कलस्सी 3:8 - घले नयाँ करार

⁸ तर जेम्से नमयूदेये प्रो लङब, छी चेब, ठेनब, मीजे पो चेब, मेस्‍ये रङ्से ङूर्‌दे अन्ज्‍य बोली योनब येर व्यवहारयू क्‍वाने क्यापी।

कलस्सी 3:8 ပူးပေါင်းရင်းမြစ်များ

मत्ती 5:22

तर ङ नमयूने यीय, सू-सूदे रङ्से अत-च्‍योन्प्रे छी चीक्‍क्‍य, ङूने मारङ् क्‍याय, मेस्‍ये सूदे रङ्से अत-च्‍योन्‍ने अन्‍ज्‍य चीक्‍क्‍य, ङूदे पात्‍ता केन् सभाने जवाफ पीन पर्‌दीय। सूदे रङ्से अत-अची च्‍योन्‍ने ‘न मूर्ख’ यीय, हम्‍ब नरकजे मीने छापीय।

मर्कूस 7:22

लोभ, दुष्‍ट सेम्, छेल्‍ले, छर, ठेन, मीजे पो चे, केन् त्‍वे मेस्‍ये मूर्ख योङ्‌रीय।

रोमी 13:13

ङीन नोदे म्‍या तङ्ब चेप्र ज्‍य काम चीदे। मोज-मज्‍जा चेब, च्‍यी-नादू थूङब, वेश्य काम चेब, छाडा काम चेब, च्‍य-जीङब, ठेनब काम क्‍यापी।

१ कोरिन्थी 3:3

नमयू अझ ङ्वजे स्वभाव अनुसार जीया चेन ख्यङ्। चेनेयलो कन्‍छ्वाब नमयूजे अन्‍द्रने म्‍यातप् मेस्‍ये च्‍य-चीङ् क्‍यून्‍न ख्‍यङ् हन्‍छ्वाब नमयू ङ्वजे स्वभाव अनुसार चील्‍लेब न-मीन् त्‍व मीप्र अन्‍क्‍यूरया?

२ कोरिन्थी 12:20

ङ नमयू ट्‌याने रब ङैदे सेम् चीन्‍नप्रने नमयू ज्‍य क्‍यून्‍नब अन्‍तूने, मेस्‍ये नमयूदे सेम् चीन्‍नप्र ङैये अन्‍तूने यदेबे ङ सोरो फैन ख्यङ्। होने च्‍य-फा, ठेन, छी, रङ्सेत्‍यामे लेब, फ्राचे, न प्‍वे, केन् त्‍वे मेस्‍ये गज्याङ् गूज्यूङ् क्‍यूक्‍की मन्‍न ख्यङ्।

गलाती 5:15

तर नमयू त्‍यादे त्‍याने चेब ब्यवहरा नाजे चेन् ओम्‍दे चेप्र च्यादेबे जीङ ख्यङ्दे यलो होस्स्यार क्यूर्‌, नमयू त्‍यादे त्‍याने नाश चेब क्‍यूक्‍क्‍य।

गलाती 5:20

मूर्तिने पूस्‍ते, ङा-थूक्, शत्रु, च्‍य-फा, म्यातब, छी, रङ्सेत्‍या चे मे, अन्‍थून, हूल‍या,

गलाती 5:26

ङीन केन्त्‍वे अन्‍क्‍यूर्, त्‍यादे त्‍याने छी अन्‍लङ्लाची मेस्‍ये त्‍यादे त्‍याप्रे ‍ठेन अन्क्यूर्।

एफिसी 4:22

नमयूजे खूम्जे पापजे स्वभाव मेस्ये ङीङ् जीया चब तर्‌तीप्‍यू क्यापी, हम्‍ब धोका पीनब दुष्‍ट इच्छायूजे कारणदे नमयू नाश क्‍यून्‍न ख्यङ्।

एफिसी 4:25

येरेक्‍यूत्‍देबे लूच्‍च क्‍यमब क्यापीदेबे क्‍वादेने रङ्से रङ्से खीम्‍चेप्रे तम्दम् क्‍यम्, चेनेयलो ङीन ख्रीष्‍टजे ङ्वजे अङ्गयू ख्यङ्।

एफिसी 4:26

छी ची, तर पाप अन्चील्‍लाची। मीया नूम्‍बयली खूम्ने नमयूजे छी मल्‍बस्‍य,

एफिसी 4:29

नमयूजे ङूर्‌दे अन्ज्‍य बोली अन्-योन्स्य, तर चैदेब ज्‍य मेस्‍ये सूधारदीदेबे ज्‍य स्यूलूक्कै बूलीत्‍या क्‍यमब ची, मेस्‍ये ङ्यीनब मीयूदे अनुग्रह प्रेस्‍स्‍य।

