कलस्सी 2:12 - घले नयाँ करार

¹² बप्‍तिस्मा क्‍यूप्‍प नमयूजे पापजे स्वभावयू ख्रीष्‍टप्रेने पोप्‍पीक ख्‍य। सीयेङ्येदे ख्रीष्‍टने सोम्‍बो चीम्‍मेब परमेश्‍वरजे शक्तिने नमयूदे विश्‍वास चीत्‍देबे अम्‍ब बप्‍तिस्माने नमयूये ख्रीष्‍टप्रेने सोम्‍बो चीम्‍मीदे।

कलस्सी 2:12 ပူးပေါင်းရင်းမြစ်များ

लूका 17:5

मूल स्यूस्स्यायूदे प्रभुने यदे, “ङीयूजे विश्‍वास बढ्दीमी।”

मूल स्यूस्स्यायूजे कामजे किताब 14:27

होर्‌दे थमयू एन्टिओखियाने फ्‍योरदे, हन्‍छ्वाब मण्डलीजे मीयूने फूङ् पूत्‍दे, होर्‌दे परमेश्‍वरदे थमयूप्रे ख्यङ्ब चेब साप्‍ता कामयूजे बयान चीत्‍दे, मेस्‍ये केरे ङूदे यहूदी तेब मीयूजे लागि विश्‍वासजे ख्‍यो पूक्‍मीदे यब पो स्‍योत्‍दे।

मूल स्यूस्स्यायूजे कामजे किताब 2:24

तर परमेश्‍वरदे येशूने सोम्‍बो चीत्‍दे। चेनेयलो मृत्‍यूजे हक नङ्‍ने ङू टूङब सम्‍भव त्‍व ख्‍य।

मूल स्यूस्स्यायूजे कामजे किताब 2:32

अम्‍ब येशूने परमेश्‍वरदे सोम्‍बो चीत्‍दे। अम्‍ब पोजे ङी क्वाने गवाही ख्यङ्।

रोमी 4:24

तर ङीनजे लागिये लिख्दीये ख्यङ्। ङीन सूदे ङीन्जे प्रभू येशूने सीयेबदेये सोम्‍बो चीम्‍मेब परमेश्‍वर फ्‍याने विश्‍वास चीक्‍क्‍य, अम्‍ब ङीन्‍जे लागिये चील्क्य।

रोमी 7:4

येर्‌बे ङैजे अत च्योन्‌यू, नमयूये ख्रीष्‍टजे ङ्वप्रे क्‍यूत्‍देबे मोशाजे नियमजे अनुसार सीये ख्यङ्, होरेक्‍यूत्‍देबे नमयू सूजो मी, या सीइदेबे सोम्‍बो क्‍यूरब ख्रीष्‍टप्रे त्‍या क्‍यूर्, मेस्‍ये परमेश्‍वरजे लागि ज्‍य क्‍यूरब काम ची।

१ कोरिन्थी 12:13

चेनेयलो यहूदी क्‍यूल्‍लीने, ग्रीक क्‍यूल्‍लीने, त्वो-त्वोम क्‍यूल्‍लीने, त्वो-त्वोमदे स्वतन्त्र क्यूल्लीने तीत्यात्या पवित्र आत्मादे ङीन क्‍वाने बप्तिस्मा क्‍यूर प्रेत्‍देबे ङ्वत्‍या क्‍यूर ख्यङ्, मेस्ये परमेश्‍वरदे त्याप्र पवित्र आत्मा ङीन क्‍वानेने पीन्‍दे।

१ कोरिन्थी 15:20

तर तम्दम्ने परमेश्‍वरदे ख्रीष्‍टने सीयेबदे सोम्‍बो चीम्‍मीक ख्यङ्। सीयेबयू नङ्ने पात्‍ता खूम् सोम्‍बो क्‍यूरब ङूने ख्यङ्।

गलाती 3:27

चेनेयलो नमयू नङ्ने सू-सूदे ख्रीष्‍टजे मीन्‍ने बप्‍तिस्मा कीन्‍दे, नमयू क्‍वाने ख्रीष्‍टप्रने क्‍यूर ख्यङ्।

