7 खूम् नमयूये येरप्रने व्यवहार तन्देबे जीया चेन ख्यङ्।
कन्छ्वाब ङीन पापी-स्वभावने जीया चेन ख्य, हन्छ्वाब ङीनने सीबसे पीनब फल लोस्य यदेबे मोशाजे नियमदे तो प्लेदेबे ङीनने पाप चीतीङ्रब सेम्दे ङीन्जे अङ्गयूने काम चे ख्य।
त्याफे नमयूये येरप्रने ख्य। तर प्रभु येशू ख्रीष्टजे मीनने होर्दे ङीन्जे परमेश्वरजे आत्मादे नमयूने शुद्ध चीम्मीदे, पवित्र चीम्मीदे, मेस्ये दोष त्वब चीम्मीदे।
हम्ब बीलने नमयू संसारने पाप चीत्देबे प्रख्य। नमयूदे मूजे शक्तिने नोबो मन्देख्य। परमेश्वरने अम्मन्देब मीयूने ङूदे दीनी रङ्सेजे काबुने ये ख्यङ्।
नमयूजे पापदे मेस्ये ङ्वने खतना अन्चीत्देबे नमयूजे आत्मा सीये ख्य। तर परमेश्वरदे ङीनजे पापयू क्वाने क्षमा पीन्देबे ख्रीष्टप्रेने सोम्बो चीम्मीदे।
चेनेयलो त्याफे ङीनये मुर्ख, यब अन्-ङ्यीन्, सीत्तीने ट्वाब, थर्-थर्जे अन्ज्य वेश्य काम मेस्ये मोज-मजाने फस्तीकब ख्य। नमयू दुष्ट मेस्ये ठेनब कामने दिन चब, मीदे घिन चीक्कब मेस्ये त्यादे त्याने घिन चेबयू ख्य।
