कलस्सी 4:6 - घले नयाँ करार

⁶ चदे च सेयू लेम्‍ला चेप्रने नमयूजे बोली येतार्‌ने सोरो सेम् पर्‌देब क्‍यूस्‍स्‍य, मीयू क्‍वाप्रेने केरे क्‍यम पर्‌दे हम्‍ब पो नमयूदे स्‍येस्‍य।

कलस्सी 4:6 ပူးပေါင်းရင်းမြစ်များ

मत्ती 5:13

“नमयू पृथ्वीजे चप्र ख्‍यङ्, तर चजे ङाम्‍बा प्रदेयलो हम्‍ब फेरि चैदे ङम्‍लाचे? हम्‍ब फीने छाबे मेस्ये मीजे तोप्‍दे छ्‌यत्‍या, सूजो चै कामये अन्लादी।

मर्कूस 9:50

“ङाम्‍बा योनब च ज्‍य ख्यङ्, तर चजे ङाम्‍बा प्रलो हम्‍ब च चैदे ङाम्बा रला चे? नमयूजे अन्‍द्रने ङाम्‍बा योनब च प्र ज्‍य गुण क्‍यूस्‍स्‍य मेस्‍ये क्‍वाप्रेने थून्‍देबे टूङ्।”

लूका 4:22

मीयू क्वादेने येशूजे सार्‌या चीत्‍दे, मेस्‍ये ङूजे ङूर्‌दे योङ्‍रब ङ्येमब वचनने छाक्‍कै परदीकदे, मेस्‍ये थमयूदे यदे, “ङू योसेफजे च ते स्व?”

एफिसी 4:29

नमयूजे ङूर्‌दे अन्ज्‍य बोली अन्-योन्स्य, तर चैदेब ज्‍य मेस्‍ये सूधारदीदेबे ज्‍य स्यूलूक्कै बूलीत्‍या क्‍यमब ची, मेस्‍ये ङ्यीनब मीयूदे अनुग्रह प्रेस्‍स्‍य।

कलस्सी 3:16

ख्रीष्‍टजे वचनदे नमयूजे सेम् बेस्‍से फ्‍यानीस्‍य। पूरा बुद्धि चील्‍लीदेबे त्‍यादे त्‍याने लोम तन ची मेस्‍ये आर्ती, होर्‌दे रङ्से सेम्देमेस्‍येने परमेश्‍वरने धन्यवाद पीन्‍देबे जै-जै चेब आत्माजे प्रू पूई।

१ पत्रुस 3:15

तर येशू ख्रीष्‍टब प्रभु ख्यङ् यदेबे नमयूजे सेम्‍दे ङूने पूस्‍ती। नमयूप्रे ख्‍यब आशाजे पो कोइदे लोत्‍देयलो हम्‍बजे जवाफ पीनजे लागि येतार्‌ने तयार क्‍यूत्‍देबे टूङ्, तर चीद स्यूलूक्कै मेस्‍ये गेसेन् चीत्‍देबे हम्‍ब काम चीदो।