एफिसी 2:8

परमेश्‍वरजे अनुग्रहदेने नमयूदे विश्‍वास चीत्‍देबे उद्धार प्रे ख्यङ्। मेस्‍ये अम्‍ब नमयू रङ्सेदेने धम चीत्‍देबे दी, अम्‍ब परमेश्‍वरदे पीनब बर ख्यङ्-

एफिसी 3:17

मेस्‍ये विश्‍वासदे चीत्देबे ख्रीष्‍ट नमयूजे सेम्ने बास चीस्स्‍य, मेस्‍ये प्रेम चीत्‍देबे छ चोदेबे दोरो क्‍यूरने,

एफिसी 3:7

ङूजे शक्तिजे काम अनुसार ङैने पीनब परमेश्‍वरजे हम्‍ब अनुग्रहजे बर अनुसार अम्‍ब सूगब खबरजे सेवा चेब मी ङ क्‍यूक्‍क ख्‍य।

एफिसी 4:5

प्रभुये त्‍या, विश्‍वासये त्‍याने मेस्‍ये बप्‍तिस्माये तीत्‍याने ख्यङ्।

एफिसी 5:14

धर्मशास्‍त्रने येर्‌बे लिख्दीये ख्यङ्, “ओ ङ्यूम्-या गीलेब मीयू, चनाखो क्‍यूत्‍देबे टोङ् मेस्‍ये सीयेब मीयू लङ्, मेस्‍ये ख्रीष्‍टदे नमयूने ओथ्याङ् पीन्‍क्‍य।”

फिलिप्पी 1:29

चेनेयलो ख्रीष्‍टने विश्‍वास चेब पोत्‍यामे पीने दी, तर ख्रीष्‍टजे लागि दु:ख भोक्‍ते पर्‌तीय यब पोये नमयूने पीने ख्यङ्,

कलस्सी 1:29

ख्रीष्‍टदे ङैजे सेम् नङ्ने काम फरब शक्ति पीन्‍दे, हम्‍ब शक्ति अनुसार‌ ङ अम्‍ब कामजे लागि सोरो बोङ्बे छेम्‍प्रे चीक्‍क्‍य।

कलस्सी 2:13

नमयूजे पापदे मेस्‍ये ङ्वने खतना अन्‍चीत्‍देबे नमयूजे आत्मा सीये ख्‍य। तर परमेश्‍वरदे ङीनजे पापयू क्‍वाने क्षमा पीन्‍देबे ख्रीष्‍टप्रेने सोम्‍बो चीम्‍मीदे।

हिब्रू 12:2

ङीनजे विश्‍वासने सुरु मेस्‍ये पूरा चीम्‍मेब येशूने लेन्‍नूदे, ङूजे खूम्‍ने हीम्‍मेब आनन्दजे लागि न प्‍वेब पोने चैत्‍याये अम्‍मन्‍लाबे ङूदे क्रूसजे सकस् भोक्‍तीदे, मेस्‍ये परमेश्‍वर देन् छ्‍यानब सिंहासनजे स्येत्‍देयोर्‌ देन् छ्‌यान ख्यङ्।

हिब्रू 6:2

थर्‌-थर्‌ बप्‍तिस्माजे बारेने लोम्‍मेब पोयू, मी फ्‍याने ला येब कामयू, सीयेबयू सोम्‍बो क्‍यूत्‍देबे लङ्क्‍य यब मेस्‍ये कलङ्बेये अन्‍जेनब दण्ड प्रेब पोयूने त्‍यामे फेरि लादीन दी।

१ पत्रुस 3:21

अम्‍ब क्‍यूजे बप्‍तिस्मा कीनब च्यूनूप्रत्‍या ख्यङ्, अम्‍बदे नमयूने बच्‍दीमीय। अम्‍ब ङ्वजे मैल स्‍येल्‍बेप्र दी, तर अम्‍ब शुद्ध विवेक क्‍यूरजे लागि परमेश्‍वरप्रे चेब कबुल ख्यङ्। अम्‍ब बप्‍तिस्मादे सीइदेबे सोम्‍बो क्‍यूरब येशू ख्रीष्‍टजे कारण नमयूने बच्‍दीमीय।