कलस्सी 2:4 - घले नयाँ करार

⁴ मीयूदे लूच्‍च पोयूने तम्दम्‍प्र चीत्‍देबे नमयूने होम्‍देबे अन्कूपस्य यदेबे ङ अम्ब पो यीय।

कलस्सी 2:4 ပူးပေါင်းရင်းမြစ်များ

मत्ती 24:24

चेनेयलो लूच्‍च चेब ख्रीष्‍टयू, मेस्‍ये लूच्‍च अगमवक्तायू योङ्‍रीय, मेस्‍ये खूदासेमे परमेश्‍वरदे सेलेब मीयूने छाक्‍देने केन्-केन् च्यूनूयू मेस्‍ये हार्‌मन्‍देब कामयू तन्‍क्‍य।

मत्ती 24:4

येशूदे जवाफ पीन्‍दे, “होस्स्यार क्‍यूर्, नमयूने सूदेये छाक्‍दे अन्खूस्‍य।

मर्कूस 13:22

चेनेयलो लूच्‍च ख्रीष्‍ट‌यू मेस्‍ये लूच्‍च अगमवक्तायू रीय। थमयूदे खूदासेमे परमेश्‍वरदे सेलब मीयूने छाक्‍देने च्‍यूनूयू मेस्‍ये हार्‌मन्‍देब कामयू चीक्‍क्‍य।

मूल स्यूस्स्यायूजे कामजे किताब 20:30

नमयूजे अन्द्रदेने लूच्‍च शिक्षा पीनब मीयू योङ्‍रीय। थमयूदे स्यूस्स्यायूने रङ्सेजे अन्ज्य लम्‍तेले कूबीय।

१ कोरिन्थी 2:4

ङैदे यब पो मेस्‍ये प्रचार चीप्‍प बुद्धि ख्‍यबप्र होर्‌दे सोरो च्‍यूप्‍ल्‍या पो त्‍व ख्‍य, तर परमेश्‍वरजे आत्मा मेस्ये शक्तिजे पक्‍क गवाही पीन्‍देबे प्रचार चीत्‍दे,

२ कोरिन्थी 11:3

तर र्‌वेदे केरे लूच्‍च चीत्‍देबे हव्वाने छेल्‍लीपीदे, होरप्रने नमयूजे चैये छल् त्‍वब सेम् मेस्‍ये चोखो क्‍यूत्‍देबे ख्रीष्‍टने पूस्‍तेब ज्‍य सेम्‍नेये तीप्‍लीङ् छोप्‍लीङ् चीप्‍पीई च यदेबे ङ सोरो फैन ख्यङ्।

गलाती 2:4

अम्‍ब खतनाजे पो लङ्दे, कोला लूच्‍च अत-च्योन्‌यू ङीन हुल नङ्ने नङ्सू क्‍योरदे चेनेयलो ख्रीष्‍टने क्‍यूत्‍देबे ङीनदे प्रेब स्‍वतन्‍त्रताजे च्‍यूव चीत्‍देबे ङीनने यहूदी नियमजे नङ्ने येमे ख्यङ्।

एफिसी 4:14

होर्‌दे छट्‍टू मीजे पीरीपीरीजे शिक्षाजे छल्दे कने प्‍लेके होनेने कूबब चीद-चीद पीचयूप्र ङीन अन्‍क्यूल्‍लाचीदे। थमयूदे योनब ठग शिक्षादे सूजो मीयूने अन्‍ज्‍य लम्‍तेले कूबीय।

एफिसी 4:17

जेम्से ङ नमयूने बोङ् चीत्‍देबे प्रभुजे मीन्‍ने यीय मेस्‍ये गवाही पीन्‍क्‍य, नमयू जेम्से यहूदी तेबयूप्र क्‍यूत्‍देबे चे-कामये अन्‍लादेब सीत्‍तीजे पोयूने लादीदेबे जीया अन्‍च‍लाची।

एफिसी 5:6

छाक्‍देब पो चीत्‍देबे सूदेये नमयूने छाक्‍दे अम्प्रेस्‍स्‍य येर पोयूजे कारण यब-अन्ङीनयू फ्‍याने परमेश्‍वरजे छी फैन्‍क्‍य।

कलस्सी 2:18

रङ्सेजे ङ्वने सकस् पीनब पोनेत्‍या ट्‌यादेबे, स्‍वर्गदूतने पूस्‍तीस्ये पीन्‍देबे, रङ्सेजे ज्ञानदे तङब पोनेत्‍या क्‍यूत्‍देबे, रङ्सेजे सेम्दे च चीतीङ्‍र हम्‍ब पोने केन् त्‍वोत्‍देबे प्रब सूमीदेये नमयूजे प्रेपर्‌तेब इनाम मल्बेब काम चे अङ्‍खूस्य।

