एफिसी 1:17 - घले नयाँ करार

¹⁷ ङ प्रार्थना चीन्‍नीय, ङीनजे प्रभु येशू ख्रीष्‍टजे परमेश्‍वर, महिमाजे पदे नमयूने परमेश्‍वरजे बारेने था प्रेब बुद्धि मेस्‍ये तङख्‍वब आत्मा पीन्स्‍य।

एफिसी 1:17 ပူးပေါင်းရင်းမြစ်များ

मत्ती 11:25

येशूदे हन्‍छ्वाब यदे, “ओ पाइ, स्वर्ग मेस्ये पृथ्वीजे प्रभु, ङ नने धन्यवाद पीन्‍क्‍य, चेनेयलो नदे अम्‍ब पो बुद्धि मेस्ये चलाख ख्‍यब मीयूदे अङ्‍कोस्‍य यदेबे नङ्सू हीत्‍दे, तर पीचयूने हम्‍ब तम्‍मीदे

मत्ती 11:27

“ङैजे पदे साप्‍ताकूरूने ङैने जिम्मा पीने ख्यङ्। पदेत्‍या रङ्से च कर ख्‍य यदेबे स्‍ये ख्यङ् सूजो सूदेये अन्‍स्‍ये मेस्‍ये चदेत्‍या प स्‍ये ख्यङ् सूजो सूदेये अन्‍स्‍ये। होर्‌दे चदे प कर ख्य यदेब सूने स्‍येला चीम्‍मेब सेम् चीक्क्य थमयूदेत्‍या स्‍येय।

मत्ती 16:17

येशूदे ङूने यदे, “योनाजे च सिमोन, नदे असी प्रेख्यङ्। चेनेयलो अम्‍ब नने मीयूदे लोम्‍मे दी, तर स्वर्गने ख्‍यब ङैजे पदे तम्‍मे ख्यङ्।

मत्ती 20:33

थमयूदे येशूने यदे, “ओ प्रभु, ङीजे म्‍या तङ्ला चीम्‍मी।”

मत्ती 6:13

ङीने अन्ज्य जाँचने पर्‌तीप्रसे अम्‍पीन्‍लाची, तर दुष्‍टजे लादे चूक्‍दीमी। [चेनेयलो राज्‍य, शक्ति मेस्‍ये महिमा येतार्‌ने नैजेने ख्‍यङ्। आमेन।’]

लूका 12:12

चेनेयलो हम्‍ब बीलने नमयूदे च य पर्‌दे ख्यङ् हम्ब पो पवित्र आत्मादे नमयूने लोम्‍मीय।”

लूका 2:14

“पात्‍ताफ्‍याजे स्‍वर्गजे परमेश्‍वरने महिमा, मेस्‍ये पृथ्वीने कम्‍ब मीयूप्रे ङू बेस्‍से सूग ख्यङ्, हम्‍ब मीयूने शान्‍ति!”

लूका 21:15

चेनेयलो नमयूने ङैदे यर क्‍यमब पो मेस्ये बुद्धि पीन्क्‍य, अम्‍ब पोजे लागि नैजे शत्रुयूदेये चैत्‍याये य अन्‍खू होर्‌दे पो च अन्‍ख्व क्यूक्‍क्य।

यूहन्‍ना 14:17

ङू सत्यजे आत्मा ख्यङ्, संसारदे ङूने ग्रहण चे-अन्खू, चेनेयलो संसारदे ङूने तङ अन्खू होर्‌दे स्‍ये अन्खू। नमयूदे ङूने स्‍येय, चेनेयलो ङू नमयूप्रे टूङ्क्‍य मेस्‍ये ङू नमयूप्रे क्‍यून्‍नीय।

यूहन्‍ना 14:26

तर पदे ङैजे मीन्‍ने मोतो पीनब, या पवित्र आत्मा कूल्‍बीय, ङूदे साप्‍ता पो नमयूने लोम्‍मीय, मेस्‍ये ङैदे नमयूने येयेब साप्‍ता पो नमयूने ह्‍वेरलाबे चीम्‍मीय।

