कलस्सी 2:20 - घले नयाँ करार

²⁰ नमयूब ख्रीष्‍टप्रे सीइदेबे अम्ब संसारजे आत्माजे शक्तियूदे छुट्कारा प्रे ख्यङ्। चेने अम्‍ब संसारजे मीयूप्र क्‍यूत्‍देबे जीया च?, चेने हम्‍ब नियमयू मन्‍दे?

कलस्सी 2:20 ပူးပေါင်းရင်းမြစ်များ

यूहन्‍ना 15:19

कादेये नमयू अम्‍ब संसारजे ख्यङ् यलो ब संसारदे नमयूने रङ्से मी मन्‍दीदेबे माया चे ख्यङ्दे। तर नमयू अम्‍ब संसारजे दी। ङैदे नमयूने संसारदे आलाक् चेने सेल्‍दे, येरेक्‍यूत्‍देबे संसारदे नमयूने ह्‍यल चीक्‍क्‍य।

२ कोरिन्थी 10:3

तम्दम्ने ङी अम्‍ब संसारने जीया चेन ख्यङ्, होरेक्‍यूल्‍लीने संसारजे मीयूदेप्र ङी च्‍य-जीङ अन्‍ची।

गलाती 4:3

ङीनये येरप्रने बल्‍ख ख्यङ्ब संसारने चील्‍लीनब दुष्‍ट आत्मादे ङीनने त्वो-त्वोम बन्‍दीन ख्‍य।

गलाती 6:14

ङीनजे प्रभु येशू ख्रीष्‍टजे क्रूसने त्यामे ङ केन् त्‍वोक्‍क्‍य, सूजो चत्या पो फ्‍याने केन् ‍त्‍वे ख्यङ्लो हम्ब ङैट्‍यादे चीन्तङ् क्यूप्पस्य, ङूजे क्रूसदे चीत्देबे ङब संसारजे लागि, मेस्ये संसारब ङैजे लागि क्रूसने पील्‍क ख्यङ्।

एफिसी 2:15

मेस्‍ये ङूदे मोशाजे नियमने मेस्ये हम्‍बजे आज्ञायू मेस्‍ये धर्मजे-छ्‌याप्‍यूप्रेने रङ्से ङ्वने खारेज चीत्दे, यी अम्‍ब यहूदीप्रे यहूदी तेब ङ्हीजे सट्‍टने ङू रङ्सेने क्‍यूत्‍देबे मी सर् त्‍या क्यूस्स्‍य, मेस्‍ये येर्‌बे शान्ति क्‍यूस्‍स्य।

कलस्सी 2:14

ङीनजे विरुद्धने लिख्दीयेब तम‍सूक, मेस्‍ये हम्बने ख्यब साप्‍ता नियम-कानूनजे हकयूने ङूदे क्रूसने खील् ठोक्‍दीदेबे खारेज चीक्‍क ख्यङ्।

कलस्सी 2:16

होरेक्‍यूत्‍देबे च-थूङ या दीन्बरने मेस्‍ये औंसी या आराम टूङब दिन मन्‍देब पोने सूदेये नमयूने गल् अन्चीस्स्य।

कलस्सी 2:21

हम्ब नियमयूब “अन्‍चूङ्लाची, अम्-म्‍यङ्लाची, अन्‍छूल्‍लाची?”

कलस्सी 2:8

नमयू चङ्‍ख क्‍यूत्‍देबे टूङ्, नत्रलो मीयूजे ज्ञान बुद्धि मेस्‍ये चैये अर्थ त्‍वब लूच्‍च पोदे नमयू होम्‍कने। येर पोयू ख्रीष्‍टजे दी, तर मीयूदे चेब पेयूदे मेस्ये संसारजे शिक्षायूदे रब ख्यङ्।

कलस्सी 3:3

चेनेयलो नमयू सीये ख्यङ् मेस्‍ये परमेश्‍वरने नमयूजे जीया ख्रीष्‍टप्रे फूये ख्यङ्।

हिब्रू 13:9

थर्‌-थर्‌जे मेस्‍ये नोङ्ल्‍या पोयू लोम्‍मीदेबे नमयू होम्‍कीने। चेनेयलो च-थूङब पोजे छ्‌यप्दे दी, तर परमेश्‍वरजे अनुग्रहदे सेम् बोल्यो क्‍यूरब सोरो ज्‍य ख्यङ्, होर छ्‌याप्यूदे हम्‍ब मन्‍देबयूने चैये फाइदा अन्‍ची।

याकूब 4:4

वेश्य मीयू, अम्‍ब संसारने माया चेब परमेश्‍वरजे शत्रु ख्यङ् यब पो च नमयूने था त्‍वा? येरेक्‍यूत्‍देबे सूदे संसारने माया चीत्‍तीङ् रीय हम्‍बदे रङ्सेने परमेश्‍वरजे शत्रु क्‍यूस्‍स्ये पीन्‍क्‍य।

१ यूहन्‍ना 5:19

ङीन परमेश्‍वरजे ख्यङ्, मेस्‍ये अम्‍ब पूरा संसार हम्‍ब दुष्‍ट शैतानजे लाने पर्‌तीक ख्यङ् यदेबे ङीनने था ख्यङ्।