कलस्सी 2:8

नमयू चङ्‍ख क्‍यूत्‍देबे टूङ्, नत्रलो मीयूजे ज्ञान बुद्धि मेस्‍ये चैये अर्थ त्‍वब लूच्‍च पोदे नमयू होम्‍कने। येर पोयू ख्रीष्‍टजे दी, तर मीयूदे चेब पेयूदे मेस्ये संसारजे शिक्षायूदे रब ख्यङ्।

२ तिमोथी 2:16

परमेश्‍वर अम्‍मन्‍देब मूर्ख पोयू क्यापी, चेनेयलो अम्‍बदे मीयूने परमेश्‍वरट्‍यादे झन् थेप् चीन्तङ् चीक्‍कीय।

२ तिमोथी 3:13

तर दुष्‍ट मेस्ये ठग्दे मीयूदे सूजोने ठग्‍दीब रङ्सेये ठग्दीगीय, मेस्ये थमयू झन् थेप् दुष्‍ट क्‍यूप्पीय।

१ यूहन्‍ना 2:18

ङैजे पीचयू, अम्‍ब आखिरी सेमे ख्यङ्। ख्रीष्‍टजे विरोध चेब रेन ख्यङ् यब पो नमयूदे त ख्यङ्। होरेक्‍यूत्‍देबे ङीनदे स्‍ये ख्यङ्, अम्‍ब आखिरीजेसेमे ख्यङ्।

१ यूहन्‍ना 2:26

नमयूने छल् चेबयूजे अम्‍ब पोयू ङ नमयूने लिख्दीन ख्यङ्।

१ यूहन्‍ना 4:1

छेब ख्योन्‌यू, कम्‍ब क्‍यूक्‍को हम्‍ब आत्माने विश्‍वास अन्‍चील्‍लाची, तर आत्मायू परमेश्‍वरदे पीनब टोङ् यी सूजो टोङ् यदेबे हम्‍बजे जाँच ची। चेनेयलो कूम लूच्‍च अगमवक्तायू अम्‍ब संसारने योङ्‍र ख्यङ्।

२ यूहन्‍ना 1:7

चेनेयलो धोका पीनबयू कूम मीयू अम्‍ब संसारने रेक ख्यङ्, थमयूदे येशू ख्रीष्‍ट मीप्र क्‍यूत्‍देबे ङ्वने रख्यङ् यब पोने विश्‍वास अन्‍ची। येर मीयू छल् चेब मेस्‍ये ख्रीष्‍टजे विरोध चेब ख्यङ्।

प्रकाश 12:9

हम्‍ब अजिङ्गर केन् मो पृथ्वीने छाबीदे- हम्‍ब मीयूङ् मेस्येजे डम् ख्‍य, का-मुलुक संसार‌जे मीयूने छल् चेब दीयाबलस यब शैतान ङूने ख्‍य। ङूप्रे-प्रे ङूजे दूतयूनेये पृथ्‍वीने छापीदे।

प्रकाश 13:8

कलङ्बेये अन्जेनब जीया प्रेबयूजे मीन् लिख्दीयेब किताबने संसारजे सृष्‍टि क्यूरयली खूम्मेस्येने मीन् अन्लीख्दीयेब मीयू क्वादेने हम्ब रोलाजे पूजा चीक्‍क्य। हम्ब किताबब सेक्‍कब थुमाजे ख्यङ्।

प्रकाश 20:3

ङूदे हम्बने अतल कुण्डने छाबीदे, होर्‌दे हम्‍ब अतल कुण्ड थाबीदे मेस्‍ये हैयाने छाप पूबीदे। ङूदे हजार त्‍या वर्ष अन्‍जेन्‍दासेमे जात-जातजे मीयू क्‍वानेने धोका अम्‍पीन्‍स्‍य यदेबे येरे स्‍योप्‍पीदे। होर्‌देङ्येदे तेदिनजे लागि ङूने क्याबे पर्‌दीय।

प्रकाश 20:8

मेस्‍ये ङू पृथ्‍वीजे का-मुलुक‍ने ख्‍यब देश देशजे मीयूने धोका पीनने, या गोग मेस्‍ये मागोगने लडाइँजे लागि फूङ्चेने योङ्‍रीय। थमयू समु‍द्रजे पीस ताकीने कूम क्‍यूक्‍क्‍य।