यूहन्‍ना 16:3

थमयूदे येर काम चीक्‍क्‍य, चेनेयलो थमयूदे पने अन्‍स्‍ये, मेस्‍ये ङैनेये अन्‍स्‍ये।

यूहन्‍ना 17:3

जेम्‍से कलङ्बेये अन्सीबब जीया अम्‍ब ख्यङ्, यी थमयूदे न, तीत्‍यात्‍या सत्य परमेश्‍वरने स्‍येस्‍य, मेस्‍ये नदे कूल्‍बेब येशू ख्रीष्‍टने स्‍येस्‍य।

यूहन्‍ना 20:17

येशूदे ङूने यदे, “ङैने अन्‍छूल्‍लाची, चेनेयलो ङ चूजोसेमे प ट्‌याने अङ्‍‍गीले ख्यङ्। तर ङैजे च्योन्‌यू ट्‌याने प्रदेबे थमयूने स्‍योम्‍मी, ‘ङैजे प मेस्ये नमयूजे प, होर्‌दे ङैजे परमेश्‍वर मेस्ये नमयूजे परमेश्‍वर ट्‌याने ङ प्रेन ख्यङ्’।”

मूल स्यूस्स्यायूजे कामजे किताब 6:10

ङू येर बुद्धिदे मेस्‍ये पवित्र आत्मादे क्‍यम ख्‍य, थमयूदे हम्‍बजे सवाल-जवाफ चे अङ्‍खू।

मूल स्यूस्स्यायूजे कामजे किताब 7:2

स्तिफनसदे यदे, “अत-च्योन्‌यू, पयू, ङैजे पो ङ्यीनो! महिमाजे परमेश्‍वरदे ङीनजे मेमे अब्राहामने ङू हारानने टूङयली खूम् मेसोपोटामियाने ख्यङ्ब दर्शन पीन ख्‍य,

रोमी 1:28

येर्‌बे थमयूदे परमेश्‍वरने तम्दम् पोने ठीक अन्‍थेदेबे परमेश्‍वरदे थमयूने चे अन्‍क्‍यूरब काम चेने अन्‍ज्‍य भस्‍त्व चेब सेम् क्‍यून्‍नूस्‍य यदेबे क्‍यापीदे।

रोमी 15:6

सेम्‌त्‍या क्‍यूत्‍देबे के त्‍या योन्‍देबे ङीनजे प्रभू येशू ख्रीष्‍टजे प परमेश्‍वरजे जै-जै नमयूदे चे खूस्‍य।

१ कोरिन्थी 12:8

कोइने पवित्र आत्मादे बुद्धिजे पो क्‍यमब, कोइने पवित्र आत्मादे य अनुसार ज्ञानजे पो क्‍यमब,

१ कोरिन्थी 14:6

अत-अची च्योन्‌यू, कादेये ङ नमयू ट्‌याने रदेबे सूजो-के क्‍यम्‍दे, तर नमयू ट्‌याने परमेश्‍वरतेलेजे पो, ज्ञानजे पो, परमेश्‍वरदे पीनब पो, या लोम-तनब पो अन्‍रेल्‍लो नमयूजे लागि ङ केरे फाइदा क्‍यूक्‍क्‍य स्‍व?

१ कोरिन्थी 2:10

परमेश्‍वर रङ्से आत्मादेने ङीनजे लागि हम्‍ब पो तेम्‍मे ख्यङ्। चेनेयलो परमेश्‍वरजे आत्मादे साप्‍ता सेयू मेल्‍क्‍य, होरदे परमेश्‍वरजे मीदे नङ्सू-नङ्सू पोयूये मेल्‍क्‍य।

१ कोरिन्थी 2:8

अम्‍ब जूग्‍जे हुकुम चील्‍लेबयू सूदेये हम्‍ब पो अङ्‍को। थमयूदे कोकयलो क्रूसने खील् ठोक्‍दीदेबे महिमाजे प्रभुने अम्‍पील्‍बे ख्यङ्दे।

