कलस्सी 4:8 - घले नयाँ करार

⁸ नमयूदे ङीजे पोयू था प्रेस्‍स्‍य मेस्‍ये नमयूजे सेम्‍दे आँट प्रेस्‍स्‍य यब विचारदे ङैदे नमयूट्‌याने तुखिकसने कूल्‍बे ख्यङ्।

कलस्सी 4:8 ပူးပေါင်းရင်းမြစ်များ

१ कोरिन्थी 4:17

येरेक्‍यूत्‍देबे नमयू ट्‌याने तिमोथीने कूल्‍बे ख्यङ्। ङू प्रभुने विश्‍वास चेब होर्‌दे ङैजे छ्‍येब मेस्‍ये भर्‌पर्‌देब च ख्यङ्। ङैदे ने-क्‍वानेने मेस्‍ये मण्डलीयू क्‍वानेने लोम-तन चीम्‍मे अनुसार ख्रीष्‍टने विश्‍वास चीत्‍देबे ङैदे प्रेब सर् जीया केर्‌बे जेन ख्यङ् यब पो ङूदे नमयूने स्‍योम्‍मीय।

२ कोरिन्थी 1:4

ङीनने साप्‍ता थर्‌जे दु:खयू रब ङूदे सान्त्वना पीन्‍क्‍य, चेनेयलो परमेश्‍वरदे पीन्‍देबे ङीनदे प्रेब हम्‍ब सान्त्वनादे कर दु:ख प्रेन्‍नबयू क्‍यूल्‍लीने थमयूने सान्त्वना पीन खूस्‍य।

२ कोरिन्थी 12:18

ङैदे नमयू ख्‍यनेने प्र यदेबे तीतसने बिन्‍ती चीत्‍दे, मेस्‍ये ङूप्रे च्‍योन्त्‍याने कूल्‍पीदे। च तीतसदे नमयू फ्‍याने चत्‍या फाइदा कीन्‍क औं? च ङी सेम् त्‍या क्‍यूत्‍देबे फर तेया? च ङीदे त्‍याप्र काम फर्‌देबे प्र तेया?

२ कोरिन्थी 2:7

जेम्‍से नमयूदे हम्‍बने क्षमा पीन् मेस्‍ये सेम् प्‍लीक्‍मे पर्‌दीय, नत्र हम्‍ब सोरो शोक्‍त्‍या प्‍लेब क्‍यूप्‍पने।

एफिसी 6:22

ङीनजे खबर कर ख्यङ् नमयूने था क्‍यूस्‍स्‍य मेस्‍ये नमयूजे सेम्दे आँट प्रेस्‍स्‍य यब विचारदे ङैदे ङूने नमयूट्‌याने कूल्‍बे ख्यङ्।

फिलिप्पी 2:28

येरेक्‍यूत्‍देबे ङूने फेरि तङ्देबे नमयू सूग्क्य, मेस्‍ये ङै फ्‍याने ख्‍यब सूर्‌तजे क्‍वीये ते-यङ्से क्‍यूक्‍की च यदेबे ङ ङूने झन् थेप् कूल्‍पीतीङ् रेन ख्‍य।

कलस्सी 2:2

थमयूदे आँट प्रेस्स्य मेस्ये प्रेमने त्‍या क्यूत्देबे थून्‍नूस्य यदेबे ङैदे येरे चे ख्यङ्, होरे क्यूप्प थमयूदे चेलाबे क्‍व ख्‍वब ज्ञानजे सम्पत्ति प्रेक्क्य होर्‌दे परमेश्‍वरजे क्‍व अङ्ख्‍वब नङ्सू योजना या ख्रीष्‍टने पूरा स्ये ख्वब क्यूक्क्य।

१ थेसलोनिकी 2:11

नमयूने थाने ख्यङ्, पदे रङ्से च-चीमीयूने चे प्रने ङीदे नमयू त्‍या-त्‍याने अर्ती-बुद्धि होर्‌दे आँट पीने-पीने नमयूने च्‍योल्‍दे।

१ थेसलोनिकी 3:2

मेस्‍ये नमयूजे विश्‍वास बूल्ल्‍यो चेने होर्‌दे अर्ती-बुद्धि पीनने, ङीदे तिमोथीने नमयूट्‌याने कूल्‍बीदे। ङू ङीनजे च्‍योन् होर्‌दे परमेश्वरने ख्रीष्‍टजे सूगब खबरजे सेवा चेब मी ख्यङ्।

१ थेसलोनिकी 3:5

अम्‍ब कारणदे ङैदे कूम टेम अङ्ख्‍व क्‍यूत्‍देबे नमयूजे विश्‍वास था प्रेने तिमोथीने कूल्‍बे ख्‍य। मीने परिक्षा चेब शैतानदे नमयूने फस्तीबीदेबे ङीदे चीदेब छरङ्, काम अन्‍लादे क्‍यूप्‍पीयीच मन्‍देबे ङीयू सोरो फैन ख्‍य।

१ थेसलोनिकी 4:18

येरेक्‍यूत्‍देबे त्‍यादे त्‍याने अम्ब वचनयू यदेबे सान्त्वना पीन्।

१ थेसलोनिकी 5:11

येरेक्‍यूत्‍देबे नमयूदे चीन्‍नप्रने त्‍यादे त्‍याने आँट पीन्, मेस्‍ये त्‍यादे सूजोने बोल्यो बन्‍देब काम चीन्‍नू।

१ थेसलोनिकी 5:14

अत अची च्योन्‌यू, काम चेने छरबयूने बोङ्बे अर्ती मेस्‍ये सेम् चीद चेयूने आँट पीन्। बोङ् त्‍वयूने तोङ्मी। क्‍वाप्रेने स्यूलूक्कै क्‍यूरब स्वभाव तन्।

२ थेसलोनिकी 2:17

नमयूजे सेम्ने सान्त्वना पीन्स्य मेस्ये साप्‍ता ज्‍य काम होर्‌दे वचनने नमयूजे सेम् बोल्‍यो चीम्‍मीस्‍य।