे कारणदे क्‍यूर ख्यङ्। हम्‍ब पोयू नमयूदे मालाङ्ने तम्दम्जे वचनने, या सूगब खबरने तैक ख्यङ्।

कलस्सी 2:2

थमयूदे आँट प्रेस्स्य मेस्ये प्रेमने त्‍या क्यूत्देबे थून्‍नूस्य यदेबे ङैदे येरे चे ख्यङ्, होरे क्यूप्प थमयूदे चेलाबे क्‍व ख्‍वब ज्ञानजे सम्पत्ति प्रेक्क्य होर्‌दे परमेश्‍वरजे क्‍व अङ्ख्‍वब नङ्सू योजना या ख्रीष्‍टने पूरा स्ये ख्वब क्यूक्क्य।

कलस्सी 3:15

ख्रीष्‍टजे शान्तिदे नमयूजे सेम्ने राज्‍य चीस्‍स्‍य। अम्‍ब शान्तिजे लागि परमेश्‍वरदे नमयूने ङ्वत्‍याजे अङ्गयू क्‍यूरने क्‍व ख्यङ्, अम्‍बजे लागि नमयू येतार्‌ने धन्‍यवाद पीन्‍नू।

१ थेसलोनिकी 2:12

येरेक्‍यूत्‍देबे यी नमयूजे आनिबानि परमेश्‍वरदे छेब लायक‍जे क्‍यूस्‍स्‍य, ङूदे नमयूने ङूजे रङ्सेजे राज्‍य मेस्‍ये महिमाने कोय।

१ थेसलोनिकी 5:8

तर ङीनब नोजे क्‍यूरबदे चङ्‍ख क्‍यूरे, मेस्‍ये गूने ह्‍वेब विश्‍वास मेस्‍ये प्रेमजे पाता प्रे मुक्तिजे आशाजे मूल्‍कू कूये।

२ थेसलोनिकी 1:11

अम्‍बकारणदे ङीन्जे परमेश्‍वरदे नमयूने ङूदे क्व अनुसारजे लायकजे जीया चस्‍य, होर्‌दे ङूजे शक्तिदे साप्‍ता ज्य उदेश्य मेस्ये विश्‍वासजे काम पूरा चीम्‍मीस्‍य यदेबे ङी नमयू क्‍वाजे लागि येतार्‌ने प्रार्थना चीन्‍न ख्यङ्।

२ थेसलोनिकी 2:16

होर्‌दे ङ्‍येदे ङीनने प्रेम चेब मेस्ये अनुग्रह चीत्देबे कलङ्बेये अन्जेनब सान्त्वना मेस्ये सोरो ज्य आशा पीनब ङीन्जे प्रभु येशू ख्रीष्‍ट रङ्सेदेने मेस्ये परमेश्‍वर ङीनजे पदे,

१ तिमोथी 6:12

विश्‍वासजे सोरो ज्‍य लडाइँ चीङ्। कलङ्बेये अन्सीबब जीयाने ङ्‍येप्नू। अम्‍बजे लागि नने कोक ख्‍य, नदे कूम मीयूजे खूम्‍दे नैजे विश्‍वासजे सोरो ज्‍य साक्षी पीन्‍क ख्‍य।

तीतस 2:13

यरप्रने पात्‍ता केन् परमेश्‍वर मेस्‍ये ङीनने मुक्ति पीनब येशू ख्रीष्‍ट महिमाने रब दिनजे ङीन आशा चीन्‍न ख्यङ्।

तीतस 3:7

ङूजे अनुग्रहदे धर्मी ठर्‌तीदेबे ङीनदे आशा चेब कलङ्बेये अन्‍सीबब जीयाजे हक प्रेब मी क्यूर खूस्‍य।

हिब्रू 10:32

हम्‍ब खूम्‍जे दिनयूने ह्‍वे ची। परमेश्‍वरजे ओथ्याङ् प्रेक्‍कङ्‍येदे नमयू फ्याने अन्ज्य सकस्यू पर्‌तीरलीने कूम धेरेन् क्यूत्देबे टूङ्दे।

हिब्रू 6:4

चेनेयलो थमयू, सू-सूदे त्‍याफे परमेश्‍वरजे ओथ्याङ् प्रेत्‍देबे स्‍वर्गजे बर कर क्‍यूर ख्‍य यदेबे था प्रेत्‍दे, मेस्‍ये पवित्र आत्‍माजे भा प्रेक्‍क ख्यङ्,

१ पत्रुस 1:3

ङीन प्रभू येशू ख्रीष्‍टजे प परमेश्‍वरने जै-जै क्यूस्स्य। परमेश्‍वरदे रङ्सेजे सोरो केन् कृपादे चीत्‍देबे, येशू ख्रीष्‍टने सीयेबदे सोम्‍बो चीम्‍मीदेबे ङीनने कलङ्बेये अन्जेनब जीया प्रेब आशाजे लागि सर्‌ जुनि पीन ख्यङ्।

१ पत्रुस 3:9

कोइ मीदे अन्‍ज्‍य चीत्‍देयलो ङूने अन्‍ज्‍य अन्‍चील्‍लाची, या ह्‍यल चीत्‍देयलो ङूने ह्‍यल अन्‍चील्‍लाची, तर हम्‍बजे सट्‍टने असी पीनब क्‍यूरो, चेनेयलो नमयूदे असी प्रेखूस्‍य यदेबे अम्‍ब कामजे लागिने परमेश्‍वरदे नमयूने क्‍व ख्यङ्।

१ पत्रुस 5:10

साप्‍ता अनुग्रह चेब परमेश्‍वरदे कलङ्बेये अन्‍जेनब रङ्से महिमाजे लागि ख्रीष्‍टप्रे क्‍यूत्‍देबे नमयूने क्‍व ख्यङ्। नमयूदे तेदिनत्‍या सकस् भोक्‍तेमेस्‍ये ङूदेने फेरि नमयूने ज्‍य सर्‌, बोल्यो मेस्‍ये शक्तिशाली चीम्‍मीय।