२ कोरिन्थी 12:1

अम्‍बदे चैये फाइदा अन्‍क्‍यूल्‍लीने ङ त्‍वोन्‍न पर्‌ते ख्यङ्। प्रभुदे पीन्‍देबे प्रेब दर्शनयू मेस्‍ये ङूदे तम्‍मेब नङ्सू पोयू ङैदे येन ख्यङ्।

एफिसी 1:3

ङीन प्रभु येशू ख्रीष्‍टजे प परमेश्‍वरजे जै-जै क्‍यूस्‍स्‍य, ङूदे ङीनने स्‍वर्गजे नेयूने साप्‍ता आत्माजे असीदे ख्रीष्‍ट ङीनप्रे क्‍यूत्‍देबे असी पीन ख्यङ्।

एफिसी 3:5

हम्‍ब खूम पुस्ताजे मीयूने था अम्‍पीन ख्‍य, दीनी अम्‍ब पो ङूजे पवित्र मूल स्यूस्स्या मेस्‍ये अगमवक्तायूने पवित्र आत्मादे तम्‍मे ख्यङ्।

एफिसी 4:13

येर्‌बे अम्‍ब बरयूजे कामयूदे ङीनने विश्‍वासजे मेस्ये परमेश्‍वरजे चजे ज्ञानने त्या क्यूर प्रेजे लागि तोङ्मीय, मेस्‍ये तीया ङीन पाको मी क्‍यूत्देबे ख्रीष्‍टजे पूरा नापसेमे फ्योबी‍य।

फिलिप्पी 3:15

विश्‍वास चीत्‍देबे पाको क्‍यूरेब ङीनयू क्‍वाजे सेम् येरप्रने क्‍यूर पर्‌तीय, मेस्‍ये कोइ पोने नमयूजे सेम् सूजो ख्यङ् यलो परमेश्‍वरदे हम्‍बये नमयूने कोलाबे चीम्‍मीय।

२ तिमोथी 2:25

रङ्सेजे विरोध चेयूप्रे चीद क्‍यूत्‍देबे ज्‍य लोम-तन ख्‍वब क्‍यूर पर्‌दीय। होरेक्‍यूल्‍लो कादेये परमेश्‍वरदे थमयूने पश्चात्ताप चीत्‍देबे ल्‍वारब सेम् होर्‌दे सत्य पो चेलाबे क्‍व ख्‍वब सेम् पीन्क्‍य।

तीतस 1:1

परमेश्‍वरजे त्वो मेस्ये येशू ख्रीष्‍टजे मूल स्यूस्स्या पावलदे, परमेश्‍वरदे सेलबयूजे विश्‍वास मेस्ये ङूने सेम् पर्‌तेब जीया अनुसार थमयूजे तम्दम्जे ज्ञान थेप् चेने,

याकूब 2:1

अत-अजी-च्योन्‌यू, नमयूदे महिमाजे प्रभू येशू ख्रीष्‍ट फ्‍याने विश्‍वास चे ख्यङ्, होरेक्‍यूत्‍देबे नमयूदे सूनेये साक्‍पूजा अन्‍चील्‍लाची।

२ पत्रुस 1:3

परमेश्‍वरने सेम् पर्‌तेब जीया चजे लागि चेतेब साप्‍ता पो ङूजे शक्तिट्‍यादे ङीनदे प्रे ख्यङ्, चेनेयलो रङ्से महिमा मेस्‍ये भलो चेब कामदे क्‍वब परमेश्‍वरने ङीदे स्ये ख्यङ्।

२ पत्रुस 3:18

तर ङीन्‍जे प्रभु मेस्‍ये मुक्ति पीनब येशू ख्रीष्‍टजे अनुग्रह मेस्‍ये ज्ञानने नमयू थेप् बोल्यो क्‍यूप्‍पीनू। चूजो मेस्‍ये येतार्‌ने प्रभुजे महिमा क्‍यूस्‍स्‍य। आमेन।

प्रकाश 7:12

“आमेन! ङीन्जे परमेश्‍वरजे सार्‌या, महिमा, बुद्धि, धन्‍यवाद, गेसेन्, शक्ति मेस्‍ये बोङ् येतार्‌ने क्‍यून्‍नूस्‍य। आमेन!”