एफिसी 1:10 - घले नयाँ करार

¹⁰ होर्‌दे बील पूरा क्‍यूर जेन ङ्येदे स्‍वर्ग मेस्‍ये पृथ्वीने ख्‍यब साप्‍ता थोक‍यूदे ख्रीष्‍टजे हुकुम मन्‍दीस्‍य।

एफिसी 1:10 ပူးပေါင်းရင်းမြစ်များ

मत्ती 25:32

ङूजे खूम्‍दे जात-जातजे मीयू टक्कने रूप् क्यूक्क्य, मेस्‍ये केर्‌बे प्रङ्बदे रयूप्रे स्वाल् छूर्‌तीय, होरप्रने ङूदे मीयूनेये छूर्‌तीय।

मर्कूस 1:15

येशूदे यदे, “बील पूरा क्‍यूरे ख्यङ्, मेस्‍ये परमेश्‍वरजे राज्‍य ट्‌याने फ्‍योर ख्यङ्। होरेक्‍यूत्‍देबे नमयूदे पश्‍चात्ताप चीत्‍देबे पाप चेब काम क्यापी, मेस्‍ये सूगब खबरने विश्‍वास ची।”

१ कोरिन्थी 10:11

थमयू फ्‍याने क्‍यूरेब अम्ब साप्‍ता पोयू नमूना तनजे लागि क्‍यूत्‍दे, मेस्‍ये ङीनने होस्स्यार चेने अम्ब लिख्दीदे। ङीन जेम्‍से संसार जेन्टब सेमेने फ्‍योरीक ख्यङ्।

१ कोरिन्थी 11:3

तर ख्रीष्‍ट मीयू क्‍वाजे ट ख्यङ्, मदीजे ट ङूजे पती ख्यङ्, होर्‌दे परमेश्‍वर ख्रीष्‍टजे ट ख्यङ् यब पो नमयूदे स्‍येस्‍य यदेबे ङ सेम् चीक्‍क्‍य।

गलाती 4:4

तर बील फ्‍योरीकमेस्‍ये परमेश्‍वर‌दे रङ्से च येशूने कूल्‍बीदे। मदी त्‍यादे ङूने जन्‍म पीन्‍दे, मोशाजे नियम नङ्ने टूङ्दे।

एफिसी 1:22

परमेश्‍वरदे साप्‍ता पोने ख्रीष्‍टजे तोप् नङ्ने हीम्‍मीदे, मेस्‍ये मण्डलीजे लागि ङूनेने साप्‍ता पोजे ट चीम्मीदे,

एफिसी 2:15

मेस्‍ये ङूदे मोशाजे नियमने मेस्ये हम्‍बजे आज्ञायू मेस्‍ये धर्मजे-छ्‌याप्‍यूप्रेने रङ्से ङ्वने खारेज चीत्दे, यी अम्‍ब यहूदीप्रे यहूदी तेब ङ्हीजे सट्‍टने ङू रङ्सेने क्‍यूत्‍देबे मी सर् त्‍या क्यूस्स्‍य, मेस्‍ये येर्‌बे शान्ति क्‍यूस्‍स्य।

एफिसी 3:15

ङूट्‍यादे स्‍वर्ग प्रे पृथ्वीने ख्‍यब म्‍हीत्‍ती क्‍वादेने मीन् प्रे-ख्यङ्।

एफिसी 3:2

नमयूजे लागि ङैने पीनेब परमेश्‍वरजे अनुग्रहजे जिम्मा ङैदे प्‍ल्‍ये ख्यङ् यब बारेने नमयूदेये तख्यङ् यदेबे मन्‍न ख्यङ्।

कलस्सी 1:16

चेनेयलो ख्रीष्‍टप्रे क्‍यूत्‍देबे परमेश्‍वरदे स्वर्ग मेस्‍ये पृथ्वीने ख्‍यब साप्‍ता थोकयू, म्‍यादे तङ ख्‍वब मेस्ये तङ अङ्ख्‍वब थोकयू, या आत्‍माजे शक्तियू, मालिकयू, हुकुमयू मेस्‍ये हकयू सृष्‍टि चीत्‍दे। अम्‍ब टक्कने परमेश्‍वरदे ख्रीष्‍टप्रे क्‍यूत्‍देबे ख्रीष्‍टजे लागिने सृष्‍टि चीम्‍मीदे।

कलस्सी 1:20

मेस्‍ये परमेश्‍वरदे क्रूसने बलि क्‍यूरब ख्रीष्‍टजे कादे शान्ति पीन्‍देबे पृथ्वीने ख्‍यब या स्वर्गने ख्‍यब साप्‍ता थोकयू रङ्सेप्रे मिलापने रेत्‍दे।

कलस्सी 3:11

अने ग्रीक मेस्‍ये यहूदी, या खतना चीक्‍कब या अन्चीक्‍कब, अछ्‌य्‍वेब, नेपङ्‍गी, त्वो मेस्‍ये स्वतन्त्र ख्यब सूनेये साक्‍पूजा अन्क्‍यूर्‌, तर साप्‍ता थोक‍ने मेस्‍ये साप्‍ता कूरूप्रेने ख्रीष्‍ट ख्यङ्।

हिब्रू 1:2

तर अम्‍ब आखिरी दिनयूने परमेश्‍वर रङ्से चप्रे क्‍यूत्‍देबे ङीनप्रे क्‍यम ख्यङ्। ङूदे रङ्से चने साप्‍ता सेयूजे हक पीन्‍देबे चून्‍तीदे, परमेश्‍वरदे रङ्से चप्रे क्‍यूत्‍देबे अम्‍ब संसार मेस्‍ये यैयाने ख्‍यब साप्‍ताकूरूने सृष्‍टि चीत्‍दे।

हिब्रू 11:40

परमेश्‍वरदे ङीनजे लागि झन् थेप् ज्‍य पो हीते ख्‍य, येर्‌बे ङीनप्रे-प्रेने थमयू सिद्ध क्यूस्स्‍य।

हिब्रू 9:10

तर हम्‍ब क्‍वाने च-थूङ चेब मेस्ये ङ्व ठूदेबे शुद्ध चेब थर्‌-‍थर्‌जे छ्‍यप्‌यू त्‍यामे ख्यङ्, या फीजे धर्मजे छ्‍यप्‌यूत्‍यामे ख्यङ्, अम्‍ब छ्‍यप्‌यू सूजो सर् ज्‍य छ्‍यप् अम्‍फ्‍योरदासेमे त्‍यामे ख्यङ्।

१ पत्रुस 1:20

सृष्‍टि चेयली खूम्‍ने परमेश्‍वरदे ङूने सेल ख्‍य, तर अम्‍ब आखिरी दिनने नमयूजे लागि ङू तङ्‍रदे।

प्रकाश 5:9

थमयूदे येरे यदेबे प्रू सर् त्‍या पूत्‍दे: “अम्‍ब खूस्‍यजे मूठ लाने टेल्देबे लगजे छाप‌यू पूक ख्‍वब लायक‍जे न ख्यङ्, चेनेयलो न सेक्‍क ख्‍य, मेस्‍ये खलकयू, क्यमब केयू, देशयू मेस्‍ये जात-जातयूजे अन्द्रदे मीयूने परमेश्‍वरजे लागि नैजे रङ्से कादे छुटकारा चीम्‍मीदे,