एफिसी 5:4

अन्ज्‍य ङ्येत्‍या पो, मूर्ख बात् या फाइद त्‍वब खिसी चेब पो अन्चील्‍लाची, येर पो नमयूजे ङूर्‌ने अम्‍पो। तर बरू नमयूदे परमेश्‍वरने धन्‍यवाद पीनब काम क्यूस्स्य।

कलस्सी 3:5

होरेक्‍यूत्‍देबे नमयूने ख्‍यब खूम्‍जे अन्‍ज्‍य बानीयू क्‍वाने क्‍यापी: वेश्य, अशुद्ध पो, भस्‍त्व, दुष्‍ट इच्छा प्रे लोभ। लोभब थर्‌त्या मूर्तिपूजा ख्यङ्।

कलस्सी 3:9

त्‍यादे त्‍याने लूच्‍च अन्क्‍यम्‍लाची, चेनेयलो ङीङ् स्वभाव मेस्‍ये हम्‍बजे छ्‌यप्‍यू नमयूदे क्यापीक ख्यङ्।

१ तिमोथी 1:13

खूम् ङैदे न-पूत्दे, छरङ् पीन्‍दे मेस्‍ये लेत्‍तीङ् अन्‍डदेबे ङूजे बेइजत चीत्‍दे, तर ङैदे अम्‍ब कामयू क्वाने अन्‍स्येदेबे मेस्‍ये प्रभुने अम्‍मन्देब बीलने चेब कारण ङैदे कृपा प्रेत्‍दे।

१ तिमोथी 1:20

हम्‍ब नङ्ने हूमेनियस मेस्ये अलेक्‍जेन्‍डर ख्यङ्, थम ङ्‍हीदे न प्वेब काम चे अन्क्‍यूर् यब पो लोम्स्‍य यदेबे ङैदे थमयूने शैतानजे लाने सूम्‍दीबे ख्यङ्।

हिब्रू 12:1

येरेक्‍यूत्‍देबे विश्‍वासजे यर साक्षी पीनब कूम मीयूजे हुल‍दे ङीनने घेर्‌तीन ख्यङ् होरेक्‍यूत्‍देबे साप्‍ता थर्‌जे अप्‍ठर्‌ चेब ले-क्‍वीयू मेस्‍ये ङीनने बाधा पीनब पापने छाबीदेबे ङीनजे खूम्‍ने हीतेब परमेश्‍वरजे लागि ग्‍यब काम धेरेन् क्‍यूत्‍देबे पूरा चीते।

याकूब 2:7

च थमयूदे येशूजे मीन्‍ने ह्‍यल चे ते या? अम्‍ब मीन्‍दे चीत्‍देबे नमयू क्‍व ख्यङ्।

१ पत्रुस 2:1

येरेक्‍यूत्‍देबे साप्‍ता दुष्‍ट पोयू, छल्‍‍जे पोयू, कप्‍टी, ठेनब, मेस्‍ये मीजे न प्‍वेब पोयू क्‍वाने क्यापी।

२ पत्रुस 2:18

थमयू मूर्‌ख क्‍यूत्‍देबे केन् त्‍वेब पोयू चीक्‍क्‍य, होर्‌दे अन्‍ज्‍य लम् पोङ्‍गीदेबे ख्रीष्‍टने विश्‍वास चेब सर्‌ मीयूने ङ्वजे अन्‍ज्‍य इच्‍छा अनुसार लोभ तन्‍देबे फेरि अन्‍ज्‍य लम्तेले होम्‍देबे कूबीय।

२ पत्रुस 2:7

दुष्‍टयूदे चेब अन्‍ज्‍य काम तङ्देबे सोरो सेम् ठ्व धर्मी लोतने परमेश्‍वरदे जूक्‍दीमीदे।

यहूदा 1:13

थमयू सोरो फत्‍या समुद्रजे छालयूप्र ख्यङ्, हम्‍बदे रङ्सेजे त्‍वा पर्‌देब अन्‍ज्‍य पोयू समुद्र क्‍यूजे पोज्‍याप्र योन्‍क्‍य। थमयू ट्वानब कर्‌चेन्‌यूप्र ख्यङ्, हम्‍बजे लागि पातालजे येतार्‌ने टूनब सोरो कूम मून्‍दूङ् ने साच्‍दीये ख्यङ्।

यहूदा 1:8

होरप्रने मोङ् मङ्ब अम्ब मीयूदे रङ्से ङ्वने अशुद्ध चीक्‍क्‍य, प्रभुजे हक अम्मन्दी मेस्‍ये तो-स्वर्गने टूङबयूजे न पूक्‍क्‍य।

प्रकाश 16:9

मीयूने सोरो ठ्वब मीयाजे रप्दे ल्याकदे, मेस्‍ये हम्‍ब सोरो फत्या सकस्यू फ्‍याने हक ख्‍यब परमेश्‍वरजे मीन्‍जे थमयूदे न पूत्‍दे। तर थमयूदे पश्‍चात्ताप चे अन्ङ्‍यीन् मेस्‍ये परमेश्‍वरने महिमा पीन अन्ङ्‍यीन्।